مساء الفل يا رجالة
انا نفسي قرار النائب العام باعادة تشريح الجثة ييجي بفائدة
ربنا يستر
واتوصالي بحتة وصاية كدا يا شنر فالخروف و كفاية قر بقا يا راجل ههههههههههههههههههههههههه هههه
مساء الفل يا رجالة
انا نفسي قرار النائب العام باعادة تشريح الجثة ييجي بفائدة
ربنا يستر
واتوصالي بحتة وصاية كدا يا شنر فالخروف و كفاية قر بقا يا راجل ههههههههههههههههههههههههه هههه
شوف الفرق بينك وبين اللي قبلك في طلب الحته من الخروف
هشام زكي : ممكن حته ريش لاخوك
انت :واتوصالي بحتة وصاية كدا يا شنر فالخروف و كفاية قر بقا يا راجل
عرفت بقي الفرق بين المواطن المطحون الي عايش علي قده لما بيطلب برجاء
وانت لما بتطلب بعنجهيه
دا يثبت ايه ؟؟؟؟؟
انك مولعها يا دكتور يا اقطاعي يا غني
احنا بنشتري اللحمه بالحته وبالكيلوا وبكسور الكيلوا
انت بتجيبها بالفخده واللوحه
كان نفسي اطلع تاجر سلاح علشان يكون معايا فلوس كتير بس مجاش في بالي اطلع دكتور
--------------------------------------------------------
علي جنب كده
من ناس في سيدي جابر
انا سمعت ان خالد فعلا كان معاه مخدرات وبلعها
والمخربين ضربوه بعدها
بالنسبه للفيديو والحشيش
اظن ان اي حد فينا لو شاف كاوتشه عايمه علي وش الميه حيكون هزاره مع اصحابه انها فيها مخدرات ويقعدوا يقسموها في خيالهم ويحلموا بفلوسها
وان الناس تاخد حتت من ظبطيه المخدرات دي حاجه عاديه ومش حتاثر علي الكميه اللي حيتعمل بيها القضيه
خصوصا ان كلهم شغالين في مكان واحد وبينهم عشره تفسر الهزار بينهم
انا كنت متخيل انهم واقفين في الشارع بيقسموا وبيبيعوا للناس لما سمعت عن الفيديو قبل ما اشوفه
يا شنر يا حبيب قلبي يا ابو فازة يا خليفة سوبر مان ياللي بتقع من 5 متر وبتنزل سليم اللهم لا حسد بل قر
حتى لو بلع مخدرات تفتكر المخدرات هي اللى عملت فيه كل الاصابات دي ؟؟؟؟؟؟؟؟؟
مش معقولة طبعا
واصحابك اكيد محدش منهم شاف ولا يبقوا من ضمن الاندال اللى اتفرجو اوسكتوا
او سمعوا وبس وسمع من سمع من سمع انت عارف في النهاية اللى بيوصل عمره ما بيكون الحقيقة
احنا ادامنا روايتين وبافتراض صدق رواية الشرطة عن انه بلع مخدرات
اظن مش المخدرات اللى قالت للمخبرين يضربوه بلعنف ده
ولا المخدرات اللى كسرت وشه وقطعت وشه بالمنظر ده وعلى فكرة الطب الشرعي لا يمكن يشرح الاماكن الىل الجثة متخيطة فيها لان بافتراض انه بلع مخدرات هايبقي الشق في البلعوم والمرئ مش في الشفة والدقن
وبردو مش المخدرات اللى قالت للمخبرين يكملوا الضرب في الشارع والبيت او ياخدوا الجثة على القسم ويرجعوا يرموها ويطلبوا الاسعاف
اما عن شهود الشرطة فواحد منهم خارج من قضية مخدرات وعليه مراقبة والتاني بتاعوصلات دش وبردو خارج من شهر حبس وعليه مراقبة وبتاع السايبر شوية يخاف على اكل عيشه وعلى نفسه يحصل خالد ينفي رواية الشرطة واول ما مخبر يزوره يرجع ياكد رواية الشرطة
في كل الاحوال مهما كان ما عمله خالد لا يبرر كل هذا العنف في معاملته
وعلى فكرة الناس متاكدة ان رواية الشرطة غلط من اللى بيشوفوه كل يوم في اقسام الشرطة ومن ظباط الشرطة في كل مكان
يا راجل اكتر من مرة والله اشوف عربيات النجدة الاتاري دي بيمسكوا واحد ويربطوه من ايديه من الخلف ويرموه في شنطة العربية ويقفلوا الشنطة عليه ويمشوا
وعلى فكرة بردو لو انت طلبت عربية النجدة لانك علمت حادثة ابقي قابلني لو حد تف في وشك
والله من اسبوعين تلاتة عملت حادثة بعربيتي وكان سواق تاكسي غبي خبطني من الامام يعني وشي في وشه لان الباشا ماشي عكسي
المهم الحادثة كانت 5 و 5 دقايق واتصلت بالنجدة بعدها بحوالي 5 دقايق وفضلت لغاية 7 ونص بتصلب بالبهوات وكل شوية يقولي عربية النجدة في الطريق واخر مرة بيقولي العربية جاية من القسم الفلانى
هنا ممسكتش نفسي وانفجرت فيه انت بتهرج القسم ده يبعد اقل من 10 دقايق وبقالي ساعتين ونص اسمك ايه يا بني ادم علشان همسح بيك الارض وانفيك
التهديد المحترم
واتصلت بابن عمي ظابط مرور بعت لي امين شرطة من المرور بعدها ب 10 دقايق وبعدا ما المشكلة اتحلت وقلت عوضي على الله وسامحت في الاضرار اللى حصلت للعربية جه الباشا امين الشرطة من القسم اللى المفروض انه النجدة ولقيته جاي في تكتك وراس امه والف جزمة لازم نروح القسم نعمل محضر بالصلح وللاسف اخد الرخص من امين الشرطة بتاع المرور قلت ما هي ناقصة عطلة وبجملة يوم حلو من اوله
اتنيلنا رحنا القسم وعملنا الصلح وطول الطريق للقسم تهزيأ في الشرطة وانهم مش بيشوفوا شغلهم وووو كل ده وامين الشرطة جنب بيدافع عن تاخيره ولما رحنا القسم راح جاب الدفتر فوجئت ان النجدة مبلغة عن الحادثة الساعة 7 و 10 يعني بعد ما اتصلت بيهم بساعتين
شفت النجدة وسرعتها
يا باشا
دول لو ليهم مصلحة ولا مستشار ولا حتي معاون نيابة ابن امبارح اللى اتصل بيهم كانوا اتقلبوا كلهم في دقايق
انما علشان مواطن عادي محدش بيعبرك ايا كنت مين
اما موضوع ان ظابط المباحث كان بيهرج فلا يا شنر
ركز في الفيديو تاني وهتلاقي المخبر الىل على يمين الظابط بيضحك مع زميله اللى واقف جنبه وبعدها المخبر بيمد ايده ويقطع حتة حشيش ويديها لزميله اللى واقف جنبه ويضحكوا
اما انهم لما ياخدو حتت حشيش من الضبطية وانه عادي لا طبعا
بتقول مش هياثر على القضية طبعا مش هياثر
لان الباشا اخد اللى هو عايزه قبل ما يعمل المحضر ويثبت الوزن والا القضية تبقي فشنك فهو بدري بدري كدة بياخد اللى هو عايزه وبعدين يوزن الباقي
اما انه ياخد من الحشيش حتي لو مش هيبوظ القضية فدي لوحدها كارثة لان الباشا هيعمل بيها حاجة من تلاتة:
1- هيشربها وبالتالي يبقي مفيش فرق بينه وبين اي واحد بيتقبض عليه في تهمة تعاطي والمفروض هو كمان يتقبض عليه بتهمة التعاطي
2- هايبيعها وكدة يبقي ربنا كرمه واتنقل من تهمة تعاطي لتهمة اتجار
3- هيركنها في المكتب لغاية ما يمسك واحد زي حالاتك ويطلعها ويثبتها انه وجدها اثناء تفقد الحالة الامنية ووجد المواطن شنر واقف بيعدل الدش ومرتبك فقام بالتوجه اليه لسؤاله عن سبب عدله للدش فارتبك وحين طالبه باثبات شخصيته وقعت منه لفافة سلوفانية وبفضها تبين انها تحوي مادة تشبه جوهر الحشيش
وقليل ان ما حصلت خالد
عرفت يا باشا ان في كل الاحوال اللى حصل وبيحصل كل يوم ده كارثة
لو كنت سمعت الكلام و ذاكرت كنت جبت مجموع و دخلت كليه الشرطه و بقيت تاجر سلاح اد الدنيا او كليه الطب و بقيت تاجر اعضاء و الفلوس بتلعب معاك
الشغل كتير بس انت دور افتحلك عياده افتح مكتب محامى اشتغل قاضى الفازه البطاله مش بتكسب
حضرتك لو هو مواطن عارف انه ليه حقوق ماكانش بلاعها من الاساس مش اتنين مخبرين يجوا يقولك طلع اللى فى جيبك حتى لو معاك حشيش برضه المفروض ده مايحصلش غير ان المنظر اللى كلنا شفناه مش منظر واحد بلبع حاجه ده واحد انضرب لما اتبهدل و فى كل الاحوال المخبرين هما سبب الموته ديه
على فكره , أمه طلعت على قناة ال MBC وفضحت بتوع الداخلية اللي قالو على لسانها إن إبنها مدمن مخدرات
http://www.alarabiya.net/articles/20...15/111418.html
النيابة تحقق فى تهمة تعذيب حتى الموت بقسم أول مدينة نصر]
لاربعاء 16 يونيو 2010 10:45 ص بتوقيت القاهرة
اتهمت أسرة صابر عبدالسميع (59 عاما) المسئولين بقسم أول مدينة نصر بتعذيب صابر وضربه حتى الموت. القصة كما ترويها رضا ابنته سببها محاولته الحفاظ على الكشك الذى يعتبر مصدر رزقه الأساسى منذ 40 عاما.
رضا تحدثت لـ«الشروق» قبل ساعات قليلة من لقائها للنائب العام، وقالت «والدى عمره 59 سنة وعنده كشك فى شارع على أمين أمام حى مدينة نصر»، صابر لم يعد يقوى على الوقوف فى كشك السندوتشات فقام بتأجيره. وتابعت رضا أن اللواء سيد محمد الليثى، رئيس الحى الجديد، أمر بإزالة الكشك، وبالفعل تمت إزالته من نحو شهر بالبلدوزر، رغم أن المالك لديه رخصة وعداد كهرباء.
تسترجع رضا شعور والدها وتقول «أبويا خاف على مكانه وعلى الحاجات اللى جوه اللى تساوى 10 آلاف جنيه». نزل صابر إلى الشارع يحاول حماية مكانه وممتلكاته، وبحسب رواية رضا مر عليه رئيس الحى، وأمر بإزالة جميع الأدوات الخاصة بكشك السندوتشات التى كان صابر يجلس بجانبها.
«أبويا قال لا ما حدش ياخد حاجة وحاول مقاومتهم فزقوه وأخدوه إلى قسم أول مدينة نصر من 10 أيام».
وتؤكد رضا أن النيابة أمرت بإخلاء سبيل والدها إلا أن المسئولين فى القسم رفضوا الإفراج عنه وبقى معهم 5 أيام». وتوضح أن والدها أخبر الأسرة قبل وفاته بأن الضباط يحاولون إجباره على الاعتذار لرئيس الحى إلا أنه رفض.
وبعد مضى خمسة أيام من احتجاز صابر اتصل رجل شرطة من القسم يخبر الأسرة بأن والدهم توفى ويرقد فى مستشفى هليوبوليس، لأنه أصيب بعد سقوطه على الأرض.
تقول رضا «جرينا على المستشفى لقيناه ميت قبلها بيوم وكان لسه بينزف»، وتضيف ابنة الضحية «لقينا فى رأسه أثر ضربة «طبنجة»، مستبعدة أن يكون نتيجة سقوط على الأرض لأن مكان الجرح غائر جدا وعميق، كما أنه فى أعلى الرأس على حسب قولها. توجهت رضا ببلاغ إلى نيابة مدينة نصر التى قررت عرض الجثة على الطب الشرعى.
رضا تدعو لعدم الصمت على هذه الأحداث «لو سكتنا ماحدش هيبقى ليه لازمة أبويا حقه عند ربنا لكن أنا عايزه أضمن حق ولادنا اللى عايشين».
جدير بالذكر أن نيابة مدينة نصر تحقق حاليا فى حادثة الوفاة لبيان سببها وما إذا كانت طبيعية أم بسبب تعرضه للتعذيب داخل القسم.
من جهتهم أكد المسئولون بقسم أول مدينة نصر فى تحقيقات النيابة أن الوفاة طبيعية ولا علاقة بالقسم بها حيث إنها حدثت خارجه.
وقال مصدر أمنى لـ«الشروق» إن القتيل يعانى من مرض السكر وتم القبض عليه فى حملة تنفيذ أحكام لصدور أحكام جنائية ضده، ومنذ يومين تم إحضاره إلى ديوان القسم لانتهاء فترة عقوبته وصدور قرار بإخلاء سبيله، وتم بالفعل إتمام إجراءات الإفراج عنه وبعد خروجه من القسم علم من المواطنين أنه توفى مما يرجح وفاته بنوبة سكر.
http://www.shorouknews.com/.......Data.aspx?ID=248568
[/URL
إيه إلي احنا فيه دة
الظلم بقى كتير أوي
الافترا بقى كتير أوي
غياب الضمير و الأخلاق بقى عادي جداً
البلد دي رايحة على فين
"رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا"
الاستقالة متنفعش:3_3_102[1]:اقتباس:
بصراحه حبيب العادلي لو عنده ذرة كرامة المفروض يقدم إستقالته
و هو اصلا مش هيفكر في الاستقالة:36_1_8[1]: