انا امبارح كنت في معرض سكودا هنا في قطر و كنت باسأل علي السوبيرب علشان بفكر اجيبها و انزلها معايا بس للأسف ملقيتش عندهم ال 1.4 لأنها مش في جدول الانتاج لمنطقه الخليج . هتنزل بس في مصر و سوريا و الأردن
اما اللي كانت موجوده في المعرض فهي 1.8 لتر مع توين تيربو بيطلع 160 حصان و بصراحه العربيه تحفه جدا جدا و من جوه واسعه بطريقه مهوله اوسع من البي ام الفئه الخامسه و خصوصا في منطقه الكنبه و شنطه بحر و العربيه شكلها فخم جدا
بس مش عجبني شكل الجزء الخلفي بتاعها .تحس انه بتاع عربيه اصغر
اما اللي هتنزل مصر فهي ال1.4 مع توين تيربو و بتطلع 120 حصان ( 92 كيلو وات) مع العلم ان الفانتازيا ال 1.6 بتطلع (75 كيلو وات بس )
اما الأسعار بقي فكانت 103 الف ريال لل 1.8 يعني حوالي 160 الف جنيه
و المفاجأه انهم هيجيبوا كمان ال 3.6 هنا و سعرها حوالي 200 الف جنيه
..
علي فكره كمان ... الفانتازيا هنا الفول اوبشن اعلي حاجه ب 73 الف ريال يعني تقريبا 107 الف جنيه
شوفتوا بقي احنا محرومين ازاي في مصر