جامد الموضوع دا
عشان نعرف بالظبط مين اللى معانا :whtauwant: ومين اللى علينا :36_1_40[1]:
:C_laugh[1]::C_laugh[1]::C_laugh[1]:
عرض للطباعة
جامد الموضوع دا
عشان نعرف بالظبط مين اللى معانا :whtauwant: ومين اللى علينا :36_1_40[1]:
:C_laugh[1]::C_laugh[1]::C_laugh[1]:
جعلوني مجرما :whtauwant:
عموما صاحب الموضوع دة معندوش اي دلائل علمية علي كلامة ولازم الموضوع يتشال والعضو احمد سامي يتوقف - ولو متوقفش نطالب بوقف كريم منير - ههههههههههههههههههههههههه ههه
دا احنا عالم لاسعة اصلا
عموما نحن نرحي بالاتجاه المعاكس وبالعقل - تحياتي
معا نا و عليـــنا
الصلاة على النبي دا الحلو استوى خلاص أهو :3mla:
أهو انت أكتر واحد جابلنا السمعة دي بوكالة حسن و حسين اللي اشتريت بيها كل عربيات المهاجمين
هههههههههههه
و قاعدين توزعوا أرباح و انا ولا كأني موجود
فيها ياخفيها
الموضوع ده بيفكرني بملاك عربية تانية برده بيدخلوا شمال في أي حد أنا مش هأقول اسمها كفاية أقول إنها مش بتطير :devil2:
تصدق يا دكتور احمد انى كنت بحضر موضوع لنفس الفكرة كنت هكتبه بكرة سبحان الله
فى توارد افكار ما بنا .
طبعا الموضوع سبق واتكلمت فيه فى موضوع سابق ليا ولكن المرة دى الفكرة مختلفة
دائما نكون فى موضع دفاع على طول الخط بسبب اللغط الكثير عن السيارة والاغلب يملك
انطباع سى عن السيارة ودورنا هنا اننا نوضح الصورة وليس نجملها لانها لا تحتاج مننا
نحن ملاك السيارة اننا نجملها ولكن الهدف الرئيسى للمنتدى واضح من البداية وهو تبادل الخبرات والارء حول السيارات التى يملكها اصحابها والنتيجة مدهشة بالفعل لانها حققت الهدف منها بأمتياز
اكثر الاعضاء اشتركو فى المنتدى من قبل ان يشترو سيارتهم يسالون عنها ونحن بدورنا نعطى الاراء بموجب اننا بالفعل نملك السيارة ونعرف عنها كل كبيرة وصغيره
ولكن عندما نرى اراء غريبة جدا وليس لها صحة من الاساس تجد الاعضاء هنا فى حالة استنفار قصوى والسبب ليس للدفاع عن السيارة بقدر ما هو تصحيح المعلومة للشخص المقبل على الشراء
هناك احد الاعضاء يقول اننا لانتكلم عن اى عيوب فى السيارة والرد بكل بساطة اقرا اخر موضوعين لي فى القسم .
واكتر من موضوع يتكلم عن مشاكل العفشة وعن الجنط ال 17 ومشاكله وعن استهلاك البنزين فى الاتو وعن ......الخ معنى هذا اننا لانضحك على انفسنا ولا على الاخرين .
لاول مرة من يومين كتبت فى قسم خارج عن قسم كيا بسبب الكلام الذى رايته مثلا :
انا سمعت ان السيراتو فيها مشكله في وضعيه تانك البنزين فوق محور العجلات الخلفي مما يؤدي لمشاكل مستمره في الاطارات الخلفيه
أنا سمعت كمان إن ال stability بتاعها رايح فى داهيه
ان الإتزان بتاعها زباله وان العربيه عامله زي مراجيح المولد علي طريق السفر وبتسمع المطبات جوه العربيه ,,,السيراتو مش عجباني بصراحه إلا تصميم الكوبيه بتاعتها
انا سمعت كلام كتير وحش فى السيراتو
ذى العفشه مثلا بقولوا واحدهيعنى اللى راكب على الجنط ال15 راكب على ال16 و ال17
و ده اللى العربيه بترزع جامد فى ال17
انا بشتغل فى شركة استكشافات المهم انا سالت واحد من السواقين عندنا من الشركة الى بتجبلنا العربيات قالى السيراتو عيبها انها بتلم هوا و وزنها خفيف فدة بيخليها تعوم و غير كدة التعليق او العفشة بتاعتها فيها عيوب
دى بس عينة عن اللى بيتقال عن السيراتو ولو لاحظت ان الكل سمع وعلى فكرة ده بس من موضوع واحد .
اهم ما يميز قسم كيا وخصوصا السيراتو اننا على طول ايد واحده نخاف على بعض نحترم الصغار قبل الكبار ولذلك تجدونا من انشط الاقسام الموجوده فى المنتدى وينافسنا فقط القسم الاجتماعى .
موضوع جميل من شخص أجمل ,,,
انا كنت متردد اوى ومكنتش عايز ارد بس هتكلم وامرى لله ,,,
فى البدايه انا شايفكم متحيزين بس بنسبه ,,,واوقات بيبقى معاكم حق فى تحيزكم واوقات تانيه .......... !
يعنى لما اخش قسم المقارنات ولاقى واحد بيقارن عربية ما بالسيراتو والاقى واحد من ملاك السيراتو يرد بكلمه واحده (سيراتو ) ,,طب اتكلم قول وجهة نظرك قول عيوب ومميزات قول اى حاجه بس متردش رد قاطع اللى هو (ايش جاب لجاب) ...
وحصل معايا موقف قبل كده فى مقارنه بين لانسر بومه وسيراتو وانا اخترت اللانسر وقلت وجهة نظرى من غير تجريح فى السيراتو ,,,الاقى واحد معاه سيراتو ساب الموضوع كله وبيرد عليا انا (بصراحه باحترام برده ) بس انا اتضايقت عشان دى وجهة نظرى انا وكل واحد ليه وجهة نظر ....
تانى نقطه المواضيع المستفزه من وجهة نظرى من بعض الملاك ومش محتاج اوضح .....
اخر حاجه عايز اقولها ويارب مكونش طولت عليكم وكلامى ميضايقش حد ,,,,كل واحد ليه رأى ووجهة نظر يمكن تتفق معاكم او تختلف بس طالما هى صح وفى حدود الادب يبقى مش لازم نزعل منه ونزعله مننا ...
للعلم انا كنت حاجز سيراتو ولغيت الحجز وللعلم برده انا جبت اللانسر بومه بالصدفه ...وقريبا" ان شاء الله هبقى عضو معاكم...
دكتور احمد حضرتك من الناس اللى حببتنى فى المنتدى على فكره ,,,
على فكرة من خلال متابعتى لبعض المواضيع لاقيت ان محدش يقدر يقول كلمة على عربيتبن بالذات (السيراتو واللوجان)!!!
و معلش ليا سؤال للاخوة مالكى السيراتو
فلنفترض ان واحد بيفتى وقاعد يشتم فالسيراتو ليه تدخل معاه فى متاهات سيبو يتكلم
يعنى انا مثلا عربية والدى باسات 2008 هاى لاين
الاقى واحد يقولى (عشان عارف ان عندنا فولكس) البى ام احسن بكتييييير من الفولكس
بارد عليه اقوله ايه بقوله فعلا عندك حق!!!!!!!! مش لسه هوجع دماغى واقنعه
صباح الفل على احلى رجالة كيا فى الدنيا كلها:satelite:
والله يارجالة انا لما اشتربت العربية ودفعت دم قلبى فيها والحمد للة لقيتها زى الفل قولت ياد بقى خش المنتدى شوف الدنيا فيها اية واية الجديد:ma:
الاقى الى يقولك كنت ماشى بعربيتى الاصلى وبعدين لقيت واحد راكب سيراتو ابن ستين تيييييييييييت وبصلى بصة من فوق لتحت وبعدين لقيتة مقلوب بع شوية ومواواضيع من كدة كتير بقى فكان طبيعى لازم الواحد يتنرفز:
المهم كان لازم ندافع عن الحتة السيراتو لحسن كان هيبقى شكلنا وحش اوى بس وعملت موضوع اسمة (نعم هناك حرب على السيراتو بسسب الانشار)
والحمد لله كانت هوجة وخلصت واحنا مستمتعين بالعربية وتمام التمام وبجد الواحد كل يوم بيستفيد من المنتدى واحلى حاجة ان كل واحد عندة تجربة بيخش يشارك ويحذر الناس من حاجة معينة او يقولهم على حاجة جديدة ويارب روح المرح والاسرة الجميلة دية تكون بينا على طول
مع السلام عليكم:satelite:
مهو أنا أتكلمت فى الموضوع دا بس واضح أنك مقريتش كل المشاركات :)
لو سكت على تضليل البعض دون التجربه والاعتماد على النقل الخالص
يبقى بضر الى بيسأل وعايز نصيحه
لو واحد محتار بين عربيتين ولقيت واحد داخل يشتم فى عربيه منهم وهو أساسا عمره مركبها...
لو سكت هريح نفسى أه
لكن هضر الراجل الغلبان المحتار دا وأسيبه يسمع لواحد عنده عقد وكلاكيع :))
فبرد علشان أخلص زمتى وأقوله رأيي فى العربيه كمالك مش كبغبغان
موضوع مهم و شكرآ لدكتور أحمد
ثانيآ تحية كبيرة اوى لأبو ليلى على المشاركة بتاعته :S_thum1[1]::B4_388:
و أؤكد الكلام اللى هو نقله لإنى قريته بالظبط
انا شخصيآ مرة واحدة فقط رديت بعنف ايام ما كانت العربية بتتقلب و هى واقفة زى الصراصور لما ترشه بالفليت
انا واحد من ملاك العربية اللى كنت بالفعل بدأت أكره العربية من كتر الجدل و الكلام اللى عليها
و بجد كنت بدأت أهمل فيها و بقه عندى رغبة إنى عايز أبعها و أخلص
لدرجة إن بقه عندى إحساس مستمر ان العربية ممكن يحصلها اى حاجة و انا ماشى بيها
بس لما فكرت مع نفسى بعيد عن الكلام الكتير اللى بسمعه
و جربت العربية على سرعات عالية لحد 170 لقيت ان العربية مش مزعلانى فى حاجة و الحمد لله
الحاجة الثالثة ان زى ما فيه ناس بتقول إنهم بقوا مش بيحبوا يتكلموا عن السيراتو عشان وجع الدماغ
انا كمان بقيت مش بحب اتكلم على عربيتى عشان وجع الدماغ و عارف إنى ممكن أدخل فى متاهات بعيدة عن الموضوع الأساسى
بس إن شاء الله لما أخلص إمتحانات هرجع للسيراتو و أصالحها تانى
ياسلااام
الكلام الجامد بيفرق برضه :)
أنا معاك في كا الحاجات دي
و شفت الموضوع اللي بتقول عليه
بس في نقطة ماتكلمتش عليها ....هو بعد كل ده
احنا ردودنا متناسبة مع النوعية دي من المشاركات
بس هل متناسبه مع تقبل المنتدى لينا
انا مش مستريح لأن الناس بتقول ان العربية دي ماحدش يقدر يتكلم عليها بسببنا
ربنا يخليك يا هشام و ماتحرمش من ذوقك
بص هو دايما هاتلاقي السجال ما بين السيراتو و الياباني
لأن أنا مقتنع مثلا انها لا تنافس الأوروبيات بتاتا لكنها تنافس اليابانيات بشكل معقول جدا
وده بيثير بعض ملاك الياباني او عشاقه فتسمع كلمتين من اياهم
فتلاقي الردود اشتغلت :beatdeadhorse5:
اهي دي النقطة اللي انا باتكلم فيها
نكبر دماغنا ؟؟؟
طيب مش كده نبقى بنسيب معلومة غلط تروح لواحد ما يعرفش ؟؟
بس ده اريح لنا الصراحة
تمام كده
العربية خلاص اثبتت نفسها
و اتعرف حلوها و مرها
و الف مبروك عليك
و عليكم السلام :satelite:
تخلص على خير يا عمرو
يعنى من كلامك ان انت حتى اتأثرت بالنقاشات الحادة عن العربية و اتقفلت منها فترة
دي برضه نقطة مهمة في الحوار
ان التأثير السلبي ممكن يمتد لبعض الملاك اللي ماعندهومش مشكلة اساسا
किसी किआ cerato .. के बारे में कुछ कहेंगे हम उसे मार डालो:) होगा
اي خدمة عشان منتوقفش :)
अगर सभी सदस्यों बुरा शब्दों और किआ cerato के बारे में गलत जानकारी के प्रसार बंद कर दिया, हमने किया है कि और पागल जा कभी नहीं होगा:)
مفيش كلام خارج ولا حاجة - دي مشاركة من نوع جديد - بالهندي عشان نفهم بعض - ههههههههههه
مجرد تهريج انتو عارفيني - لاسع
عموما
سيراتو للبيع تصنيع طالبان جميع الكماليات
كراسي مفخخه - حزام ناسف - مرايات مكهربة ضعط عالي - اطارات مقاومة للرصاص - سائق من المنتدي من ملاك السيراتو هدية علي كل سيارة
كمية محدوده وللبيع لاعلي سعر
80% من ردودنا تكون دائما بدون انفعال ومناقشة فى قمة التحضر ولكن النسبة الباقية تكون فى بعض الاحيان فعلا فيها اندفاع فى الرد وهذا يرجع على حسب التفكير من شخص الى اخر فى معالجه الموضوع كل شخص يقول رائيه على حسب ما يراه .
فى عضو يستفز بسرعه وعضو اخر لايعرف كيفية توصيل الفكرة فيخرج عن اطار الموضوع ولهذا اطلب منهم الهدوء واختيار العبارات المناسبة للرد لانك لا تمثل نفسك فقط ولكن تمثلنا جميعا نحن ملاك السيراتو .
اعلم تماما ان هناك انطباع سى من باقى اعضاء المنتدى لنا نحن ملاك السيراتو ويجب بالفعل ان نعالج هذه المشكلة ويجب ان نحدد الاسباب التى تجعلهم ينظرون الينا هذه النظرة ولهذا نطلب منهم التحدث بكل حرية حتى نرى ما هى عيوبنا من وجه نظرهم .
وهذا الموضوع يتم مناقشته بيننا نحن الملاك فى اقرب مقابلة تتم بيننا بأذن الله .
اشكرك يا د / احمد على الموضوع والذى اتمنى الا يخرج من اطاره من بعض الاعضاء لانه بالفعل يستحق المناقشة .
والله يا باشا عندك حق
انا مقتنع بوجهة نظرك تماما
وفعلا والله البغبغانات كترت اوى فالبلد كل واحد يسمع عن مشكلة ولو بسيطة فاى عربية جديدة يروح رامى الكلام اللى سمعه فاى مشاركة والسلام
يعنى مثلا انا اعرف اتنين معرفة شخصية معاهم كروز (صاحبى وابن عمى) مبسوطين مالعربية وبيشكرو فيها جدا وانا كمان هشتريها قريب الاقى اللى يقولك العربية بتبطل
واللى يقولك عيبها انها تبع توكيل منصور(ملقاش عيب فالعربية يقولو فقال يشتم فالتوكيل وخلاص) واللى يقول العريبة طلعتها بطيئة على اساس انو راكب دودج مثلا او اس كلاس
الفتايين بيشجعوا واحنا معاهم
ماهو ده استخدام الحقيقة في صنع الوهم
بغض النظر عن كون الكروز حلوة ولا وحشة
انت خلاص العربية عاجباك و عارف عنها كل حاجة
و شفت صاحبها اللي اشتكى من عيب فردي انها بتبطل
و شفت حكاية ان طلعتها بطيئة اللي هو رأي واحد تاني برضه
و لاقيت ان دي حاجات ماتأثرش على اختيارك
لأنها فعلا تعليقات أو أخبار أكثر من كونها عيوب حقيقية تثني عن الشراء
بس تلاقي واحد بقى ماسك الكلمتين دول و بيلف بيهم في المنتدى و ماسك مزمار كأنه لاقي حقيقة القرن العشرين ........
اهي دي النقطة اللي انا باتكلم فيها
نكبر دماغنا ؟؟؟
طيب مش كده نبقى بنسيب معلومة غلط تروح لواحد ما يعرفش ؟؟
بس ده اريح لنا الصراحة
سواء حضرتك رديت على كل واحد بيفتى او مردتش ده حقك طبعا وليك حرية الاختيار
انما مش واحد او اتنين او حتى الف بينتقدوا العربية ده ملوش تاثير عالمبيعات نهائيا
فى مصر الناس لما بتختار عربية بيبقى بناء عالسعر والعربيات المتاحة فرنج السعر اللى مع الشخص
اقصد ان لو واحد العربية عاجباه و فالرنج اللى هوا حاطه هايشتريها من غير مايسمع كلام حد
وعلى فكرة فمصر منتديات السيارات ملهاش تاثير يذكر على حركة السوق
والدليل السيراتو والكروز والفلوس عربيات جديدة فيه ناس كتير اشترتها
بس شوف عدد ملاكها مثلا هنا فالمنتدى هتلاقيهم مش اكتر من 1 فال 100 من اللى اشترى العريبة فمصر
طبعا حضرتك عارف نظام جارى فلان جاب العربيةده راجل بيفهم يبقا اكيد العربية حلوة
تحياتى ليك استاذ
Ahmed Samy
يا دكتور العيب مش في الكياوية العيب في اللي بيدخل يهاجم بهدف الهجوم مش اكتر ...
من حق اللى عندو معلومة عن السيراتو من الاقسام التانية انه يقولها بس بشرط تكون حاجة حقيقة شفها بعينو مش سمع عنها نقلا عن ابن خال بنت عم اخو مرات جدو .... ده مرة واحد قالي ( يا راجل ده التوك توك احسن منها ) هههه
من حقنا اننا ندافع عنها مدافعة صحيحة خالية من اي تحيز ... يعني لو عيب حقيقي نتناقش فيه علشان الكل يستفيد والعيب ده غالبا حيبقى عيب فردي في سيارة ولا اتنين مش حاجة عامة وده ممكن يحصل في اي نوع مش بس السيراتو ... كل واحد عندو عربية دافع فيها دم قلبو لازم يشفها احسن عربية في الدنيا
انا مش باتكلم على المبيعات ..ما تبيع و لا ماتبيعش هو انا كسبان حاجة !
أنا باتكلم على واحد بس طالب نصيحة و ممكن نشوفه بيسمع أوهام
حتى لو ما اشتراش سيراتو ...مش ده المهم بس يبقى واخد قراره على أساس سليم
و تقبل تحياتي أيضا
لا أنا مش معاك فى دى يا أبو ليله
أحنا مش بهذه السمعه أبدا ولا يوجد أنطباع سىء عنا
والدليل أن فيه ناس كتير دلوقتى بتشارك فى القسم وهى مش مالكه لأى عربيه تحمل شعار كيا
وكلهم بيدخلوا بس علشان يشاركوا معانا ويتعرفوا علينا ونهزر مع بعض ونتعرف
فى أكتر من العضو بتاع الرانجلر
محتار بين رانجلر و تريوس معملش موضوع فى قسم المقارنات وعمله فى كيا علشان ثقته فى لغتنا وطلب نصيحتنا
أنا معترف أننا ساعات بنكون حادين
لكن مش مع أننا نصنع لأنفسنا سمعه فى المنتدى أو نقول أننا غلطانين وأحنا معانا حق فى كثير من الاحيان
أقصد أحنا الحمد لله فى أعضاء كتار بيشاركوا معانا حباً فينا مع أنهم مش راكبين كيا
इसके आनंद एक cerato मालिकों के होने के लिए, मैं बहुत खुश हूँ कि हम बातचीत के इस तरह का है
its pleasure to be one of the cerato owners, i am realy happy that we have this kind of conversations
منتدي السيراتو وبالذات سعادتك لو خليجي هوة " ارض العزة"
انا مش شايف اي عيب اني اكل الي بيتكلم علي السيراتو و اهضمه كمان طالما بيقول اي عك زي انها زي الطياره الجليدر بتعمل اكروبات او نها بتنط و تمشي علي فرده وحده او زي اخ زمان كان بيقولي هنا ان لا مؤاخذه الافيو تضربها بالنار
اما الشخص المعتدل الي طالب المشورة و هيثق فينا فده علي راسنا
حد عايز حاجه
مشرطي جاهز وانا متعقم ومستني
:B4_237:
:ask:
انا الموضوع فكرنى بمسرحيه مدرسه المشاغبين
اللى خايف يروح واللى عايز يذاكر يروح
انا لااعتقد ان ملاك السيراتو فكرينها احسن عربيه فالدنيا
كل حاجه فى الدنيا ليها مزايا وليها عيوب والواحد بيحاول يوزن امره ويشوف ايه الاصلح ليه
ولما بيدخل عضو بيسال عن العربيه احنا بنرد عليه بموضوعيه وبنقلوا على عيوب السيراتو قبل مميزاتها
وده مش نظريا بل بموضوعيه و عن تجربه
البعض بيشتكى من الاسلوب الحاد بصراحه فى اعضاء بيخش يذم فى العربيه وخلاص عن طريق انه سمع ان العربيه بتتقلب لوحدها وصاجها خفيف وفراملها سيئه والنور ضعيف ومفيش زينون والكراسى مش مريحه والخامات سيئه وغيره وغيره
ويقولك اصل الكروز مثلا احسن منها طيب ليه احسن يقولك اى كلام دون دليل او موضعيه بصراحه بتبقى حاجه مستفزة فلازم الرد يكون بحزم وطبعا صاحبنا ده اول مشاركه ليه بتكون هنا من اجل الهجوم فقط وكلنا فكرين الموضوع بتاع الكروز طبعا وبعد لما كلنا ردينا عليه سكت ومكتبش هنا تانى
وبالصدفه لقيت عامل نفس الموضوع هو هو وراح كتبه فى منتدى اخر وهناك محدش رد عليه غير الاعضاء اللى مش عجباهم العربيه
البعض الاخر يستشيرك عن العربيه والمواصفات ترد عليه ان مثلا المواصفه ديه كويسه ككماليات مع السعر يقوم يرد عليك انت اصلا متحيز للمواصفه السعودى مثلا طيب المفروض ارد عليه اقوله ايه
حصل الموقف ده معايا انا ودوك احمد ورديت عليه اننا بناخد عموله !!!!!
طيب ايه المفروض ايه اللى يحصل ؟؟؟
يدخل عضو عايز يشترى العربيه مثلا ولسه بيجمع اراء يشوف الهجوم غير المبرر حيعمل ايه هل حيشترى !!!
حتى لما بيدخل عضو يسال اشترى وكيل ولا خليجى بنقوله ده مميزات الوكيل وعيوبه وده مميزات الخليجى وعيوبه
اللى انا لمسه وشايفه ان معظم ملاك السيراتو كلهم اخوات يتمنون الخير لباقى الاعضاء ويراعون الله فى رايهم
وبصراحه ليس لانا الا الصالح العام الناس تركب سيراتو تركب اى حاجه تانيه احنا غير مستفيدين اى حاجه من ورائهم