الموضوع: دعـــــــــــــــــــــــ ــــــــــــــــــــوة

المشاركة الأصلية كتبت بواسطة dolly13

دعوة جميلة وفعلا حاولت اطبقها من فترة
واول مرة قررت اطبقها كان على الدايرى وراهنت نفسى انى مش هاغير حارتى الا للشديد القوى وفضلت اتفرج على الناس وهى بتسوق
والله كانه سيرك وبدل ماكنت باتضايق واشتم فى سرى طبعا المشوار كله اخدته وانا باضحك على اللى بيحصل وحسيت قد ايه انا كمان بيبقى شكلى وحش قوى كدة لما اخد غرز وابقى عاملة زى التعبان فى الشارع والموضوع فعلا طلع مش مستاهل والتوقيت مافرقش فى المشوار اكتر من عشر دقايق
ياريت فعلا ربنا يدينا الصبر ونقدر نحترم نفسنا اولا ونحترم القانون ثانيا بصرف النظر عن مثيرات الاعصاب

دة بالظبط اللى انا وصلتلة وكنت عاوز اوصلهلكم
فعلا الموضوع مش مستاهل ابدا انك تعرض نفسك او غيرك لاى مشاكل - ولا وقت بيفرق ولا انت هتقدر تعمل اللى مش مكتوبلك تعملة - وبرضو احنا فى الآخر اللى هنكون مرتاحين نفسيا وعصبيا

المشاركة الأصلية كتبت بواسطة ahmedhilmy

عايزة صبر في التاقلم معاها .

هو دة الخلاصة
الموضوع عاوز استمرار لانة هييجى بالتعود لان فعلا الضغوطات الخارجية كتير وهتاخد وقت للسيطرة عليها
المهم متزهقش لانى ماشى على النظام دة من كذا شهر واحيانا اعصابى بتفلت بس بقدر اسيطر عليها بسرعة وبقول (استغفر الله العظيم) او ( حسبى الله ونعم الوكيل ) تلاقينى هدييييييت جدا جدا
بس مرة مع مرة هتلاقى المرات اللى بتتنرفز فيها قلت جدا ( صعب انها تنتهى للابد)

المشاركة الأصلية كتبت بواسطة Medo007

فعلا الاسلوب ده تمااااااااام جدا
عارفين

لازم كل واحد قبل ما ينزل لحط اعصابه في تلاجة قبل ما يركب العربية ويبقى باااارد اوى

هتلاقي كل الناس اللى جنبك عاديين جدا


لو خرجت في يوم مدايق وقرفان بقى

هتلاقي الدنيا مقفلة في وشك وعمال تتخناق وتشوح بايدك للناس ومشادات كلامية وحوارات ملهاش اي لازمة


بس ساعت الواحد بيشوف مواقف تنرفز بصراحة


يعني امبارح وانا عالاتوستراد

وطبعا عارفين الطريق زحمة وبيمشي سنة سنة

المهم في جنبي النترا ماشاء الله لسة بكيسها هو راجل ومراته كبار


وفي راجل برده ومراته بيعدوا الطريق والراجل مبتسم اوى وقاعد يعدي ويشاور ويسلم عالناس ان هما بيعدوه

جيه عند بتاع الالنترا ده يعدي كل مايجي يعدي يلاقي الطريق فتح يقوم الالنترا دايس بنزين التاني يبقى متردد وهكذا لان الطريق ماشة واحدة واحدة في الاخر بتاع الالنترا قام مفرمل كده جامد وقاله عدي عدي بقرف كده وبيشوح بايديه الاتنين

انا اتنرفزت جدا من الموقف

قمت مزنق عالالنترا وجايبه ورايا وخليته ورايا طول الطريق والراجل قاعد يبص باستغراب كده



ومواقف من دي كتير بقى

برضو امبارح موقف حصللى
تاكسى غلطان ومش عاجبة راح واقف قدامى و قعد يطلع نص جسمة من العربية ويتكلم ( اكيد كان بيشتم )
المهم لقيت نفسى هتعصب رحت استغفرت ودورت وشى الناحية التانية لغاية لما خلص ومشى
لقيت واحد ماشى فى الشارع قاللى انت كدة سيبك منة - سيبة يكلم نفسة
كلامة ريحنى والله وحسسنى انى بتصرف صح
لو كنت سبت نفسى لعصبيتى كنا هنشد مع بعض والموقف يتطور بس الحمد لله الهدوء حلو ومريح وكمان انا اخدت منة حسنات

دعوة محترمة و تستحق الاهتمام