فأظفر بذات الدين تربت يداك
الحقيقة أنا عملت الموضوع ده .
عشان نفسى أتكلم فيه بإستفاضة ...
و أشرح بالضبط وجهة نظري ...
يمكن تتفقوا معايا فيها ....
و عشان بس متفتكرونيش متحرر قوي ( على فكرة أنا بتقبل الرأى الأخر بس حبيت أشرح نفسى مش أكتر ) ..
و أتمنى فى الموضوع ده بلاش جدال ...
فى الموضوع قرار بالإنفصال ...
كلنا قرأناه ... و شفنا أراء الناس .. و الكل يقولك فكك منها من البنت و خليك فى ذات الدين ...
كلام على عينى و على رأسى مقدرش أفتى فيه ...
نص صريح من رسولنا الكريم ...
لكن ...
هل تعرف من هى ذات الدين؟؟؟
هل تعرف الدين ؟؟؟
الدين هو عبارة عن عبادات و تعاملات و منهج حياة ...
الكل مركز مع العبادات ... محجبة على الأقل إن ما كنتش منقبة ... صلاة ... زكاة ... نوافل .. قراءة قرأن ... لا إختلاط ... كل ده ...
كلام جميل جدا و حاجة فى منتهى الجمال ...
لكن ...
دى كلها .. حاجات قابلة للتغيير مع الوقت ... يعنى واحدة مش محجبة .. ممكن تتحجب عادى جدا ..
أنا والدتى لما إتجوزت .. مكنتش محجبة ... و إتحجبت بعد الجواز بسنة و نصف ... عن إقتناع ...
و ناس كتير ....
يعنى ممكن إللى مش بتصلى ... تصلى ... مش محجبة ... تتحجب ... مش بتقرأ قران .. تقرأ قران ... تقلل الإختلاط .. سهلة و مقدور عليها مع الوقت و سهل بردوا عن إقتناع ....
الموضوع ده مش صعب ..
نيجى للشق التانى ...
التعاملات ..
الأمانة ... ممكن واحدة متكونش أمينة ... وكتير جدا .... بتحصل ... على سبيل المثال ... واحد يشترى سندوتاات فول و طعمية ... و تلاقى ساندويتش زيادة ... تأخدة و مترجعو او تروح تدفع تمنه .. رغم ‘نه مش منحقها ...
و إللى تستلف و مترجعش عشان مبلغ صغير و تبقى عادة ..
و الطماعة ... على الفلوس ... زيادة
و الكذب و النفاق ...
و الكلام إللى زى السم ( الكلمة الطيبة صدقة ) ...
العشرة الطيبة .... بتساعد جوزها ....
فضائل الأخلاق ....
ناس كتير متدينين التدين الظاهري و كل ده مش موجود عندهم ...
تيجى إنت عندها .. الله إيه ده ... يلا نتجوز .. إنت ما فيش فيك غلطة ...
هل من المنطقى . إنى أركز فى الحاجات القابلة للتغيير (بس شرط تكون البنت نفسها عندها القابلية) ... و أركز فى الظاهرى ؟؟؟
كمان ... مقولة السيد المسيح ... " من كان منكم بلا خطيئو فليرمها بحجر ) ... يعنى معلش ...
ناس كتير جدا من إللى عايزين يتجوزا أو أغلبنا يعنى عملوا أخطاء ...
تدخين .. (حرام شرعا ) ... هل كده إحنا وحشين ؟؟؟ لو بالنظرية دى يبقى عمرنا ما هنتجوز بنات كويسة ...
...
عايزين ننظر للمعنى الكبير من الدين ...
و ليس العادات و الممارسات ..
الدين معاملات ..