طيب أنت شيكت على طرمبة البنزين وقست ضغطها
رقم العضوية : 47436
تاريخ التسجيل : 17Sep2009
المشاركات : 461
النوع : ذكر
الاقامة : Helipolis
السيارة: ya rab 320i
السيارة[2]: VW golf 6 2011
الحالة :
مساء الخير
بكل بساطة العربية ده عشرة عمر و عزيزة على اوى و الموضوع ده منكد على و حاسس ان اكن ابنى عيان و مش لاقى العلاج.
لما بدور الصبح بدرى العربية بتبقى مش قادرة و لازم ادوس بنزين مرتين تلاتة كده عشان الار بى ام يعلى و بعد كده بتمشى عادى. أول ما الطرق يقف و يبقى فى فترات طويلة على السلانسيه بلاقى الار بى ام ابتدى ينزل جامد لحد 0.25 و اكن العربية حتبطل و بعدين تعدل نفسها تانى. طبعاً اللمبة العزيزة الepc بتنور بس يا سيدى و العربية تقلب توكتوك. السرعة القصوى لا تتعدى 110 و تجيبهم بعد ربع ساعة و لازم أحرق عليها جامد. العزم منعدم على الار بى ام القليل و طبعاً لو شغلت التكييف حتكون النتيجة انو العربية حتبطل إلا لو فضلت دايس بنزين و حيت انها مانيوال فلازم لما اهدى اشيل رجلى من البنزين و ساعتها بتنتهز هى الفرصة و تبطل.
المصيبة التانية ( او تكملة الأولى أنا مش عارف )، لما بركنها فترة طويلة فى الشمس و أجى أدورها بتبقى مش
قادرة تتطلع، يعنى مفيش تسارع خالص و لازم افضل أحرق على الأول عشان تبتدى تفوق.
ملاحظات :
1- العربية فيها كومبيوتر رحلات بيطلع درجة حرارة الجو بره, بلاحظ انو لما الموضوع ده بيحصل، بتبتدى درجة الحرارة تعلى بشكل مش طبيعى، قصدة درجة الحرارة اللى شايفها على الشاشة يعنى ممكن توصل 50 و 60 بس درجة حرارة الموتور بتفضل فى النص زى ما هى.
2-الموضوع بيحصل لما الطريق يكون واقف يعنى لو الطريق كله ماشى و مفيش فترات العربية بتكون على السلانسيه ، العربية بتكون فايقه و كويسه
3- حتى و العربية كويسه بحس انو على الار بى ام القليل العربية مخنوقة، اك فيه بوجيه فاصل و لما أوصل 3.8 أو 45 مره واحدة بتفوق.
تشخيصى المتواضع للمشكلة : العربية مخنوقة ( مش قصدى مضايقة ) قصدى مش قادرة تتنفس و حسب معرفتى المتواضعة بميكانيكا السيارات العربية بتتخنق عشان سبب من 3:
1- مش واصلها هوا كفاية
2-مش واصلها بنزين كفاية
3-مش بتعرف تصرف العادم بتاعها كويس
الحلول اللى عملتها بدون تحسن يذكر:
1- نضفن الانجكشن
2- نضفت الرشاشات
3-نضفت فلتر الهوا ( سيموتا بقاله معايا حوالى 1500 كم بس بنضفه بالبلور بانتظام)
4-نضفت فلتر البنزين ( عامل حوالى 2000 كم )
انا كنت عامل موضوع قبل كده بخصوص الepc بس المره ده انا حاسس انو ممكن نتجاهل اللمبة و نركز على موضوع العربية مخنوقة ليه ( الepc يعنى فى سنسور فى العربية فى مشكلة عنده)
العربية فابيا 2001 1400 سى سى مانيوال عامله 303500 كم و المفروض حاعمل صيانة ال60000 عند 305000
بجد زى ما قولت قبل كده انا بحب العربية ده جداً و الموضوع ده مأزمنى جامد
و مستنى الردود عشان انا متأكد انو ان شاء اللى مفيش غير شباب نايل موتور اللى حيعرفوا يحلوا الفزورة ده
رقم العضوية : 48692
تاريخ التسجيل : 03Oct2009
المشاركات : 702
النوع : ذكر
الاقامة : Alex
السيارة: H - verna 2006
السيارة[2]: VW - polo 95 1.3
دراجة بخارية: لا
الحالة :
طيب أنت شيكت على طرمبة البنزين وقست ضغطها
رقم العضوية : 47436
تاريخ التسجيل : 17Sep2009
المشاركات : 461
النوع : ذكر
الاقامة : Helipolis
السيارة: ya rab 320i
السيارة[2]: VW golf 6 2011
الحالة :
بصراحة انا مكنتش اعرف انو فى اختبار كده أصلاً، انا كنت شاكك انو طرمبة البنزين فيها مشكلة بس على حد علمى مشاكل طرمبة البنزين بتبان على السرعات العالية.
بس برده مش حيضر و ممكن تطله المشكلة فيها بس ممكن حضرتك تقولى فيين ممكن اعمل الاختبار ده و المفروض الطرمبة السليمة تتطلع كام بار ؟؟؟
و شكراً
رقم العضوية : 4959
تاريخ التسجيل : 27Jan2008
المشاركات : 3,051
النوع : ذكر
الاقامة : Zagazig
السيارة: Skoda Octavia A5 2007
السيارة[2]: Fiat Evo Punto 2011
الحالة :
بص نضم حساس الهوا و شيك على وصلات الكهربا بتاعت الموتور و قيس كبس البزين من الطرمبه ممكن تلاقيه عند كار بويز في جسر السويس
رقم العضوية : 58964
تاريخ التسجيل : 15Jan2010
المشاركات : 3,927
النوع : ذكر
الاقامة : سـكـــــودا فورمان 1994
السيارة: سكـودافليشيا 1996
السيارة[2]: سـكــــودا كومبى 1996
دراجة بخارية: سكـــودا فابيا 2002
الحالة :
انتا العربيه لما بتيجى تطالع على غيار الاول او تنقل على اى غيار بعد كده بتيبقى بطيئه و بعدين بتجمع سرعتها و تيبتدى تجيب سرعتها مع العلم انتا دايس على دواسة البنزين لو الموضوع كده مش هيخرج عن البوجيهات لانى العربيه ممكن تكون بتالت منك و انتا مش
واخد بالك اكيد فى بوجيه قاطع و ان شاء الله دى تكون المشكله بس امانه ابقى رد لانى انا متاكد انو هيكون عيب بوجيهات
رقم العضوية : 48692
تاريخ التسجيل : 03Oct2009
المشاركات : 702
النوع : ذكر
الاقامة : Alex
السيارة: H - verna 2006
السيارة[2]: VW - polo 95 1.3
دراجة بخارية: لا
الحالة :
انا مش عارف انت ماتورك 1.4 كام حصان بس هى المفروض تكون ما بين 2.5 إلى 3 بار
رقم العضوية : 39326
تاريخ التسجيل : 01May2009
المشاركات : 73
النوع : ذكر
الاقامة : الاسماعيليه
السيارة: بيكانتو
السيارة[2]: فانتازيا
دراجة بخارية: لايوجد
الحالة :
جرب فلتر اشكمان حل زور الشكمان من بعد المانافولد وجرب ممكن يكون فلتر البيئه
رقم العضوية : 47436
تاريخ التسجيل : 17Sep2009
المشاركات : 461
النوع : ذكر
الاقامة : Helipolis
السيارة: ya rab 320i
السيارة[2]: VW golf 6 2011
الحالة :
يعنى الحاجات اللى المفروض ابتدى بيها هى :
1- قياس ضغط طلمبة البنزين و المفروض يكون بين 2.5 و 3 بار على حسب الموتور كام حصان
2- حساس الهوا و وصلات الكهربا بتاعت الموتور
3-نشيك على البوجيهات عشان العربية ممكن تكون متلتة
4-فلتر الشكمان أو علبة البيئة
أنا حجرب الحاجات ده و حيقة أرد و ربنا يسهل
بس ممكن حد يشرحلى فين كار بويز اللى فى جسر السويس ؟ أنا سكن فى شارع النزهة فى مصر الجديدة
بحد شكراً من هنا لحد يوم الأحد
رقم العضوية : 4959
تاريخ التسجيل : 27Jan2008
المشاركات : 3,051
النوع : ذكر
الاقامة : Zagazig
السيارة: Skoda Octavia A5 2007
السيارة[2]: Fiat Evo Punto 2011
الحالة :
جنبك على فكره
شارع جوزيف تيتو
امشي فيه بحيث يكون سور المطار على يمينك كانك رايح طريق مصر الاسماعيلليه الصحراوي
حيقابلك كوبري الهايكستب
متطلعهوش لف من تحتيه وارجع تاني
امشي 30 متر بس هو جنب معرض بتاع عربيات اودي كبير
لما تروحلهم قولهم انك من طرف البشمهندس محمد حامد اللي كان بيتدرب عندهم السنه اللي فاتت و احكيلهم المشكله و هما حيتصرفوا
و بعد كده اطلع على اون ذا رن بينك وبينه دقيقه مشي
اشربلك كوبايه شاي :d و ادعيلي
رقم العضوية : 14258
تاريخ التسجيل : 06Jul2008
المشاركات : 2
النوع : ذكر
الاقامة : cairo
السيارة: dont have
السيارة[2]: Matrix
الحالة :
العيب ده عيب البوجيهات او الاسلاك بتاعت البوجيهات غير الاتنين و هتلاقيها زى الطيارة الموضوع ده حصل معايا و غيرت البوجيهات و الاسلاك الى بتتوصل بيها و العربية بقيت زى الفل
المفضلات