جايلك يا... طنطا!

**أحمد كمال** · 11-06-2010 09:32 AM

المشاركة الأصلية كتبت بواسطة pro_samir

لو تحب اشوفلك محامي من طنطا يروح يسأل في النيابة اوك بس مش عارف لازم يكون معاة توكيل ولا لأ

لازم توكيل يا بوب.

**حماده عزو** · 11-06-2010 11:23 AM

تحت أمرك يا أستاذ نادر
تيجى تنور طنطا
لو هتيجى بكره السبت أن شاء الله أن فاضى من الصبح لحد 2 الظهر ممكن أقابل حضرتك فى أى مكان حتى لو على السريع بره البلد وأخدك ونروح النيابه
وأن شاء الله ليا واحد معرفة فى النيابه وهيسئل ويخلصنا فى السريع
بس بشرط تعمل حسابى معاك فى العربيه علشان هجيلك من غير عربيتى
أتصل بيا فى أى وقت تليفونى 0122807139
0111019565

**elassar2010** · 11-06-2010 12:18 PM

المشاركة الأصلية كتبت بواسطة nadernabil

شكلها فكست كده...الدنيا والعة في طنطا الأيام دي...علشان موضوع المحامين و القضاة...و انا رايحلهم برجلي في النيابة :)

تم التأجيل لحين إشعار اخر...و أديني بستخدم العربية التانية لحد ما يبانلها بينة

لازم تاجل موضوع النيابة لان تقريبا مافيش نيابة حاليا وكلاء النيابة هيخافوا يروحوا الشغل

غير انة مستحيل محامى يدخل لوكيل نيابة
ومستحيل ن وكيل نيابة يسمح ان محامى يدخلة

**NaderNabil** · 14-06-2010 02:52 PM

الحمد لله..

قررت أغامر و الموضوع خلص يوم السبت الماضي...و من غير محامي ولا يحزنون

إتحركت من القاهرة 6:30 صباحاً...وصلت 8:45 لنيابة المرور في الدور السابع...
الدنيا كانت ماشية طبيعي جداً و مافيش قلق خالص...بس كان فيه حوالي 10 عربيات أمن مركزي مدججين بالعساكر و الأسلحة و كام مدرعة...بس كانوا قاعدين بيهزروا

وصلنا قبل الموظف المسؤل ب نصف ساعة...إستنيناه لحد ما جيه و أخد الجواب و قالي إستنى شوية...

المهم راح شاف الملف لاقى غرامة كسر سرعة 110كم على الطريق الزراعي بتاريخ 16-04-2008 و دي طبق الأصل الموقف ده:

واحد صاحبى حصل معاه موضوع عدم التجديد الا لما يراجع نيابة مرور اسيوط (هوه من هنا فى القاهره)
كانت عربيته مع واحد صاحبه من اسيوط و عمل مخالفه و بدل متتسحب الرخصه كلم حد كلم الظابط اداهاله بس الظابط اثبت المخالفه ان فى واحد معاه رخصة اسيوط راكب عربيه نمرها كذا (نمر القاهره) عمل كذا و كذا ... الموضوع بيروح قضيه على مرور صاحب الرخصه و هناك بيلاقو نمر عربيه فى مرور تانى يروحو يعملو حظر تجديد زى اللى حصل معاك

بس الفرق اني انا كنت سائق...كنت رايح طنطا ساعتها علشان شهادة المخالفات أول مرة و مكنتش عارف نظام الزراعي إيه....فارخصتي إتسحبت ردار و كلمت واحد هصاحبي جابهالي تاني يوم و انا هناك...بس اللي حصل بقى ان وصل المخالفة ماتقطعش... و لما ملاقوش الرخصة قاموا بعتوها على رقم العربية اللي هو كان ملاكي غربية...و بما إني حالياً ملاكي القاهرة..قاموا تتبعوا الرقم لحد ما عرفوا إني غيرت النمرة و إتبعتت على النمرة الجديدة...القصة دي بقى حسب التواريخ اللي على المخالفة أخدت سنة و شهر :)

المهم...بكام يا عم المخالفة؟ 200 جنيه...و هانخلى وكيل النيابة ينزلها...بس تعالى الساعة 11:00...

قعدنا إتسرمحنا شوية حوالين النيابة و رجعنا 11.. فضلنا واقفين لحد الساعة 1 مستنين الجواب يخلص و ندفع الفلوس بعد ما الوكيل نازلها ل 100 فقط....

نتعلم بقى من الموقف ده...ان محدش يكلم معارفه يجيبوله الرخص المسحوبة تاني...عاجلاً أم أجلاً هتاخد فوق دماغك :) :)