الاخ الفاضل الاستاذ خالد ربنا يصبرك على مشكلتك وان شاء الله تاخد حقك وزياده كمان ومادام انتا صاحب الحق يبقى ماتخافش من اى حاجه
عرض للطباعة
الاخ الفاضل الاستاذ خالد ربنا يصبرك على مشكلتك وان شاء الله تاخد حقك وزياده كمان ومادام انتا صاحب الحق يبقى ماتخافش من اى حاجه
إيه يا عم الاسعار دي الواضح إن المكانيكي بتاعك بيهرج دة لو موتور STI مش هيكون ب-١٧٠٠٠ ألف روح وسأل عند نصارهمة شاغلين في السوبارو بعدين في حاجة مهمة هية العربية طلعت دخان أبيض ؟ولا سمعت صوت تخبيط وبس ؟ أصل في إحتمالات كتير ممكن تكون السبيكة وبس ودي أمرها سهل إن شاء الله
Thanks
Eng.Sherif Shaker
ربنا معاك يا خالد و تطلع من محنتك دي علي خير
ربنا معاك يا خالد
يا شريف هو فين نصار ده واروحله ازاي ؟؟؟
العربيه مطلعتش دخان ابيض ولا اي حاجه وبتمشي كويس زي ماهي بس كل الموضوع صوت ال ( تك تك تك تك تك ) اللي طالع من الموتور واللي رحتلهم مركزين الصيانه والميكانيكي اللي في الحرفيين اجمعو انه ده نقرة البستم (التوكيل قال عيب بنزين والميكانيكي قال ده عيب صناعه)
انا كلمت خدمة العملاء وقالولي ان الاداره في العبور وخدو مني الشكوه وقالولي حنبعتهلهم وادوني رقم وعنوان اداره ابوغالي اللي في العبور
انا ناوي اروحلهم بكره ان شاء الله ادعولي ربنا يسهل الموضوع
بعد اذنك ...ممكن أعرف :
1- أنت قولت التوكيل و عايد قالوا جابت بستم . يعنى ايه : البستم نفسه ولا البييل ولا البينز و لا الشنبر ؟ أنا عارف ان محدش فك الموتور و لكن كل حاجه من دول لها صوت مميز ؟
2- عربيتك مانيوال و لا أوتوماتك ؟
3-عايد فى حرقيين السلام و لا الدويقه ؟
4- التوكيل و عايد قالوا لازم نص عمره و لا تغيير بستم ولا عمره كامله( طالما الموتور حيتخرط 010) .
5 - بعد حدوث المشكله حسيت بفرق فى سحب العربيه؟
ويارب أقدر أساعدك ؟ خلى بالك لا تثق فى كل الكلام اللى بيتقال .. ان شاء الله حتطلع المشكله بسيطه و اللى سمعته اشتغالات علشان تكع لما تقول كفايه ....
من الشائع أن صوت التك تك تك بيكون بسبب أى كستبان من كستبانات الصبابات ودى بسيطه ....
أتكلم بقلب جامد أنا بعد ما سألت كويس و بالرغم تأكدى المسبق ، لا بنزين وحش و لا جاز و لا عصير قصب يخلى الموتور يجيب بستم !!!!!!!!!
لا تنسى اذا وصلت لطريق مسدود معاهم . خذ منهم ورقه رسمى بتقول ان السبب هو الجاز . علشان حتحتاجها ضرورى جدا فى كل الحالات....
حضرتك تنشرالايميل هنا
وجميع اعضاء المنتدى ياخدو نسخه منه
ويعيدو ارساله لنفس العناوين
عشان يعرفو حجم الدعايه السلبيه اللي ممكن تحصل لو محلوش المشكله
يجب الاشاره الى أن هذا الموقع يقدم نصائح لمشترى السيارات المستعمله وما يجب أن يفعله للتأكد من عدم وجود عيوب معينه ، ويقول فى حالة وجودها حاول تتفاوض على مبلغ البيع ........
هذا ببساطه لان اغلبها مشاكل استخدام ..والدليل شوف السيارات المعروف عنها أن مواتيرها معمره زى المرسيدس و التويوتا و الليكزس حتلاقى عدد المشاكل المحتمله والـ recalls أكتر من السوبارو
يا جماعه مش عايزين نتبع مثل "اذا وقع الــ ..... تكتر سكاكينه ".
لازم نفتكر اننا بنتكلم على ماتور بوكسر مكسر الدنيا بره و واخد "Engine of the year" كذا مره . ومش حنلاقى أى موقع بيتكلم عن مواتير أو تعليق السوبارو بأى كلمه . أنا بضور بقالى يومين على أى recall على ماتور أى موديل سوبارو ..لم أجد.
وكل الـــ reviews بتقول رأى عن كل حاجة و تيجى عند الماتور و التعليق و تقول انها لا تحتاج الى كلام لانها معروفه .
واللى حصل لاخونا .. حيتضح قريبا بأذن الله و حيكون بسيط.
على فكره أنا مش من عيلت ابو غالى و لا عبد الهادى ولا عندى سوبارو..بس احب أعطى كل ذى حق حقه "زى ما بيقولوا"
بجد انا عاجز عن الشكر لمساندتكم ليا
التلاته قالولي دي نقرة البستم ( ان البستم حصل في فراغ فبيلق وبيخبط في الشميز ) وده محتاج فك الموتور وتغيير بساتم كلها ب 010 والشميز والبينز ووش جوان السلندر ( كلام كتير يعني )
وعايد ده في حرفيين السلام
وانا نازل دلوقتي ان شاء الله رايح العبور حيث المركز الرئيسى لادارة ابوغالي وربنا يكرم
اه صحيح العربيه مانيوال
والموضوع ده حصل بعد ماكنت راجع على الدائري كنت ماشي بتاع 160و170 واول لما وقفت عشان النزله سمعت الصوت
والعربيه سواء قبل او بعد التخبيط اللي بيحصل ده اداءها زي ماهو بالظبط مفيش اي تغيير (نفس السحب والتسارع وكله ) بس كمان بيبقى فيها رعشه كده في السلانسيه
ربنا معاك إن شاء الله و تلاقى حل النهردة
ربنا معاك ياخالد .. وإن شاء الله تاخد حقك ويرتاح بالك
والله حاسس بيك ..كان الله في عونك
ربنا معاك و ابقى قولنا على كل جديد
استاذ خالد
ربنا معاك و يكون في عونك و ان شاء الله تطمنا اليوم و يا ريت حضرتك تقولنا اخر مرة حطيت بنزين كان من انهي محطة
و ربنا يوفقك اليوم مع التوكيل ان شاء الله
استاذ خالد
انا مرة حصل معايا موضوع الصوت تك تك تك تك في عربيتي و بس من غير ما تطلع دخان ابيض و لا حاجة و لما رحت للميكانيكي اتضح ان جنزير الكاتينة كان بيخبط في وش التقسيمة بعد ما الترس انكسرلأن انا عندي الكاتينة جنزير مش سير زي باقي العربيات انا معرفش السوبارو سير ولا جنزير بس يا ريت تتأكد.
بإذن الله تكون حاجة بسيطة و ربنا معاك إن شاء الله.
انا اخر مره كنت ممون كان من بنزينه امارات مصر اللي على الدائري وطبعا دي بنزينه نضيفه اوي معتقدش انهم يغشو البنزين بالميه او الجاز والله اعلم انا لسه معملتش التحليل رحت لشيل قالولي بيعملو تحليل بيكشف وجود ميه بالبنزين او لأ وبس لكن مش تحليل كامل وتقرير وكده وده اللي انا محتاجه
فحاروح بكره ان شاء الله ادور على الهيئه دي اللي جنب انبي واعمل تحليل عندهم وربنا يسهل
موقف ايجابي حصل معايا النهارده وانا متفائل بيه ان شاء الله
انا كنت ناوي اروح الاداره في العبور بس للاسف طلعو اجازه النهارده والصيانه بس اللي شغالين السبت
المهم التوكيل اللي في المعادي كلمني الضهر وقالي فيه ايه وايه اللي حصل مننا بس عشان ده كلو وان في عملاء كتير راحلهم النهارده بيحكولهم على موضوعي وبيشتكو وقالولهم على موقع نايل موتورز والموضوع اللي مكتوب ده بالنص فبيقولي ان انا مقلتلهمش ليه قولتلو اني اصلا مش بشتكي حد وان ده مجرد موقف غريب حصل معايا في العربيه واني مش مصدقه فقلت احكيه للناس عشان حد يقف جنبي وهكذا قالي عالعموم احنا حنحاول نساعدك وكده وربنا يسهل
بعد شويه كلمني مركز بتاع جسر السويس وشرحتله موقفي بالظبط واللي حصل معايا واللي انا قلته هنا وكده قالي عالعموم انت عميل بتاعنا ولازم نرضيك لانك عميل سوبارو مش اي عربيه وحتي لو البنزين طلع فيه جاز هنساعدك برضه بس هما محتاجين اني اعمل التحليل للبنزين واديلهم الريبورت وهنقعد مع مدير مركز ابو غالي وكده كده حنحل لك الموضوع واهم حاجه انك تكون راضي عن العربيه وفخور بيها
قلتله خلاص ان شاء الله حعمل التحليل واجيلكو والصراحه انا انبسط من الاهتمام ده وانهم بيحاولو يحللولي المشكله دي وربنا يقدم اللي فيه الخير
انا قلت اقول كل اللي بيحصل في الموضوع وتطوراته وادعولي يتحل على خير ان شاء الله
جزاك الله خيرا و إن شاء الله ترسى على حاجة بسيطةاقتباس:
نا قلت اقول كل اللي بيحصل في الموضوع وتطوراته وادعولي يتحل على خير ان شاء الله
ما انا قلتلك يا خالد من الاول شوف حد كبير هناك
بداية الغيث قطرة ....ربنا معاك ...خير إن شاء الله .
ان شاء الله الموضوع يخلص على خير يا خالد بس اصحك بالآتي:
- بس بلاش تكمشي بالعربيه لحد ما تعرف ايه اللي هيحصل.
- متسمعش كلام اي صنايعي... طبعا هيطلعلك كل العبر في التوكيل علشان تبقى زبون عنده و تسيبك من التوكيل.
- لو طلع عيب صناعه حتى لو الضمان بتاعك 60000 انا متأكد انهم هيصلحولك العربيه بردو.. و على فكره احنا عندنا في الشغل فيه 4 عربيات موديل 2004 و 2005 كلهم ايجار و جايين زيرو و شغالين سفر على طول.. و عمر ما حصل فيهم اي حاجه زي دي.
ان شاء الله خير..و يا ريت تبعتلي تلفونك في رساله خاصه علشان عايز اكلمك في حاجه خير ان شاء الله
شوفتوا يا رجاله ... خافوا من الدعايا السيئه ....عال عال عال عال
أن شاء الله الموضوع حيتحل منهم بسهوله.
ربنا يبارك فى كل أعضاء هذا النادى ..ما شاء الله كلهم ايجابيين..
استجابتهم دى تعنى أنهم بيخافوا على سمعتهم ،يعنى محترمين ، فى توكيلات تانيه كبيره فى هذه الحالات وفى أقل منها بتقول للعميل "أخبط راسك فى الحيط "
أنا ليه رأى ما كنتش عايز أقوله و أسبق الاحداث وهو أنه لو كان عيب صناعه كان ظهر فى عربيات كتير . أنا بشوف عربيات سوبارو قديمه و بوقف أصحابها وأسئلهم عليها بيكون الرد ممتازه وحمالة أسيه و ما فيش مشاكل . كلهم بيتكوا على كلمة حمالة أسيه .
طبعا أنا معاك 100 * 100 أن الواحد مش لازم يسمع كلام اى صنايعى للسبب اللى قولته(خصوصا كلمت دى خامس عربيه تجيلى بنفس العيب منهم واحده عامله 4000 كم) ..وأيضا التوكيلات لما بتكون حاجه صغيره بايظه بيفضلوا يغيروا حاجات كتير جنبها ويريحوا دماغهم .
بخصوص موضوع أخونا خالد هناك نقطتين غامضتين لازم حيبانوا ان شاء الله : موضوع البنزين + موضوع الخسائر اللى حصلت فعليا فى الموتور
والله أنا عمال أضور على النت بخصوص أى حاجه فى أى موديل سوبارو بخصوص الماتور فى مواقع محترمه جدا و مجلات السيارات مش لاقى حاجه خالص
فلازم نتفق على انه ليس عيب صناعه و الا كانت شكوى من كل السيارات فى مصر و خارج مصر.. ولا مفيش حد عمل الــ 80000 كم زى أخونا خالد ؟؟؟؟
,ايضا موضوع الجاز ده أنا قتلته بحثا ..فهناك نقطتين:
1- لوكان البنزين فيه جاز كتير العربيه مش حتدور أصلا.
2- لو كان قليل .لازم العربيه حتقطع وتنتش والموتور يصقف . لازم لازم ده يحصل مع أى موتور فى الدنيا
فالسؤال هنا لاخونا خالد: هل حسيت فى مره من المرات تقطيع أو تنتيش أو تصقيف خصوصا أن ده يظهر واضح جدا جدا فى السرعات العاليه لازم لازم تبان ؟؟؟؟؟
وأيضا لو كان الموتور جاب بستم كان حيأثر ضرورى على سحب السياره..بالذات فى الطلعه وبالذات فى السوبارو الـــ AWD و "رعشه كده في السلانسيه" زى م قال أخونا خالد لا تؤكد أنها بسبب BISTON FAILURE
مبروك يا خالد دي البداية ان شاء الله
انت ابن حلال وواضح ان نايل موتورز سمعت في كل حتة
وان شاء الله مشكلتك تخلص على خير
ولو في اي حاجة محتاجة مش هاوسيك ان تليفوني معاك
اخوك كريم
الحمد لله
وان شاء الله ربنا يكرمك و تبقى حاجة بسيطة
وبعدين انا كنت شايف ان كلام الصنايعي ده في كتير من المبالغة
بيقول فيه خمس عربيات جاتله فيها نفس العيب
اظن 5 عربيات ((بيكلم عن شكل 2006))
يعني النسبة هتبقى كبيررررة جدا لو استثنيننا العربيات اللي صحابهم بيودوها التوكيل
^^^^^^^^^
يعني من الاخر كده لو كان عيب في العربية في موديل امبريزا TS(1600cc)
كان اكيد واحد من ملاك سوبارو حضرتك او انا او اي من الاخوة سمع عن الموضوع و هو بيسال الملاك الاقدم عن رايه في العربية لما جه يشتريها
صعب موضوع كبير كده يستخبى
لان مع الناس ال 5 اللي راحو للصنايعي اكيد كان هيروح قصادهم 15 التوكيل
انا رائى ان الموضوع كله مش حايعدى لخبطة فى الصبابات
أتفق معك كليا في النفطة دي
وكمان في سؤال لأخونا خالد
هل الصوت بيزيد مع الRPM ولا بيقل؟
لو بيزيد يبقى فعلا بستم أو بيل أو بنز أما لو بيقل يبقى كستبانات ودي بسيطة
ولو تحب تشرفني في المركز أكشفلك على العربية عشان نتأكد كلنا ممكن تبعتلي رسالة خاصة وأنا أديك العنوان
الف شكر يا اخ shaft على مساعدتك وجزاك الله خيرا
المهم خدت العينه ورحت على معهد بحوث البترول وقلتلهم عايز احلل قالولي ان احنا مش بنتعامل مع افراد نهائي شركات فقط وكمان التحليل ده بيكلف جامد اوي مش هينفع معايا (كذا الف جنيه )
كلمت التوكيل وقلتلهم قالي خلاص ولا يهمك هات العربيه يوم السبت سيبهالي يكون فك وشاف اللي فيها ويوم الاحد المهندس ييجي معايا الاداره (المركز) نتكلم ويكون عرف ايه اللي في العربيه بالظبط ويشوفو انا عايز ايه ويرضوني وكده
يا مسهل يارب بس انا عايز اعرف ايه رأيكو في السيناريو ده وايه اللي ممكن يحصل واطالب بأيه بالظبط
معلش يااخواني تاعبكم معايا في مشكلتي بس والله بجد انا تعبان اوي من الموضوع ده وحالتي النفسيه بايظه ومحبط جدا
والحمد لله على كل حال
لآ يا خالد الحوار كده ماشى فى إتجاه إنت مش هايرضيك ولا يعجبك خالص
التوكيل هايفك و يصلح و يقولك حللنا و لقينا البنزين مغشوش و التكاليف عليك
إتفق الأول معاهم + دور على معمل يحلل الموضوع ده أفتكر معانا ناس كيميائيين هنا فى المنتدى يقدروا يفيدوك فين تحلل أفتكر منهم العضو الفاضل MTAK و أستاذ محمد برج الحرم (مش فاكر النيك نيم بالظبط)
و ذى ما قولتلك فى معمل فى شارع الإسعاف ممكن يحللك أى مادة و لف شوية عشان تجيب حقك لازم تتعب فى البلد دى
ماتخليش التوكيل يشتغل فى حاجة قبل ما تتفق معاهم مين هايشيل إيه
Great talk ya KHALED
ISA everything will be ok, i sent many mails to some persons about this case and told them about the web site to check with themselves
مستنيين منك التطورات يا خالد وربنا معاك
جاز و ميه مستحيل ما انا والدي حت في الابيزا قبل كده بنزين طلع مغشوش ميه ولا حصل الكلام ده اكيد عيب صناعة
Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzaaaaaaaaaaaaaa For Ever
واضح فعلا ان فيه ضغط عليهم بالنسبه لموضوعي والا ماكانوش كلموني 3 مرات لوحدهم وربنا يقدم اللي فيه الخير
بالنسبه لموضوع الميه او الجاز فالراجل بيقولي لو البنزين مغشوش وانت ماشي بيه في وسط البلد والزحمه وهادي فمش هيعمل حاجه وحيخلص وخلاص
اما لو مغشوش وجريت بالعربيه بيه (زي كده كل يوم دائري رايح جاي ) فده يبوظ البيستم وميستحملش على السرعات العاليه
ده كلام المهندس معايا وانا الصراحه مش فاهم اوي في الكلام ده
طب قولى يا خالد اليوم المشؤوم ده التانك بتاعك كان فيه بنزين قد إيه ؟؟
لأن لو كان فوق الربع فإستحالة إن الماء يوصل للبنزين - ده طبعا مقياسا على كلامهم و بالتالى تقدر تنفيه بنفس إسلوبهم
أنا مقتنع أساسا بموضوع إن الماء هو السبب بس عشان تخاطبه من نفس منظوره
انا اصلا يا حوده عمر التانك عندي ماواصل اقل من الربع لاني بفول العربيه دايما ولما يوصل للربع بفول وهكذا
ولما حصل الموضوع ده كان التانك فوق النص
المهم دلوقتي انا معملتش اي حاجه في موضوع البنزين والمهندس بتاع التوكيل بيقولي تعالى هات العربيه يوم السبت وهكشف عليها واشوف اذا كانت في مشكله في الكاتينه والسيور (اللي غيرتهم اخر صيانه) او المشكله منين بالظبط
ويوم الاحد حيجي معايا للاداره في العبور ونتكلم ونوضح الموضوع معاهم وطبعا حنحاول نرضيك بالحل المرضي ليا
دلوقتي مش عارف اعمل كده فعلا ولا اعمل انا حاجه تانيه وايه بالظبط
انا في رئيي ان حضرتك تتوكل علي الله الاول و بعدين واضح كدة انهم مش عايزين مشاكل و عايزين يخلصوا المشكلة علي خير
ربنا يوفقك علي خير ان شاء الله