ابدل عربيتي الاوبترا باوبترا تانية اوتوماتك ولا بلاش ؟؟؟؟؟؟؟

انا عاوز رأيكم يا جماعة
انا عربيتي الحالية اوبترا 2008 مانيوال عاملة حوالي 30000 كم و مافيهاش اي مشاكل تماما والحمد لله ومافيش فيها اي سمكرة او رش ... يعني فابريكة بالكامل .... فيها بعض الخدوش في الاكسدامات والرفرف وجريد الابواب ....
... ضريبة الحياة في قاهرة المعز
من شهرين او 3 اشتريت لزوحتي فيرنا اوتوماتك .... لما جربت الاوتوماتك بصراحة بقيت مش مبسوط من المانيوال
..... الاوتو راحة ونغنغة وتحس انك بتلعب اتاري
امبارح كنت عند واحد صاحبي وعرفت انه عاوز يبيع عربيته اوبترا 2008 اوتوماتك .... شاريها معايا تقريبا ... العداد 70000 يعني خارج الضمان .... وهي العربية رقم 3 في اسرته ... وبيستعملها احيانا في شغله وسفر لشرم والغردقة وكدة ..... والصيانة في التوكيل علطول ومافيهاش مشاكل والخدوش اللي فيها اقل من عربيتي ... وطبعا فابريكة بالكامل
...
انا بافكر اشتري عربيته وابيع عربيتي
عربيته تتميز انها اوتوماتك وحالة الصاج من الخارج احسن من عربيتي شوية ( الخدوش اقل )
وعربيتي تتميز انها عاملة 30 الف فقط والتانية عاملة 70 وعربيتي لسة في الضمان
لو عملت كدة ح اتكلف فرق 4 او 5 آلاف جنية بما فيهم نقل الملكية
ايه رأيكم
اضحي بعربيتي اللي تعتبر غير مهانة تماما ولسة في الضمان علشان الاوتوماتك ..... ولا اخليني في المانيوال وبلاش تطلعات تقدمية ممكن تؤدي الى نتائج غير مرجوة
رأيكم يهمني

ازيك ياحاج أحمد يارب تكون بخير

بص هو الموضوع محير

لان انا من النوع اللى بيفضل الاوتوماتيك حتى لو هاركب عربيه اقل

واديك جربت الاوتوماتيك وحلاوته وراحته :)

لو صاحبك دا تثق فيه وحالة العربيه كويسه توكل على الله

لو عندك شك 1 % فيها اصرف النظر وأجل الموضوع لحد ماتجيب زيرو وتكون حاجه أحسن كمان من الاوبترا ان شاء الله

وبالتوفيق

اقتباس:

---

المشاركة الأصلية كتبت بواسطة hosam_optrawy

ازيك ياحاج أحمد يارب تكون بخير

بص هو الموضوع محير

لان انا من النوع اللى بيفضل الاوتوماتيك حتى لو هاركب عربيه اقل

واديك جربت الاوتوماتيك وحلاوته وراحته :)

لو صاحبك دا تثق فيه وحالة العربيه كويسه توكل على الله

لو عندك شك 1 % فيها اصرف النظر وأجل الموضوع لحد ماتجيب زيرو وتكون حاجه أحسن كمان من الاوبترا ان شاء الله

وبالتوفيق

---

الف شكر للرد والاهتمام
انا الحمد لله بخير بفضل ربنا
والله يا حسام الموضوع محير فعلا
صاحبي ده انا طبعا اثق فيه تماما ....
هو صاحب شركة ..... وعندة عربية امريكاني مش فاكر نوعها وميجان بتاعت زوجته والعربية الاوبترا
اللي مسببلي قلق شوية ان العربية دي ساعات بيديها لناس من الشركة في سفريات طويلة ( ناس انا عارفهم واكيد مش بيبهدلوها )... الغردقة او شرم
يعني مش سوقة واحد لوحدة ..... وده سبب ان العربية ماشية كتير برغم انها العربية الثالثة في الاسرة
لكن العربية حالتها زي الفل ..... والصيانة بتتعمل في التوكيل باستمرار
انا ح اصلي صلاة استخارة وادعي ربنا واشوف الامور ح تسير ازاي ......
شكرا للرد والاهتمام ومنتظر رد باقي الزملاء

رايي الشخصي خليك في المانيول اللي معاك لأن العربيه التانيه عامله 70000 كم وبالتالي العمر الافتراضي للجير بوكس الأتوماتيك قل ياعني ممكن تشتيريها من هنا وبعديها بكذا الف تلاقي في مشاكل في جير بوكس وخصوصا انه كوري ثم 70000 كم ده كتير جدا ده كده العربيه استهلكت حجات كتير فيها ثم على فكره انا نفس المشكله عندي انا معايا اوبتر 2010 عامله 20000كم واما جربت الأتوماتك ندمت وقولت لنفس ياريت كنت جبت الأتوماتك وكنت بفكر ابيعها وكمل فرق بسيط واجيب اوبترا اتوماتك او نيسان اتوماتك بس رجعت في كلامي لأنه خلاص جيبت العربيه والعربيه كويسه وقولت لنفسي بعد كده اي عربيه مستقبلا هتكون اتوماتك المانيول في ميزه واحد الحرق والجري مع ان الأتوماتك الحديث اعفي وأقوي بس لو حرقت كتير على جير بوكس اتوماتيك ممكن يبوظ او يتحرق وانا من النوع اللي بحب احرق واجري علشان كده جيبت المانيوال ثم انا لو مكانك انا كنت بيعت العربيه وكملت عليها وجيبت النيسان صني الأتوماتك اللي فيها abs وهي عامله 91500 وأفضل من الأوبترا ويبقي افضلك

لو هتغيير يبقى تغيير بتغييير

تغيير نوع العربية كمان عشان تحس بطعم التغيير

انا مش برشح نوع معين

بس حرام الواحد يغيير عربيته و خصوصا لو بتاعته من الزيرو و حافظها و هى حفظاه عشان اوبشن بس زيادة بنفس العربية

و ربنا يلهمك اللى فيه الخير ان شاء الله

منصحكش بعد ال70 الف كيلو تركب اوتوماتك كورى لانه قلق اوى مع انى معايا اوبترا اوتوماتك زيرو وعامل بيها دلوقتى 5000 بس ناوى ان شاء الله اقلبها قبل 60 الف على شان اكون جوا الضمان وبالتالى اشترى دماغى

انا شاكر ليكم اهتمامكم وردكم
انا صليت استخارة وربنا يلهمني الصواب ان شاء الله
لكن انا فعلا شاعر بقلق من ان العربية خارج الضمان وعدادها كتير شوية

من رايى لو عايز تغير لاوتوماتيك غير لماركة تانيه عشان تحس بالتغيير والتجديد

يا استاذي عربيتك جديدة لسا و عملة 30000 كيلو.........حافظ عليها احسن..... انت عرفها و هي عرفاك....

اقتباس:

---

المشاركة الأصلية كتبت بواسطة aif

انا شاكر ليكم اهتمامكم وردكم
انا صليت استخارة وربنا يلهمني الصواب ان شاء الله
لكن انا فعلا شاعر بقلق من ان العربية خارج الضمان وعدادها كتير شوية

---

نقطة ان العربية خارج الضمان طبعا نقطة سلبية وموضوع العداد ده مش كبير ولا حاجة بس مقارنة بعداد عربيتك يعتبر كبير جدا كمان.
اعتقد ان الركوبة ستختلف (كمثال نعومة عفشة 30000كم غير 70000 كم)
غير موضوع انه بيديها لناس سفريات وكده وبالتجربة حالة عربية عليها اكثر من رجل لا تسواوي إطلاقا حالة عربية بيسقها واحد بس.
طبعا الأوتوماتيك ممتاز ومريح واعتقد بتاع الأوبترا ياباني مش كوري والله اعلم بس الكيلو متر بالنسبة لسيراتك يخليك تستنى وتبعها على 40000 او 50000كم مثلا وتجيب زيرو اوتوماتيك.

وربنا يوفقك للخير

لا انصح بالتغيير الا لو زيرو ..

سؤال من فضلك بعيد عن الموضوع .

انا قرات كم من المشاكل هنا في المنتدى عن الفتيس الاوتوماتيك عموما وعدم وجود صيانه له بل تبديل بالكامل وثمنه في اغلب الموديلات بيعدي ال 30 الف

هل الكلام ده ينطبق على اوتوماتيك الفيرنا ؟ هل قرأت في المنتدى عن أعطال له ؟ هل ثمنه غالي ؟

اقتباس:

---

المشاركة الأصلية كتبت بواسطة د.محمود صلاح

لا انصح بالتغيير الا لو زيرو ..

سؤال من فضلك بعيد عن الموضوع .

انا قرات كم من المشاكل هنا في المنتدى عن الفتيس الاوتوماتيك عموما وعدم وجود صيانه له بل تبديل بالكامل وثمنه في اغلب الموديلات بيعدي ال 30 الف

هل الكلام ده ينطبق على اوتوماتيك الفيرنا ؟ هل قرأت في المنتدى عن أعطال له ؟ هل ثمنه غالي ؟

---

والله يا دكتور اللي وصلتله من آراء الناس الخبرة في المنتدى ان الفتيس لو عاملته كويس وغيرت الزيت زي الكتالوج ما بيقول و الصيانة في مواعيدها يبقى مشاكله ح تكون شبه منعدمة
....
اما بخصوص تغيير العربية
انا كنت متحمس للتغير
لكن لما استخرت ربنا ...... لقيت نفسي مش مرتاح لموضوع التغيير ده
علشان كدة انا قررت آخد بنصيحة زملائي الاعزاء واحتفظ بسيارتي اللي معايا من الزيرو وعارفها وعارفاني
وفعلا لما احب اغير ..... المفروض اغير الماركة كمان ........ لكن هيا اللي جت قدامي ساعتها كانت اوبترا برضه
...
انا شاكر لكم جميعا اهتمامكم وردودكم اللي كان لها أثر كبير في قراري
ربنا يحفظكم جميعا

اقتباس:

---

المشاركة الأصلية كتبت بواسطة hmada9009_99

رايي الشخصي خليك في المانيول اللي معاك لأن العربيه التانيه عامله 70000 كم وبالتالي العمر الافتراضي للجير بوكس الأتوماتيك قل ياعني ممكن تشتيريها من هنا وبعديها بكذا الف تلاقي في مشاكل في جير بوكس وخصوصا انه كوري ثم 70000 كم ده كتير جدا ده كده العربيه استهلكت حجات كتير فيها ثم على فكره انا نفس المشكله عندي انا معايا اوبتر 2010 عامله 20000كم واما جربت الأتوماتك ندمت وقولت لنفس ياريت كنت جبت الأتوماتك وكنت بفكر ابيعها وكمل فرق بسيط واجيب اوبترا اتوماتك او نيسان اتوماتك بس رجعت في كلامي لأنه خلاص جيبت العربيه والعربيه كويسه وقولت لنفسي بعد كده اي عربيه مستقبلا هتكون اتوماتك المانيول في ميزه واحد الحرق والجري مع ان الأتوماتك الحديث اعفي وأقوي بس لو حرقت كتير على جير بوكس اتوماتيك ممكن يبوظ او يتحرق وانا من النوع اللي بحب احرق واجري علشان كده جيبت المانيوال ثم انا لو مكانك انا كنت بيعت العربيه وكملت عليها وجيبت النيسان صني الأتوماتك اللي فيها abs وهي عامله 91500 وأفضل من الأوبترا ويبقي افضلك

---

+1111111111111111111111
اضم صوتي لصوتك و اكيد النيسان افضل ورأيي ان الاستاذ ينتظر لحد ما يخلص فترة الضمان ثم يشتري عربية جديدة نيسان