بسم الله الرحمن الرحيم
:S_thum1[1]:
الان يمكنكم المشاركة فى صفحه شركة أوماترا على الفيس بوك و تمتع بكافه المعلومات عن جميع سيارات فيات الايطاليه فى مصر عن طريق الموقع التالى
http://www.facebook.com/pages/OmaTra- FIAT-/313415565472
بسم الله الرحمن الرحيم
:S_thum1[1]:
الان يمكنكم المشاركة فى صفحه شركة أوماترا على الفيس بوك و تمتع بكافه المعلومات عن جميع سيارات فيات الايطاليه فى مصر عن طريق الموقع التالى
http://www.facebook.com/pages/OmaTra- FIAT-/313415565472
أنت شغال فى أومترا يا باشا؟
اينعم :w6266dاقتباس:
المشاركة الأصلية كتبت بواسطة NoRmAl
طيب كويس
بص عايز أقولك نصيحه لوجه الله
أنا شفت حبه كلام من البيدج
أنتوا عندكم مشكلتين معروفين للعيان
1. مفيش مصدر معلوماتى عن سيارات فيات فى مصر وحد يوضح التكنولوجيا الى فيها ومميزاتها ومجالات تفوقها
كل دا تحت كلمه عبيطه أسمها المبيعات ودى نقطه خاصه بالى مشتراش لسه فيات
2. الصيانات والتعاملات وأسعار قطع الغيار ودى نقطه تخص الى أشتروا فيات
واضح بقى إن فيه أتجاه فى أومترا دلوقتى إنها تدخل بين الاعضاء هنا فى المنتدى وتعرفهم على سيارات فيات زى البيدج بتاعتك دى وزى الاستاذ تدروس تقريبا الى بيكلم بعض الاعضاء
جميل
لكن غير مرتب
المشكلتين الى فوق دول لازم أولويتهم يكونوا بالعكس
أهتموا الاول بالعملاء الى وثقوا فيكوا وأشتروا فيات ودلوقتى بياعنوا من الصيانات وأسعار قطع الغيار وسوء معامله السيارات
أنما تسيب دا وتعملى صفحه تقول فيها أحنا عندنا الصيانات ميه ميه ومهندسين متخصصين والكلام دا
دا بالنسبالى أسمه زياده على الطينه بله
حتى لو فكرنا باللوجيك كدا
هو أنا لو بفكر أشترى فيات هجى أسألك فى صفحه أومترا والنبى يا باشا أنتوا كويسين ولا دى أشاعات!!!!
لا
هسأل الملاك وخدلك بصه كدا على القسم هتعرف هنجاوب على الراجل دا أزاى وفى الاخر يتحرم من أنه يركب عربيه أوروبى ب100 ألف علشان أومترا!!
لو بجد نفسكوا تتغيروا بس مش عارفين
قولوا واحنا ندلكم
المستهلك دائما على حق
أسأل المستهلك هو عايز أيه
مش تجيب رجله ولما يشترى خلاص بقى ندور على غيره!
أنا عارف أن كلامى حاد
لكنه واقعى وخالى من الاخطاء
اللي عايزنا يجيلنا هنا :ma:
هاهاها, و احنا نقطعه !اقتباس:
المشاركة الأصلية كتبت بواسطة aymoz
بجد مش عايزين كلام جميل و بس ! احنا مش هبل يعنى
بس بصراحة أنا مبسوط و حاسس ان نايل موتورز قوية جدا
آه المشكلة اننا بقينا واخدين على التثبيت و كل مرة بنسكتاقتباس:
المشاركة الأصلية كتبت بواسطة moe86
بيعرفوا يضحكوا علينا ولاد الايه :36_1_8[1]:
زى ما الفيس بوك وسيلة دعاية ببلاش
ممكن برضه يكون دعاية سلبية جامدة و منتشرة و ببلاش
انصح اى حد من اوماترا ليه دخول على المنتدى انهم يصلحوا الدنيا من جوه الاول و بعدين يفكروا فى الدعاية
يعنى مش من مصلحتكم انكم تبانوا دلوقتى و انتوا عندكوا مشاكل
قالك Facebook !
طب والنبي اكتبوا ..
انكم كنتم اول مافتحتوا ... بتدوا ضمان سنة واحدة او عشر الاف كيلو على العربية !
و المصيبة ان العبد الله .. الغلبان انا ... لا كنت افهم في عربيات و لانيلة .. و اشتريتها مقتنع انها مهما كان ضمانها حتكون افضل من اي سيارة صيني او كوري ..
و طبعا اثبتلي العكس ... مش بالسيارة يمكن .. بس بالخدمة و توفر قطع الغيار ( الي اتاخر شهر .. ) و اسعارها الجميلة ! ( دونجل خلفي ب 4600 جنيه في عربية تمنها 66 الف جنيه .. )
دنا والله شاري " جزمة " من محل في مصر .. و واخد عليها ضمان سنتين ! و جزمة صناعة صيني !
و قال اليه .. واحد يكلمني بعد ماشتريت العربية بسنة .. يقولي لو عاوز تزود ضمانك ل 3 سنين من تاريخ الشراء .. هات 3000 جنيه ...
مش عايز اقول كلام اندم عليه بعد كدة ..
كلام واقعي و صحيح بنسبة كبيرة جدا ... شكرا جزيلا !اقتباس:
المشاركة الأصلية كتبت بواسطة normal
الله عليك هو ده الكلاماقتباس:
المشاركة الأصلية كتبت بواسطة normal
طبعا الأستاذ الفاضل دخل المنتدى علشان يعمل دعاية للجروب الجديد و بعد كدة سلام عليكم!
ﻷ ده مسجل من زمان بس بيتابع بس من غير مشاركاتاقتباس:
المشاركة الأصلية كتبت بواسطة moe86