دايما أروح مطروح صحراوى
لكن المرة دى بافكر آخده زراعى
أفضل طريق إيه تفصيلا - بالتفصيل الممل
عرض للطباعة
دايما أروح مطروح صحراوى
لكن المرة دى بافكر آخده زراعى
أفضل طريق إيه تفصيلا - بالتفصيل الممل
تقريبا مفيش حاجة اسمها زراعي لمطروح لو حضرتك قدام من القاهرة هتاخد طريق العلمين من الصحراوي او لو انت في الاسكندرية هتاخد الطريق الدولي
مفيش غير طريق واحد فقط الي مطروح
متهيألي دكتور أحمد قصده الزراعي من القاهرة لاسكندرية
وطبعاً منصحكش بيه يا دكتور .. ده أسوء طريق في مصر
أنا قصدى طبعا إزاى أدخل من طريق مصر اسكندرية الزراعى لطريق يوصلنى الطريق الساحلى لمطروح
أنا رحت وجيت صحراوىالحمد لله بس عايز أعرف الزراعى برضه
انا رايح باذن الله مطروح12 الشهر الجاى
لاول مرة
ارجو المساعدة
المسافة كام والسكة فيها خدمات
بدون احراج فى بنزينات80
الصحراوي انضف و اقل في الكيلواات
حتركب الطريق الزارعى المتجه الى الاسكندريه وبعد كفر الدوار وقبل دخول اسكندريه حتطلع الكوبرى الدولى من الفاتحه المؤديه الى الطريق الصحراوى وحتفضل ماسك الطريق ده على طول لايمين ولا شمال وتكمل على محور التعمير الى نهاية المخرج المؤدى الى ك 21 فى العجمى وبعدين تمسك على ايديك الشمال الطريق الساحلى الى مرسى مطروح واى خدمة...
على فكرة هوا عايز يوصل للطريق الزراعى نفسة ومنة برضو يعرف يوصل ازاى للاسكندرية
--------------
بص يا دكتور انا ها قولك على اولة وبعد كدةحد يكملك
حضرتك لو مسكت كورنيش النيل الى راجع على شبرا المظلات والمؤسسة
حضرتك او ما توصل المؤسسة هاتكمل كأنك رايح القناطر او قليوب ( اول الطريق الزارعى )
المهم ها تكمل من بعد الؤسسة لحد اما توصل وتلاقى 4 مخارج اليمين اوى معرفش بيودى فين بس غالبا المنصورة البلاد دى الى جنبة كوبرى معرفش برضو بيودى فين وبعدية دخلة قليوب الى هيا اول الطريق الزراعى
حد يكلمك بعد كدة
بس نصيحه بلاش ,,, القطر بيمشى الطريق الزراعى وانا ركبتة شوفت من الشباك بلاوى شابورة وقرف
بص يا دكتور انت بتفضل ماشى لحد ما توصل للكوبرى اللى على اول اسكندرية اللى عليه رسومات فرعونية دة وبعد كدة تطلع فوق الكوبرى هتلاقى كافور وسيتى سنتر اسئل اى حد هناك وهو هيدلك علشان مش فاكر ومش عايز اقول لحضرتك حاجة وتطلع غلط ويارب تتمتع بمطروح وهى جميلة :S_thum1[1]:بس المشكلة ان الرجل بتزيد عليها كل سنة
المسافة حوالى 500 كم صحراوى
الطريق فيه خدمات : استراحات وبنزينات ماعدا جزء طريق العلمين ، ودا طوله 140 كم فيه تقريبا بنزينة واحدة فى أوله واستراحتين وحوالى 3 نقط اسعاف
البنزينات مخدتش بالى فيها 80 وللا لأ
بعد انتهاء طريق العلمين لسه فيه 190 كم لحد مطروح
على العموم جزيل الشكر