ياعم ماتقلقش ان شاء الله خير
بس كنت سالت الاول ايه الحوار هناك و ادوك الجواب ده ليه
ولما تروح نيابه طنطا اعمل نفسك مش صاحب العربيه لحد ماتشوف فيه ايه
عرض للطباعة
ياعم ماتقلقش ان شاء الله خير
بس كنت سالت الاول ايه الحوار هناك و ادوك الجواب ده ليه
ولما تروح نيابه طنطا اعمل نفسك مش صاحب العربيه لحد ماتشوف فيه ايه
انا بالفعل عامل توكيل لمحامي...اقتباس:
أنا شايف إنك تسأل محامي الأول...
..
لكن إطمن...طالما قالوا(ماترخصوش)..يعني دي حاجة غير جنائية ..وإلا كانوا قالو(إقفشوه)
هاروح له بكره إن شاء الله
ما انا سألت...قالي ماعرفش....لازم تروح بنفسك تشوفاقتباس:
ياعم ماتقلقش ان شاء الله خير
بس كنت سالت الاول ايه الحوار هناك و ادوك الجواب ده ليه
ولما تروح نيابه طنطا اعمل نفسك مش صاحب العربيه لحد ماتشوف فيه ايه
اطمن لو كان فيه حاجة كبيرة كان زمان التدوير عليك شغال ولا تشغل بالك بس ابقى طمنا
قول يا نادر ماتخافش
عملت ايه في طنطا ؟؟؟
عادي يعني احنا شباب زي بعض
حضرتك ممكن تسأل في الموضوع ده عشان تتطمن برضو
http://www.nilemotors.net/Nile/139350-a.html
انا اول مره اشوف جواب بالمنظر ده او اسمع كلمه عدم اجراء تجديد دى الا بالرجوع للنيابه
انا من رأى بشمهندس احمد كمال , بلاش تروح يا نادر لحسن يكون على العربيه حاجه فى النيابه
انت ممكن تروح طنطا وتشوف محامى من هناك توكله بالموضوع علشان يصرف نفسه ويجيبلك الخبر اليقين بدل ما تتزنق هناك ومتعرفش تتصرف لوحدك
انت عارف اجراءات القضاء عامه لو على العربيه حاجه محدش بيدور عليك ولا بتعرف حاجه غير لما الجلسات تشتغل والحكم يطلع فعادى جدا انك تكون مطلوب ومحدش يدور عليك او يبعتلك جواب اخطار حتى , انا واحد صاحبى وهو بيجدد مره اتمسك فى جريمه قتل واحد على الدائرى كان خبطه من سنتين وافتكر ان الموضوع خلص بتصالح وطلع منها بأعجوبه وبرده قعد السنتين ولا حد دور عليه ولا بعتله ولا كان يعرف ان فى قضيه شغاله عليه اساسا
حبيبي يا بو نادر إنت جيت منتقطي كده
بص يا سيدي بالنسبه للنيابه فأبشر يا تيمور النيابه جوه مجمع المحاكم الدور السادس يعني في قلب اللبش بس أنا رأيي ماتخفش لو كان فيه حاجه أكيد مرور القاهره مش هيقولك و النبي روح إتمسك في طنطا
بالنسبه للمعالم السياحيه إطمن طنطا مافيهاش أي حته تتراح ده إحنا هنولع في نفسنا قريب
بالنسبه للأكل في بيتزا هت و فيه كوك دور و فيه :كأتشب و أبلز في شارع إسمه المعتصم لو عايز تاكل سندوتشات
لو عايز مشويات فيه محل وطنيه في شارع النادي هوه عامل زي فرحات كده بس ماتكلش عنده حمام
و فيه أم محمد في شارع الفاتح عند موقف السوبر جيت بس منصحكش تاكل عندها
بص ياسيدي الطريق للنيابه كالأتي :
هاتيجي من الطريق الزراعي عادي جدا أدخل طنطا من المدخل الأولاني اللي بعد النفق على طول اللي هوه بيدخلك على شارع الجلاء ( بعد النفق بشويه هتلاقي شارع على شمالك و كوبري على مرمى البصر مالكش دعوه بيه إعمل يوترن و أدخل الشارع اللي كان على شمالك قبل اليوترن هوه ده شارع الجلاء و كمل فيه طوالي )
بعد متخلص الشارع كله ولا يمين و لا شمال هتلاقي نفسك في شارع البحر و لازم تاخد يمينك فيه عدي أول يوترن و لف من تاني واحد و أدخل أول شارع واسع على يمينك إسمه شارع أحمد ماهر على ناصيته محل بيتزا شامبيون - ما تكلش من عنده - و كمل طوالي هتلاقي نفسك في ميدان الساعه كمل طوالي زي مانته مالكش دعوه بحاجه زي مانتا في الشارع ده إسمه شارع المديريه في أخره هتلاقي المحطه في وشك و السيد البدوي شمالك و المحكمه يمينك حمدالله على السلامه
معلش والله لو فاضي كنت جيت معاك بس والله بخلص الكليه الساعه 4 غصب عني إنت عارف أخر سنه و بكالوريوس و بتاع بس لو عزت حاجه مني تتحرك الكليه
و خلي موبايلي معاك لو إحتجتني : 0199963338
واحد صاحبى حصل معاه موضوع عدم التجديد الا لما يراجع نيابة مرور اسيوط (هوه من هنا فى القاهره)
كانت عربيته مع واحد صاحبه من اسيوط و عمل مخالفه و بدل متتسحب الرخصه كلم حد كلم الظابط اداهاله بس الظابط اثبت المخالفه ان فى واحد معاه رخصة اسيوط راكب عربيه نمرها كذا (نمر القاهره) عمل كذا و كذا ... الموضوع بيروح قضيه على مرور صاحب الرخصه و هناك بيلاقو نمر عربيه فى مرور تانى يروحو يعملو حظر تجديد زى اللى حصل معاك
ان شاء الله تطلع حاجه بسيطه و متتعكش فيها جامد .... بس كويس انك هتبعت محامى يشوف ايه النظام الاول
لو تحب اشوفلك محامي من طنطا يروح يسأل في النيابة اوك بس مش عارف لازم يكون معاة توكيل ولا لأ