يوميات مواطن معاه سكودا فليشيا 1997
كان لدى أوبترا أوتوماتيك 2007 واضطريت لبيعها عشان عقد مسافر للعمل فى عمان وسعر السيارة سينخفض لو ركنتها وقررت شراء سيارة ثمنها معقول وسعرها ثابت وذلك لإستخداماتى اليومية قبل السفر وأثناء الأجازات , اشتريت الفليشيا 1997 عاملة 137 الف كم منذ 30 يوم ب 36 الف ونصف و 300 عموله و500 تسجيل
... ومن ساعتها كل يوم عند كهربائى أو ميكانيكى , وزى ما يكون اشتريت وجع القلب لنفسى
1- أمبير الحرارة كان عطلان بيقرأ قراءة خطأ أقل من الحقيقى فمشيت بها مشوار طويل لقيتها بتخلط الزيت فى القربة ومؤشر مقياس الزيت مطلع زيت نظيف ............ غيرت جوان وش السلندر ب150 ج وغيرت الامبير ب 50 ج وغيرت غطاء القربة ب 18 ج
2 - قاعدة الاكسيلاتير مكسورة واكتشفت ذلك عند تغيير السير بتاع التكييف والدينامو ( لازم يعشق العربية ويدور العجل عشان السير يركب ) مما أدى الى تأخير الكهرباء بصورة كبيرة بسبب أن قاعدة الاكسيلاتير مكسورة , فلم ينتظم الموتور فى الحركة ومعرفش يعملها الميكانيكى فمشيت بها كده فعملت كم مدفع , بصينا لقينا مقياس الزيت جايب طحينه , حلينا وش السلندر تانى لقينا طبه جايبه ميه على الزيت لحمناها ب 1 و 2 واختفت المشكلة , وقاعدة الاكسيلاتير هذه لا تباع الا من موتور قديم ولم أجدها والظاهر ان الطلب عليها كبير , وعموما هى لاتعمل مشكلة الا عند تركيب سيور
3- غيرت رولمان بلى العجل الخلفى وسلك الدبرياج ب 90 ج و 40 ج
4 - المارش ذات يوم بطل يدور والبطارية جديدة , اكتشفنا عطل الاوتوماتيك ( السويتش بتاع المارش ) ركبنا له كتاوت ب 30 ج
5- الابواب كوالينها لا تعمل حاولت تصليحها ولكن لم يفلح , لابد من تغييرها
6 - الاسكتره تحتاج تصليح لانها بتدبدب فى المطبات
7- شممت رائحة بنزين قويه , فاتضح أنه هناك موزع يشبه البرميل الصغير تحت العمه فى الكاربيراتير مخروم وهو خاص بالبنزين الراجع للتانك فغيرناه ب 35 ج والحمد لله انه موجود
8- الولاعة لا تعمل ونور المارشيدير لا يعمل ولمبة الشنطة لا تعمل , صلحتهم وكل حاجة اتصلحت فى يوم وبمصنعية جديدة
9- نور التابلوه ضعيف فغيرت اللمبات ولكن كما هو ضعيف برضه والسبب أن الباغة حول اللمبات مكانها سود
--------------------------
المميزات فى هذه السيارة
أغلب القطع بها ألمانى مثل الكاربيراتير
الموتور نمرة 1 ثمنه 4 الف من المنيا وفى بور سعيد حوالى الف ونص والقديم بيتباع ب 500 ج
استهلاكها للبنزين معقول وتقبل بنزين 80
مطلوبة جدا فى السوق وسعرها ثابت تقريبا
ماتخافش عليها من عبث العابثين وتجريح الاطفال و و كل الظواهر السلبية فى شارعنا المصرى
التكييف بتاعها راكب مش أصلى ولكنه يابانى قوى جدا
العربية ثابته وموزونه جدا ( وزنها 1420 كم فارغة )
كلها حديد فى حديد وصاجها ناشف قوى
كل الميكانيكية عارفينها وحافظينها فهى تعمل بالتكنولوجيا القديمة ولذا تصلح للأقاليم والأرياف
:o
المفضلات