دعـــــــــــــــــــــــ ــــــــــــــــــــوة

**tamertamer** · 15-06-2010 11:54 AM

انسا يا عمر فى المشمش لما النظام يتصلح حالة

**ehabbasha30** · 15-06-2010 12:22 PM

المشاركة الأصلية كتبت بواسطة tamertamer

انسا يا عمر فى المشمش لما النظام يتصلح حالة

لية اليأس دة
الموضوع مالوش دعوة بالنظام - الموضوع سلوكى لا اكثر
جرب وانت المستفيد مش حد تانى - انت بتفيد نفسك مش بتفيد اللى بيضايقك
والله الناس اللى جربت ارتاحت جدا واكتشفت انها كانت غلطانة فى النرفزة اللى مالهاش لزوم وعلى الفاضى - تعب اعصاب والواحد بيروح اخر اليوم دماغة مليانة
جرب شعار ابدأ بنفسك

**ehabbasha30** · 22-06-2010 02:14 PM

رفع للتحديث
لمحاولة تنشيط الفكرة

**jisso82** · 21-07-2010 04:54 PM

موضوع جميل بجد قيم و هادف و بشكر صاحب الموضوع على الدعوة الرائعة و حقيقى أنا بقالى فترة بحاول أعمل اللى حضرتك بتدعو ليه ده يمكن حتى من قبل ما أشوف الموضوع بس زى ما بنجح ساعات بفشل كتير ساعات أكتر و أتمنى إن ربنا يهدينى و أتحكم فى أعصابى شوية بس قوللى أتصرف إزاى فى الناس اللى بتجر شكل و بس زى سواق تاكسى ربنا يسامحه شاورلى إشارة مش محترمة عشان ما اسنتهوش يعدى قبلى و كان طريقى (تصرف زى ده تفضل مهدى فيه أعصابك إزاى و تتصرف بحكمة بناءا على إيه)

**شريف** · 22-07-2010 11:17 PM

المشاركة الأصلية كتبت بواسطة ehabbasha30

وياريت يكون الشريط اللى بتسمعة يكون شريط قران كريم

جربوا وادعولى

+1

**medo_2060** · 23-07-2010 12:56 AM

كلام جميل انا كل ما اركب بنفعل غصب عنى من سواقين الميكروباصات والتاكسيات وبشتم فيهم وانا الى بيتحرق دمى لازم فعلا نعمل زى ما بتقول لاننا احنا الى هنخسر لو حرقنا فى دمنا علطول وانا اول واحد وكمان عشان مناخدش على الشتيمه واحنا راكبين العربيه وبالمناسبه احكيلكم موقف له علاقه
واحد صاحبى كان خاطب وطبعا بياخد خطيبته وهما خارجين فى العربيه وطبعا عمنا دا واخد على شتيمه السواقين اياهم كل ما تاكسي يقفل عليه ولا حاجه يقوم فاتح الازاز و انت يابن كذا وكذا ولا ميكروباص يكسر عليه يديله اصلك ابن وابن لحد ما البنت بعد خروجتين كدا سابته ههههههههههههههههه

**ehabbasha30** · 24-07-2010 03:42 PM

المشاركة الأصلية كتبت بواسطة medo_2060

لحد ما البنت بعد خروجتين كدا سابته ههههههههههههههههه

ههههههههههههههههههههههههه ههههه
يعنى الخساير خارجية وداخلية كمان

**Car's Sniper** · 24-07-2010 04:33 PM

لما بلاقى حد واقف على جمب ونفسه يعدى بقفله واوقف له الطريق وباستحمل كلاكسات اللى ورايا ودى اتعلمتها من سائقى المدينة المنورة المحترمين
اما لما الاقى حد راح رامى نفسه قصاد العربية ويمشى يتمختر براحته واديله كلاكس ولا هو هنا باضطر اسفا انى افرك بالعربية جامد اخلى قلبه يقع فى رجله ويجرى زى ال....على جنب
تصرفاتهم بتنرفزنى ...مش بإيدى والله

**samagroup** · 24-07-2010 05:12 PM

مشكور اخويا الحبيب علي النصايح دي وعايزين نبدا بنفسنا (ان الله لا يغير ما بقوم حتي يغيروا ما بانفسهم) وانا عن نفسي من اللحظه هطبق الكلام الجميل ده واقترح اقتراح نعمل لوجو يتحط ورا الزجاج الخلفي يعبر عن ان السياره تتبع هذه القواعد وربنا يجعل كل الحسنات دي في ميزانك يوم القيامه

**ehabbasha30** · 25-07-2010 12:34 PM

والله احنا شعب طيب جدا وبنحب بعض وبنحب الخير وفينا شئ لله بس يمكن ضيق الدخل والزحمة والحياة السريعة سببت بعض التغيير فى السلوك - لكن الاساس كويس
والاسلوب الكويس هيجبر اللى قدامك انة يعاملك باسلوبك - يمكن مش هتيجى مع كل الناس من اول مرة - لكن هيحصل هيحصل وهتلاقى ان شاء الله واحدة واحدة الناس ابتدت ترجع لطبيعتها تانى ( اتمنى ذلك)
وانا والله مبسوط جدا ان فى ناس كتير مقتنعة بالكلام وبتحاول - وكفاية انك انت المستفيد