للمهتمين بالاحصاء

**maybe** · 10-06-2010 01:01 PM

عندنا في الشغل في إهتمام كبير بدراسة الاحصاء والتحليل الاحصائي وعلاقتها بالجودة.

علشان كده أنا بدور على مكان بيدي دورات في التحليل الاحصائي

كمان لو حد يعرف ما هي أفضل كتب باللغة العربية بتعلم برنامج اس بي اس اس spss على إعتبار كما سمعت أنه أفضل البرامج في هذا المجال.

يا ترى في حد عنده فكرة أو معلومة ، الأمر عاجل للغاية

**ahmed4000** · 10-06-2010 01:12 PM

اشهر مكانين فى مصر
معهد الدراسات والبحوث الاحصائية فى جامعة القاهرة جنب كلية حاسبات ومعلومات

وفى الجهاز المركزى للتعبئة العامة والاحصاء بس مش عارف بيدى كورسات ولا لا

وفى كلية الاقتصاد والعلوم السياسية فيه قيم للاحصاء

بس اعتقد اول واحد هو اللى حيفدك

**maybe** · 10-06-2010 01:27 PM

المشاركة الأصلية كتبت بواسطة ahmed4000

اشهر مكانين فى مصر
معهد الدراسات والبحوث الاحصائية فى جامعة القاهرة جنب كلية حاسبات ومعلومات

وفى الجهاز المركزى للتعبئة العامة والاحصاء بس مش عارف بيدى كورسات ولا لا

وفى كلية الاقتصاد والعلوم السياسية فيه قيم للاحصاء

بس اعتقد اول واحد هو اللى حيفدك

شكرا يا باشا على سرعة الرد والافادة ، جزاك الله خيرا

**عزيز محمد** · 10-06-2010 05:25 PM

يوجد بمعهد الدراسات والبحوث الإحصائية منفذ بيع لبعض الكتب التى تشرح استخدام برنامج SPSS ومن أهمها كتاب من جزءين لدكتور سمير عاشور (إسأل على الكتاب ده بالإسم وإن شاء الله هيفيدك)

فيه كمان مركز يديره ويشرف عليه عدد من أعضاء هيئة التدريس بقسم الإحصاء بكلية الاقتصاد والعلوم السياسية اسمه Pioneers ولهم موقع على النت دور عليه لإنى أعتقد إنهم ممكن يفيدوك فى الجزء المتعلق بالدورات