المشاركة الأصلية كتبت بواسطة Raul_7
أخيرًا و الحمد لله وبعد فترة بحث طويلة استمرت كذا شهر, و فترة أطول في اتخاذ قرار شراء عربية جديدة, صلّيت استخارة و الحمد لله ربنا يسرلي الموضوع واستلمت انهارده جين 2 زرقاء.
1000000000000000 مبروك ا محمود ربنا يباركلك فيها ويحفظهالك
طبعا العربية واقفة تحت لسة في انتظار الورق عشان الترخيص وده غالبا هيبقى الاتنين الجاي. :brn:
كل حاجة اتشيكت عليها زي موضوع محمد عبد العال الجامد قوي. :S_thum1[1]:
الله ينور عليك وعلى محمد عبد العال الغالى
نيجي بقى للانطباعات الأولى, العربية ما شاء الله على الطريق تحفة وعايزة تجري قوي بس أنا كنت ماسك نفسي واخري كان عند 3 rpm.
تمام حافظ على الاداء الهادئ اول 1000 كيلو
مفيش اصوات كانت ظاهرة الحمد لله من أي نوع, وأنا تعمدت اقفل الازاز وركز مع أي حاجة بس الحمد لله مفيش حاجة.
ملاحظة كده عالسريع:
1- صوت الأكرة اليمين قدام رخم شوية في الفتح غير التلت بيبان التانيين, يعني مش سلس في فتحه كده.
ولا يهمك قلهم عليه فى الصيانة وهيعملوه ان شاء الله فى 5 دقائق
2- ده حاجة بقى قلقتني شوية...بعد ماوصلت والجو زي مانتوا عارفين كان حر انهارده, المهم المروحة اشتغلت بعد ما ركنت العربية وفضلت شغالة بتاع 4 أو 5 دقائق كاملة, لدرجة إني شكيت إنها علقت ولا حاجة.
يا ترى ده طبيعي ولا ايه ؟
ممكن تراجع المياه فى الريداتير وهو بارد خالص خالص تتاكد ان المياه فى الريداتير على الاخر وفى القربة لحد الحد الاقصى حسب المؤشر المرسوم على القربة
ولو لقيت كل حاجة تمام ابقى جرب تانى لفة كدة وشوف الوضع ايه لو خلاص المروحة بقت بتقف مع اغلاق المحرك يبقى كله تمام انا اذا فضلت شغالة برده يبقى هتعدى على التوكيل تقلهم على الملاحظة دى وان شاء الله بسيطة جدا جدا لاتقلق
غير كده الحمد لله في ال 10-15 كيلو اللي عملتهم ملاحظتش أي عيوب الحمد لله.
بالمناسبة كانت عاملة 47 كيلو وقت الاستلام, و اتفولت 42 لتر ب 75 جنيه.
في النهاية أحب أشكر كل الناس اللي في القسم هنا اللي ساعدوني في اختيار العربية وإن شاء الله يبقى اختيار موفق و أنا انضميت ليكم رسميا خلاص. :colsmil:
اللي عايز يسأل على حاجة يقول ميتكسفش. :36_1_1[1]:
تحياتي
محمود