الموضوع: دعـــــــــــــــــــــــ ــــــــــــــــــــوة

السلام عليكم ورحمة الله وبركاتة
اخوانى فى المنتدى
عندى اقتراح او بمعنى اصح دعوة او حلم نفسى يتحقق فى يوم من الايام
*تمهـــــــــــــــيد*
اولا السواقة مالهاش كبير -ولكن يجب ان نعترف ان فى ناس بتسوق بمهارة وحريفة وخبرة فى السواقة
بس هل معنى المهارة فى السواقة هو التهور والسرعة
ولا الغرز
ولا انك تقفل على اللى جنبك عشان تعدى قبل منة
ولا انك تيجى من وراة وفجاة تدخل قدامة

ولا لما يبقى فى صف ماشى تروح حاشر بوز العربية بين عربيتين عشان تخش وتلاقية يعند معاك ومش عاوز يخليك تعدى وتعندوا مع بعض والشاطر اللى يزنق على التانى
ولا انك ماشى تشتم دة ودة طول الطريق
ولا انك تمشى حتة مخالف عشان تتجنب انك تمشى حتة طويلة شوية وتلف قانونى ( بصرف النظر عن تخطيط الطرق العبقرى فى مصر)
ولا...........
ولا ...........
ولا............
وغيرها كتيييييييييييير اوى - لو عديت مش هنخلص

*الدعـــــــــــــوة*
نفسى ومنى عينى الاقى الناس ماشية براحتهاواعصابها هادية
اية يعنى لما تلاقى واحد فاكر نفسة شوماخر وعاوز يعدى قبلك - سيبة يعدى - يمكن مستعجل او بيسابق حد وعاوز ياخد جايزة
ويمكن يكون غشيم سواقة وتفلت انت من اى خطورة على العربية بتاعتك
لما تلاقى موقف يضايق وينرفز استغفر ربنا وبلاش تشتم او تاخد اى رد فعل ( بدل ما تاخد سيئة او يكون فى اى خسائر هتاخد حسنات ويمكن لو حد شتمك تاخد انت من حسناتة وهو ياخد من سيئاتك)
مش مشكلة لما تمشى حتة زيادة وتلف من اليو تيرن بدل ما تسرق حتة مخالف
فيها اية لو لقيت حد من المشاة بيعدى ن قدام العربية براحتة وسايبك تقف تستناة - خليك انت هادى وسيبة براحتة
والله انا مش باتريق ولا بهزر
انا فعلا بحاول انى اتبع الاسلوب دة ن فترة لانى لقيت ان تعب الاعصاب مش بيأثر غير عليا انا
بقيت ابص للناس باستغراب - هما لية بيعملوا فى بعض كدة - الناس متعصبة لية اعصابى هديت وردود فعلى اهدى والعربية والحمد لله سليمة مفيش اى خبطات ولكن الحذر لا يمنع قدر بس احنا نعمل اللى علينا
الموضوع صعب جدا ومحتاج فترة للتعود بس والله صدقونى النتيجة هتبقى فل فى النعل والحياة هتبقى زبادى فى الخلاط
اسمع شريط هادي وشغل التكييف واقفل الزجاج وعيش مع نفسك جوة العربية
وياريت يكون الشريط اللى بتسمعة يكون شريط قران كريم


جربوا وادعولى