رسالة تعارف و مصلحة

**م. حاتم السباعي** · 11-06-2010 01:50 AM

أهلا بيك يا بشمهندس حاتم
هو انا مشفتش الرانجلر الجديده الحقيقه لأنى مرحتش المعرض من الاساس :))
بس هو طبعا الى عايز العربيه دى أكيد بيهدف لحاجه معينه
يعنى حضرتك من هواه الرحلات الجبليه والرياضات دى علشان تجيب عربيه بالقوه دى
ولاونى مقتنع أن هى دى الى تنفع مع شوارعنا اليوميه لكن بردو مش أى حد بيركبها
وطبعا البنزين بتعها ومصاريف تشغيلها أعتقد يقطموا الوسط مع أنى أتوقع أن قطعها معمره جدا
فأنا عايز أعرف منك أنت بتفكر أزاى وعايزها ليه بالظبط

اااه كمان بجد معرفش أى عربيه عندنا بتنزل براند vxr
أول مره أعرف
مش أعلى فئه تريوس GLX؟؟

(أولا احب أن اشكرك يا نورمال باشا علي الرد الوافي الشافي وعلي فكرة أحب أن احييك علي ردودك علي كل اعضاء نايل موتورز ولقد كان لردودك علي الاعضاء الفضل بعد الله عز وجل في اشتراكي في هذا المنتدي القيم و بالنسبة للرانجلر والله انا معاك في انها هي اللي تنفع لمصر سواء طرق سريعة مليئة بالحفر و عدم استواء الاسفلت أو في الطرق الجانبية لجميع احياء مصر المليئة بالمطبات و المطبات الصناعية العشوائية التي جعلتنا جميعا نهرب من السيارات القريبة من الارض واقتصر بحسنا علي السيارات المرتفعة هروبا من الحك و الهرش في الارض

العضو المحترم
برجاء تفادي استخدام اللون الأحمر لأنه مخصص للإدارة
يمكنك استخدام أدوات الإقتباس اسفل يسار المشاركة للرد عليها

شكرا

مشرف عام .3

**ابو ليلى** · 11-06-2010 02:58 AM

اهلا وسهلا بيك وسط عائلة كيا والسيراتو بالخاص وكون حضرتك تركت كل الاقسام المختلفة

ودخلت قسم كيا من اجل اخذ ارئنا فى سيارتك الجديدة فهذا فى حد ذاته وسام على صدورنا .

اما عن سؤالك فى اختيار السيارة فأعزرنى لا املك معلومات كافية للرد عليك .

اهلا وسهلا بيك معانا ويارب يجمعنا دائما على خير 0

**Ahmed Samy** · 11-06-2010 10:35 PM

أهلا بحضرتك و سط اخواتك و ثقتك دي تسعدنا كلنا

شوف يا سيدي

انت من الأخر

عايز تركب عربية قوية ...بس ناوي تستعمل القوة دي بشكلها الحقيقي

يعني عايز متعة امتلاك القوة

و العربية اللي ناوي عليها وحش حقيقي

ومالهاش غير في حياة البر

دي تغلب الهامر و الـFJ بسهولة في الطرق الوعرة و الصحراوية

بس من جوه فقيرة و من بره كمان

مش عربية مدينة

و من تاني انت مش ناوي تجيب أخرها

طيب هاقولك حاجة

ماتدفع الفلوس دي أو أقل شويتين تلاتة في عربية تانية

مش هاقولك تيريوس علشان هي جنب الرانجلر صرصار الحقيقة و هاتحس فرق فظيع

ماتخليك في الناس الكبيرة

المواتير الفايقة و القوة المفرطة

أيوة

حتة جراند 2003- 2004

قوة و ثبات و فخامة و متانة

ولو جبت الـV8 هاتحس بالقوة اللي انت عايزها

طب عملنا ايه

انت كده ركبت عربية تنفع لعيلة و شيك و عصرية
تنفع لسفر و مشاوير صغيرة

ولو طقت في دماغك أوف روود ...مش هاتقول لأ

و لما تبيع مش هاتخسر

طيب دي قديمة و مستعملة

انزل بيها الخدمة و اصرف عليها 5 - 6 الاف من الفرق اللي وفرته ده غير انك تقدر تجيب واحدة جديدة و متصانة بسعر مش بعيد عن الميتين ألف

قوللي رأيك ايه