تدمير نيسان صنى

**cpt_shawky** · 13-02-2008 07:41 AM

النهاردة شفت بعيني وانا راجع مالشغل كيفية تدمير نيسان صنى على يد رجال المرور العظماء كنت فصلاح سالم وفالشارع اللى قبل بنك قناة السويس فى فاول ربع ليه كده حاجز حديدي ماللى بيستخدموه فالكمين والعربيات كلها واقفة يمينه والصنى واقفة شماله وشها للرصيف جم بالونش وقامو رافعينها من ورا لغاية مبوزها بقا بيبوس الأرض وبدأو يتحركو شد فيها والعجلتين اللى قدام مكلبشين مبيتحركوش ملى واحد وعمالين يصرخوا مالشد لغاية معدوها الناحية التانية مالحاجز وسابوها قدام العربيات اللى راكنة بالعرض وقام الظابط نازل وعليه ابتسامة عريضة يسلم على زميله عالانتصار العظيم اللى عملوه كنت واقف فأول الشارع قمت ماشى خطوتين للعربية وهما واقفين قربت منها وانا بدعى ميكونش اللى فبالى وفعلا ببص لقيت العربية اتوماتيك بصيت تانى لقيت كمان محطوطة على P ولا حول ولا قوة الا بالله

**tutankhamoun** · 13-02-2008 08:22 AM

شرطة المرور المصرية لا تعرف أي شئ عن قواعد المرور .......... مثلهم مثل السائقين
بالاضافة طبعا لعدم وجود ضمير نهائي في أغلب أفرادها و ليس جميعهم
............
ربنا يصبر صاحب العربية على ما أبتلاه ......... و تكون مشكلته بسيطة إن شاء الله

**MTAK** · 13-02-2008 01:37 PM

لا حول ولا قوة الا بالله

**محمد ابراهيم 1** · 13-02-2008 11:10 PM

شفتها فى اسكندريه عربيه اوكتافيا a5 والونش شدها من ضهرها وكانت اوتوماتيك وكانت على ال p وكانت بتستغيث والله كأنها بتتكلم لأن الكاوتش كان بيصرخ فى الأرض وكأنك ضارب فرامل خطر
المشكله اللى غاظتنى أكتر إن العربيه مكانتش واقفه فى الممنوع لكن كان فيه زياره وعشان التأمين للموكب شالوا كل العربيات بس دى هى اللى كانت بتصرخ كأنها عارفه اللى بيتعمل فيها