زيت التيدا 3 لتر ولا 4.5 ... ارجو مشاركة اصحاب السيارة

السلام عليكم ...
الموضوع باختصار انى كنت سالت الاخوة قبل كده لما رحت عملت صيانة الالف للتيدا 2009 وغيرت زيت وفلتر وحاسبونى على 3 لتر زيت .... فوجدت احد الاخوة معاه تيدا 2007 وبيقول انه بيحط زيت 4.5 لتر بالفلتر ؟؟؟؟
فسالت الاخوة فرد الاستاذ Alhamza واكد معلومة ال 3 لتر .. دلوقتى احد الاخوة وهو samsong بيقول انه لما حط 4.5 لتر وجد بعدقياس الزيت انه كان اعلي من المؤشر ... على الرغم من انه بيقول موتور التيدا 2007 هو HR16DE وهو نفس الموديل لحد 2010 ...
المفاجأة ... روحت فتحت الكتالوج ووجدت فى صفحة مقدار الزيت 4.6 لتر بالفتر !! :O_stupid[1]:

فياريت اى حد عنده اجابة للموضوع يشاركنا برأيه وجزاكم الله خيرا ...

http://www.nilemotors.net/Nile/156130-4.html
نفس المشكله.
طيب اخي الكريم قيس الزيت وشوف العلامه لفين لو مضبوطه لانها لازم تكون بين L , H وبحد اقصي لحد H وبعد كده يبقي زياده وانا خليتهم 4 لتر والمقاس مضبوط عندي علي H وتم القياس صباحا وبعد ساعتين من الاستخدام وسيبتها 30 دقيقه وقست والعلامه مضبوطه علي H
والله اعلم

???????????

بص يا على سيبك من قصة مكتوب ايه فى الكتالوج

انا سالت عشان تكون المعلومة اكيدة

بالنسة لكل موديلات التيدا 2009 -2010 بتاخد 2.7 كيلو ,وبالفلتر بيوصل الى 3 كيلو فعلا

بالنسبة الى الموديلات اللى قبل كدا بتاخد 4.5 كيلو

وبعدين هى المواتير زى بعض بالظبط ,

ولكن الفرق بيكون فى حجم الكارتيرة بتاعت الزيت لان الموديلات اللى قبل 2009 حجم الكارتيرة فيها كبيرة فبتاخد زيت كتير , فغيروا الكارتيرة وبقت اصغر شوية فى الموديلات الحديثة

شكرا استاذ احمد علي الايضاح
وانا موديل 2007 بس خليجي ويمكن علشان كده بتاخد 4 لتر بعد التجربه

فعلا أنا لما غيرت الزيت في الصيانة رجعولي جالون موبيل ون مليان ربعه !
يعني تقريا خدوا 3 لتر و رجعولي الباقي

شكرا يا احمد ... شكرا يا ابو رقيه ...فعلا انا بصيت على مقياس الزيت ولاقيته مظبوط تمام فقلت امال ليه كاتبين 4.6 لتر ؟؟
فكده ردك انهم غيرو الكارتيره وليس الموتور هو الاقرب الى الواقع ... الف شكر يا جماعة جزاكم الله خيرا ...

نفس الكلام وسمعو من السبع

بص يا على سيبك من قصة مكتوب ايه فى الكتالوج

انا سالت عشان تكون المعلومة اكيدة

بالنسة لكل موديلات التيدا 2009 -2010 بتاخد 2.7 كيلو ,وبالفلتر بيوصل الى 3 كيلو فعلا

بالنسبة الى الموديلات اللى قبل كدا بتاخد 4.5 كيلو

وبعدين هى المواتير زى بعض بالظبط ,

ولكن الفرق بيكون فى حجم الكارتيرة بتاعت الزيت لان الموديلات اللى قبل 2009 حجم الكارتيرة فيها كبيرة فبتاخد زيت كتير , فغيروا الكارتيرة وبقت اصغر شوية فى الموديلات الحديثة

فيه موديلات من التيدا2007-2008 بتاخد 4.5 لتر بالفلتر
اما 2009-2010 بتاخد 3 لتر بالفلتر

الفيصل فى النهاية ال OWNER'S MANUAL بتاع عربيتك-دليل مالك السيارة
افتح CHAPTER 9
Technical and consumer information
Capacities and recommended fuel/lubricants
هتلاقى كمية الزيت المحددة لموتورك مع العلم ان نوع الموتور الموجود فى مصر HR16DE
غير الموديل وكتاب دليل المالك الفنى كمان بيعرفها فى الصيانة أثناء رفع السيارة من حجم كارتيرة زيت المحرك الاقل طبعا بتاخد 3 والاكبر 4.5
والتقليل فى كمية الزيت طبعا هدفه تقليل التكلفة مع عدم الضرر باداء وكفاءة المحرك


حاتم فوزى

فعلا منتدي النيسان بقي حاجه جميله ومحدش بيتاخر علي حد في الرد
انا كنت سالت المهندس حاتم في اول مرة صيانه قللي معلومه ان الموديل الحديث فيه تطوير في الموتور علشان كده بياخد 3 لتر زيت عند تغيير الفلتر وبجد دي حاجه اكتر من ممتازه وتحسب للتيدا