والله ياجماعة ده كله نصب .... أنا صرفت كتير على المنظفات دي بس مابتعملش حاجة .....
عرض للطباعة
والله ياجماعة ده كله نصب .... أنا صرفت كتير على المنظفات دي بس مابتعملش حاجة .....
ال stp موبيل بيبيعا ب 30 جنية و مرة تانية جبتة من محطة كارجاس ب 23 جنية حسيت انى هندى و راكب فيل بمبى و خدت على دماغى و الاحسن من ال stp العلبة السوداء نفس الماركة بس العلبة البرتقالى بس هية اغلى شوية وكويسة بجد
يا باشا الى يزعلك مش الفلوس بس انك تحس ان محطة بنزين محترمة زى موبيل بتستغفل الواحد على أساس مثلا انك لو راكب عربية يبقى انت زارع شجرة فلوس و بتزل تقطف منها ورق بنكنوت يبقى مش ممكن تثق فى سغر اى منتج عندهم و على فكرة برضو المحل الى فى بنزينة مصر للبترول ولا التعاون التعبانة دى الى فى أخر شارع المطار الماركت دة بيبيع لوازم السيارات بأسعار سياحية و دة جنب مركز الباشمهندس عادل بتاع فيات زيادة فى السعر ب 15 جنية فى منظفات الانجيكشن كنت مرة هناك و الاخ الى شغال عند الباشمهندس عادل قال لى هات منظف انجيكشن و للحظ انا كان معايا فى العربية باقى علبة و عليها تكت بالسعر بس جايبة من محطة توتال و السعر كان 25 جنية لقيت نفس العبوة فى المحل بتاع البنزينة ب 40 جنية كانت واقفة بنت محجبة قولتلها السعر دة غلط العبوة الصينى دى ب 25 جنية طبعا هيا مالهاش دعوة و المضحلك لما طبعا ما أشترتش رجعت للصنايعى الى عند الباشمهندس و قولت لة ان الماركت بيبيع بأسعار سياحية و نصاب قام الافندى قال لى لا دة سعرة فى كل حتة و كان واقف راجل بيصلح عربية سينا الواد العامل طلب من الراجل شوية اسبراى منظفات بحوالى 100 جنية و كان واقف مسامع الحوار قلت للعامل حظك وحش معايا انا مش زبون غشيم بتعرف تقرأ السعر و وريت العلبة لة و السعر مكتوب على الغطاء 25 جنية تنح و ما عرفش يرد و الراجل طبعا قال لى السعر واضح على العلبة و أفاد انة اول مرة يروح المركز دة و طبعا أخر مرة لان العامل بيستهبل على الزباين و كلة مصلحة فى النهاية
انا مش عارف بصراحة المنظفات دى ليها تأثير ولا لأ
ولو مالهاش تأثير...........الناس ليه بتشتريها؟؟؟؟
فعلا للاسف الحركات دي بتحصل كتير
وفعلا عند حضرتك حق ناس كتير فاكره الواحد طالما راكب عربيه يبقي معاه زير فلوس
رغم ان معظمنا معاه عربيات تعتبر فئة متوسطه ويدوب مكفيها مصاريف
عموما اهو الواحد برضك بيتعلم وطالما في البلد دي فاهم يبقي انه يضحك عليه اقل من لما تكون مش عارف خالص
وربنا يسترها ويعفينا من النصب ده