يوميات مواطن معاه فليشيا 1997

**fakharany** · 17-03-2008 11:55 AM

بص يا سيدي أنا وقعت نفس وقعتك تمام وإشتريت العربية من واحد ماكنش مهتم بيها وأنا ماليش خبرة في العربيات ولكن بعد ما ظبطها وكلفتها شوية بقيت ماشيه معايا والحمد لله زي الحلاوة ده غير إني إتعلمت حاجات عن العربيات ماكنتش أعرفها علشان كده هي العربيات القديمة بتحتاج شوية شغل لما تشتريها من حد متعرفوش والي أنا إكتشفته إنك علشان توفر مصنعيات وعطلة تعمل حسابك لما تجيب قديم تكشف عليها كلها مرة واحده وتظبط كل حاجه مرة واحدة وبجملت المصاريف.

**د.محمود صلاح** · 07-04-2008 06:25 PM

هذا ما حصل معى ونصيحتى انك اذا تكلفت مصاريف وظبطت العربية ما تفكرش تغير ثانى بسهولة . ورينا بيبارك لك فيها ,

**crazylambada** · 07-06-2008 09:52 PM

اشتري حضرتك على ضمانتي واحدة بس تكون نضيفة مش مهلوكة و الا حتطلع عينك

**MOHAMED ABD EL SHAFY** · 26-07-2008 04:03 PM

معلش يا دكتور اللى حصل حصل بس احب اوضح حاجات:
1- معنى ان واحد اشترى سيارة مستعملة وكان صاحبها مهمل فيها ولا يقوم بصيانتها فتدهورت حالتها يبقى المشكلة فى السبارة ..... اكيد طبعا لا دا لو كانت مرسيدس او بى ام وصاحبها مهملها هتبوظ منه اشياء كتيير ..... نفرض مثلا ان واحد معاه مرسيدس ومطنش صيانتها مثلا يعنى ومى بيها وسافر ومثلا نسى الزيت لما نقص والمياه التبريد او المروحة عطلت ومخدش باله هل العربية مش هتجيب موتور يعنى او وش سلندر!!!! يبقى الاكيد ان العيب مش فى السيارة العيب فى اللى راكبها..... على النقيض لو معاك عربية سيات 133 مع احترامى لمالكها ومحافظ على صيانتها هتفضل بحالة ممتازة ومش هتبقى بيها مشاكل فالعيب فى صاحب السيارة مش فى اللى راكبها
2- ثانيا الدكتور حضرتك غلطة منك انك مجبتش ميكانيكى كويس يفحصها وتجربها قبل الشراء فدا مش عيب السيارة دا عيب الشخص اللى باعهالك وانت مشترك معاه لانك مفحصتش الشئ اللى بتشترية فمثلا يعنى ايه اوكر الابواب بيها مشكله وعاوز تتغيير هوا انت اشتريتها من غير حتى ما تمد ايدك تفتح الابواب بتاعتها!!!! وايه يعنى لو الولاعة مش شغالة تبقى العربية بيها مشكلة فظيعة و يبقى اكيد شركة اسكودا هى اللى غلطانة والعربية فاشله؟
3- مش عارف ليه انبرى بعض الاخوه والقوا التهم على شركة اسكودا وعلى نوع السيارة!!!
4- السيارة دى جميلة جدا وممتازة بالنسبة لفئتها السعرية بشرط عام لكل السيارات انك تحافظ عليها
وتديها حقها فى الصيانة والمتابعة الدورية
وهى من مميزاتها الاتى :
- سيارة تحمل خدمة شاقة
- قوة ومتانة فى الصاج والعفشة
- عوامل امان بتدريع الابواب والقوائم متينة وممتازة
- شكل جميل ومتطور لفئتها
- التابلوة اكثر من رائع لفئتها
- السرعة عالية تصل ل 170 كيلومتر
- ثبات على الطريق جميل جدا دوران منعطف 90 درجة على سرعة 120 كيلو متر
- سعر سوقها ثابت وغير متزبزب
- قطع غيار معمرة جدا وتستاهل تمنها
- يصلح معها البنزين 80 لو عاوز توفر على حساب التسارع السريع طبعا
- سير الكتينة جنزير مما يحمى من مشكلة انقطاعة فجاة مما يحمة بالتالىالموتور
العيوب :
- مشكلة فى الحرارة مع التكييف ( لازم العناية بدورة التبريد ومتابعتها كل فترة فى الصيانة من ريداتير لمروحة...)
- قطع الغيار مرتفعة نسبيا
- صوت الموتور مرتفع نسبيا لو سير الكتينة رخى شوية
- الكاسيت مش اد كدا

5 - نصيحة للصيانة للدكتور :
1- جمع كل الاعطال و العيوب فى السيارة مرة واحدة وقسمها على 4 فئات
- الفئة الاولى : اعطال الميكانيكا
- الفئة الثانية : اعطال الكهرباء
- الفئة الثالثة : مشاكل العفشة
- الفئة الرابعة : مشاكل السمكرة
وحدد المشتروات لكل فئة وعدى على كل فئة وصلحها مرة واحدة مما يجعل المصنعية مرة واحدة وتوفر بذلك المصنعية والوقت فى ان واحد

2- تابع المياة والزيت باستمرار
واكيد لما تصلح كل دا هتبقى السيارة كويسة وهتعرف انها ممتازة بالنسبة لسعرها

**MOHAMED ABD EL SHAFY** · 26-07-2008 04:14 PM

--------------------------------------------------------------------------------

الاوربيون مولعون بالفليشيا منذ ظهورها وتعتبر اليارة الشعبية عند معظم دول شرق اوربا
يعنى هيا ال 128 بتاعتهم
شوف الروابط دى للاسكودا فليشيا بيتعمل فيها ايه

http://www.youtube.com/watch?v=OXfULgPStwM

http://www.youtube.com/watch?v=Bl8Vm8Oy9Z8

http://www.youtube.com/watch?v=FsgWLyM1fNk

http://www.youtube.com/watch?v=_ocKMQbmZT0

http://www.youtube.com/watch?v=9DsSt0cJ8U0

http://www.youtube.com/watch?v=TNb0tez1VaM

http://www.youtube.com/watch?v=I25BnE8FDAs

**د.محمود صلاح** · 30-07-2008 02:12 PM

شكرا ياباشا على النصائح دى .. العربية فعلا عاجبانى ومابفكرش أبيعها للأسباب التى ذكرتها حضرتك وبالذات موضوع بنزين 80 لأنها فعلا تقبل بنزين 80 ... وكمان وزن العربية 1450 كم فارغة بيديها ثبات وثقل جيدين وقطع غيارها متوفرة فى كل مكان حتى فى الاقاليم ... وبالنسبة للأوبوربيين فعلا بيحبوها جدا لدرجة انها كانت نازلة فى العاب السيجا ( الاتارى ) زمان لو كنت فاكر

**د.محمود صلاح** · 16-09-2008 05:23 PM

تابع لليوميات ... بعد عودتى من عمان للإجازة وأول مرة استخدمها فى الصيف الحار :-

0 غيرت البطارية وبلوف العجل
0 غيرت خرطوم الهواء البارد للمكيف وشحنت فريون
ملاحظة على الاداء :- بنزين 80 مش مأثر على العربية نهائى وقله قليلة من يضع ال 90 فى الغالب من القديم
العربية بدون المكيف نهارا درجة الحرارة الطبيعية 90 وده معقول وبعد كده المروحة بتشتغل اوتوماتيك وبتنزل شويه بسيطة
بالليل فى الهواء البارد الحرارة 70
اثناء تشغيل المكيف نهارا فى عز الظهر الحرارة بتبقى 105 تقريبا وداخله على 110, وذلك لأن العربية غير مجهزة بمكيف اصلا وراكب لها مكيف بعقلية الصنايعى المصرى ( المروحه سرعة واحده والردياتير امامه سربنتينة الفريون فحاجبه عنه الهواء ) , الحل :- المواظبة على ركن العربية فى الظل ان امكن , تركيب مروحة سرعتين للريداتير , تغيير الريداتير بواحد اكبر ؟

**Nader** · 21-05-2009 03:48 PM

المشاركة الأصلية كتبت بواسطة د.محمود صلاح

تابع لليوميات ... بعد عودتى من عمان للإجازة وأول مرة استخدمها فى الصيف الحار :-

0 غيرت البطارية وبلوف العجل
0 غيرت خرطوم الهواء البارد للمكيف وشحنت فريون
ملاحظة على الاداء :- بنزين 80 مش مأثر على العربية نهائى وقله قليلة من يضع ال 90 فى الغالب من القديم
العربية بدون المكيف نهارا درجة الحرارة الطبيعية 90 وده معقول وبعد كده المروحة بتشتغل اوتوماتيك وبتنزل شويه بسيطة
بالليل فى الهواء البارد الحرارة 70
اثناء تشغيل المكيف نهارا فى عز الظهر الحرارة بتبقى 105 تقريبا وداخله على 110, وذلك لأن العربية غير مجهزة بمكيف اصلا وراكب لها مكيف بعقلية الصنايعى المصرى ( المروحه سرعة واحده والردياتير امامه سربنتينة الفريون فحاجبه عنه الهواء ) , الحل :- المواظبة على ركن العربية فى الظل ان امكن , تركيب مروحة سرعتين للريداتير , تغيير الريداتير بواحد اكبر ؟

المفروض مع تشغيل التكيف يحصل العكس، بمعنى ان درجة الحرار تقل.

الردياتير الأكبر مش هيحل المشكلة لوحدة، أكثر السيارات المكيفة مزودة بعدد 2 مروحة احداهما

على الأقل متعددة السرعات.

ممكن تغير المروحة بواحدة تانية اكبر وسرعات