اولا احب اسلم علي الساده الافاضل اخواتي وحبايبي ياتري اخباركم ايه يارب تكونوا بخير وبالف صحه

ويارب عربياتنا كلنا تكون بخير

النهارده جايبلكم موضوع مهم من خلاله هنعرف وهنتعرف علي التكنولوجيا الراقيه المستخدمه في معشوقتنا بروتون

الموضوع عباره عن جزء صغير بنشوفه كل ما بنفتح الكبوت عشان نسلم علي الوحش الماليزي الاخ المبجل عمو كامبرو
لاكن للاسف الشديد الجزء الي هنحكي عنه مش واخد حقه ابدااااااااااا ومحدش عارف باهميته بتاتا

اولا الجزء ده اسمه ECS او evaporation control system

تعالوا الاول نشوف شكل البتاع ده

هوا مكانه جنب البطاريه علطول علي ايدك اليمين هتلاقي شارع وفي اخر الشارع هتلاقي اشاره مرور

-



كده اكيد كلنا عرفنا شكله ومكانه

الجهاز ده عباره عن محول حفاز يعني من جواه في عرفتين وجواه في نوع من انواع الفحم

طبعا كتير مننا بيلاحظ لما بنيجي نفول العربيه واول ما بنفتح غطاء التنط بنسمع صوت تنفيس

ده بسبب ان البنزين بينتج عنه ابخره وكل ما ارتفع درجه حراره البنزين ارتفع معاها كميه الابخره
ولتقليل المشكله دي تم الاستعانه بجزئين مهمين
الاول غطاء التنك وده لوحده قصه تاني
عندنا في بروتون غطاء التنك مصمم لاداء اكثر من وظيفه
يعني مش مجرد غطاء وخلاص
لا ده فيه صمامين
ايوه 2 صمام
احدهما بيفتح اثناء ارتفاع الضغط داخل التنك والاخر بيفتح اثناء انخفاض الضغط داخل التك .


يعني ايه ؟؟؟

هنفرض ان لا قدر الله ارتفعت درجه حراره تنك البنزين لاي سبب من الاسباب فبالتالي سترتفع درجه حراره البنزين واللي سينتج عنها تصاعد ابخره البنزين في التنك والي بدوره هيرفع الضعط في التنك ولتفادي حدوت تلف للتنك نتيجه ارتفاع الضغط

- غطاء التنك مصمم انه يصرف الضغط اذا ارتفع لدرجه تهدد سلامه التنك
الحاله التانيه طبعا كلنا عارفين ان طلمبه البنزين بتقوم بتوصيل البنزين من التنك الي الموتور يعني في عمليه شفط دائمه بتحدث داخل التنك ولتفادي خدوت خلخله في التنك غطاء التنك مصمم انه يعادل الضغط داخل التنك في مثل هذه الحاله
تعالوا نشوف صور العبقري مستر غطاء



صوره تانيه


تعالوا نرجع ل ecs

وده من ضمن التكنولوجيا الراقيه الي عندنا

طيب تعالوا نفكر مع بعض اثناء التحرك بالعربيه وخد عندك مطبات طالع نازل ملفات يمين وشمال
ومن المعروف ان البنزين هو اخر صوره من صور البترول والي بيكون مصاحب ليه غازات مش عايز اتكلم في حاجات فنيه دقيقه لكن هنقول ان كل ما البنزين بيتحرك جوه التنك وطبعا التنك من جوه مش فاضي لان جواه مصدات وعوارض
فبيحصل ان جزء لا يذكر من البنزين بيصعد اعلي مكان في التنك علي شكل زرات غازيه

هنا دور ال esc .... الي بيكون واخد وصله من اعلي نقطه في التنك وداخله علي غرفه من الغرفتين الي مليانه بنوع معين من انواع الفحم
وبعد كده بيمر الغاز ده الي الغرفه التانيه الي بتعادل نسبه الغاز وفي الاخر بتخرج منه الي المانفولد بعد فلتر الهواء ليتم بعد كده حرق الغاز مع مخلوط الهوء والبنزين جوه المعلم كامبرو

شويه صور



صوره للدائره وهنشوف وهنفهم منها طريقه شغل البتاع ده







اي استفسار انا في الخدمه