ازمة المحاميين تأخذ بعدا جديدا

**Dojuar** · 10-06-2010 03:18 PM

ألف محامي يحتجزون المحامي العام بالمحلة داخل مكتبه ويصيبون مساعده للمطالبة باطلاق سراح زميليهم

مصراوي - خاص- قام ما يقرب من ألف محامي باقتحام مكتب المستشار ايهاب عصمت المحامي العام لنيابات شرق طنطا بمجمع المحاكم بمدينة المحلة الكبرى.

كما قام المحامون المحتجون باحتجازه داخل مكتبه، وقاموا بضرب مساعده محمد رضوان بمطواه وكسر أنفه.

كما حطموا المصعد الخاص بالقضاة في مجمع محاكم المحلة الكبرى.

وقامت الشرطة باخراج وكلاء ومديري النيابة من المجمع عن طريق سلالم الطوارئ لإبعادهم عن المحامين الغاضبين.

وتوجه عدد من القيادات الأمنية إلى مجمع المحاكم لاجراء مفاوضات مع المحامين لاحتواء الموقف.

وفي سمنود منع أكثر من ألف محامي وكلاء النيابات والقضاة من دخول مجمع المحاكم.

أما في طنطا تجمهر ما يقرب من ألفي محامي مرددين هتافات معادية لوكالاء النيابة والقضاه، مطالبين باسترداد كرامة المحامين والإفراج عن زملائهم.
=================================

ايه اللي ناقص بقا
و يا تري المحاميين ليهم الحق يعملو كده

و هل صحيح و كلاء النيابة مطلعين عنيهم؟؟

**أبو إياد** · 10-06-2010 03:30 PM

وتوجه عدد من القيادات الأمنية إلى مجمع المحاكم لاجراء مفاوضات مع المحامين لاحتواء الموقف.

انا شوفت المنظر النهارده امام النقابه فى وسط البلد اتخضيت
ايا كانت المشكله بس لما اتجمع الف واحد واتفقوا على حاجه معينه
بداءت التفاوض
بجد برافو عليهم رغم انى ضد اتباع اسلوب العنف بس واضح انهم بيتبعوا نظام حقى برقبتى

1000واحد
وكمان 1000
وكمان 1000

امال لو 80000000 هايعملوا ايه ؟

**أبو إياد** · 10-06-2010 03:40 PM

هما اكتر من 30 اللى اتقبض عليهم
بس الموضوع ده كبير ومش هايعدى على خير
احنا لو 80 مليون هتلاقى 5 مليون منهم محاميين

**elassar2010** · 10-06-2010 03:54 PM

اسلوب سليم ومظبوط جداااااااااااااااااا وانا اؤيدة
المحامين لجئوا للمحامى العام فى طنطا علشان ياخد حقهم باعهم وسجنهم
نزلوا محاكمة فى خلال 24 ساعة اسرع محاكمة فى تاريخ مصر والعالم والحكم انهم يتسجنوا 5 سنين
خلاص العين بالعين والبادى اظلم

**mostafabakry** · 10-06-2010 04:03 PM

الموضوع مش هيعدي بالساهل لو الحكومة نشفت دماغها و امطلعتش المحاميين المحتجزين

و اظن ان الموضوع فيه نوع من المجاملة للنيابة
انا اللي سمعته ان وكيل النيابة بدأ بالغلط و المحامي رد الإهانة يبقي المفروض الإتنين يتحاكموا و يتعاقبوا مش بس المحامي

و بعدين لما الحكومة بتحترم و بتحمي القضاء و رجاله أومال الكلام دا كان فين لما مستشار كبير و رئيس محكمة و قضاة كتير انضربت و اتسحلت تحت احذية مجندين الأمن المركزي في الإنتخابات اللي فاتت
و بعدين رئيس الوزراء مستني البلد تولع و تبقي فضيحة عالمية عشان يدخل
انا مش معارف البلد دي ماشية ازاي

انا مش محامي و لكن لازم يبقي فيه احترام لكل مواطن مهما كان وضعة ووظيفته و حتي لو مش شغال القانون فوق الجميع من اصغر بني آدم في البلد لغاية رئيس الجمهورية

محدش خرب البلد غير الحصانات المتخلفة الللي بتعطي لكل من هب و دب

ربنا يرحمنا برحمته و يخلصنا من كل الهم دا انا خلاص قرفان من البلد و من اللي عايشين فيها و جوايا غل و كره لكل حاجة فيها

**Dojuar** · 10-06-2010 04:09 PM

انا خلاص مبقتش مؤمن بالجملتين دول بشكل تام:

- هيبة القضاء المصري
- لا تعليق على احكام القضاء

**Abo_Lina** · 10-06-2010 04:15 PM

المشاركة الأصلية كتبت بواسطة elassar2010

اسلوب سليم ومظبوط جداااااااااااااااااا وانا اؤيدة
المحامين لجئوا للمحامى العام فى طنطا علشان ياخد حقهم باعهم وسجنهم
نزلوا محاكمة فى خلال 24 ساعة اسرع محاكمة فى تاريخ مصر والعالم والحكم انهم يتسجنوا 5 سنين
خلاص العين بالعين والبادى اظلم

أسرع قضية في التاريخ
الموضوع حصل يوم الأحد تقريبا نزلت جلسة يوم الأربع و إتحكم في الجلسة ..
فين الشهود ?
فين المرافعة ?
هل يوم أو يومين كافية للإطلاع على ورق القضية سواء للدفاع أو حتى للقاضي ?
هو ده وجه الإعتراض بالنسبة للمحامين ..لم يحدث من قبل أن تم حسم قضية بهذه السرعة مما يثير علامات إستفهام !
هل لو كان الطرف الخر ساعي في المحكمة بدلا من وكيل النيابة هل كنا سنرى مثل هذا التشدد و السرعة في الحكم ?
يؤسفني أقول إن دي نقطة سوداء للقضاء و تؤكد شكوك كانت عند الكثيرين ..

**م.محمد علاء** · 10-06-2010 04:17 PM

المشاركة الأصلية كتبت بواسطة dojuar

[b]
و هل صحيح و كلاء النيابة مطلعين عنيهم؟؟

كل ذي سلطه....بيطلع عين ذي سلطه أقل منه...
مهي غابه..
انا ضد كل من يستعمل سلطته..فى تجاوز القانون...
الضابط أو وكيل النيابه...اللي يتصور رادار..وميدفعش..
او يفيم..و ميتخالفش..
او حاجات تانيه كتير...بس السلطه بتبان قوى فى الحاجات دي...
مهي لو مشت كده فى كل وظيفه...نتكل على الله أحسن ونسيبها..

-

الموضوع: ازمة المحاميين تأخذ بعدا جديدا

LinkBack

أدوات الموضوع

عرض

-

-

-

-

المواضيع المتشابهه

30 موديلا جديدا فى مهرجان السيارات الهندى هذا الشهر

ازمة بنزين لا ازمة ضمير

رجاء من الأخوة المحاميين || استفسار قانوني | بخصوص قانون المصاعد الكهربائية

الى اخونى المحاميين

ملاحظات تأخذ فى الاعتبار وانته بتركن عربيتك

الكلمات الدلالية لهذا الموضوع

المفضلات

المفضلات

ضوابط المشاركة