المشاركة الأصلية كتبت بواسطة crazylambada
يا جماعه مبدائيا علشان محدش يتهمني بحاجه
انا بستخدم بنزين 92 و عربيتي 1600 اوكيه يعني انا من المتضررين
العربيات العاديه بتسخدم بنزين 90 عادي اما 92 و ال95 للعربيات الفارهه مش لازم مرسيدس او بي ام
لما انا اوفر فلوس الدعم انا مبقولش يتشالوا خالص
يعني خلي 92 ب2.25 مثلا
شوف فيه كام مليار حيتوفروا لو استخدمناهم في التعليم الصحه البنيه التحتيه احسن بكتير
غير كل ده انا من الناس او من الشباب اللي بيحبوا يتمشوا بالعربيه و فيه ناس كتير كده لما احس بغلو البنزين لا بدل ما الف كل يوم خليها كل تلات ايام انا بدي مثل و دي حقيقه
و الدليل على كده قبل كده كنا بنقول فول او صفيحتين
دلوقتي حطلي ب20 جنيه ب30 بنحددها بسعر
زي الميه بالظبط علشام ملهاش تمن بنرميها في الارض صح و لا لأ لاكن لو غاليه حنحس بقيمتها
من الاخر غلو البنزين بس مش لدرجه 5 جنيه و الكلام ده حيقلل استهلاكنا و يزود الميزانيه للصحه التعليم البنيه التحتيه و اخره
و ان الدعم يوصل بجد لمستحقيه يا جدعان فيه اسر بتعيش ب100 جنيه في الشهر كل واحد فينا بياخد دعم بنزين حوالي 250 جنيه
اللي حيتناقش معايا انا مرحب جدا لكن اللي حيقعد يتريق مليش فيه :s