صباح الفل على الكل

قدامى عربية فيرنا 2006 عاملة 31000 كيلو بس حالتها من برة و من جوة تقول انها عاملة اكتر من كدة بكتير
فهل لو اخدتها التوكيل ممكن يكتشفو ان صاحبها صفر العداد
او ان اهلاك الماتور لا يناسب عدد الكيلو مترات
او اى حسب تانية تاكد او تنفى اللعب فى العداد
او لو حد عندة طريقة تانية يا ريت يقولى
لانى عاوز عربية مش ماشية كتير و خايف اتدبس

و هل فى التوكيل -فيرنا- بيكشفو على كل حاجة
موتور
عفشة
صاج
تكيف
كل حاجة ولا سلق بيض
يعنى الواحد لو دفع المبلغ المطلوب فى الكشف وقالو تمام يشيل و يطمن
ولا ارفعها فى بنزينة
انا بمشى بالمثل اللى بيقول ادى العيش لخبازة لو اكل نصة
بس المثل د من زمان دلوقى حتى لو اديت العيش لخبازة يطلع غبور و ياكله كله

ياريت خبراتكم فى الكام نقطة دول