مساعده بتغير مفتاح تسخين الزجاج الخلفى

**r2tarek** · 11-06-2010 02:17 AM

فى بدايه الامر كنت مركب معطر سائل على التكيف ومع حراره الجوى ادى الى تبخر السائل ونزل على مفتاح تسخين الزجاج الخلفى الموجود اسفل فتحت التكيف ونتيجه لتفاعل الكحول مع البلاستيك باظ المفتاح ومحتاج تغير

عايز اعرف اشتريه منين وطريقه تبديل المفتاح بسيطه ؟

نصيحه
لكل الاعضاء يفضل عدم استعمال اى معطر سائل خاص الذى يحتوى على كحول لان بيتفاعل مع البلاستيك فى حراره الشمس

وشكرا

**mido_soliman** · 11-06-2010 05:25 AM

انا لسة جايب النهاردة ال glade دة اللى بيتحط على التكييف بس مركبتوش لسة اية رايك مخليهوش ولا اية ؟؟؟؟؟ حزعل اوى على الفلوس بس لو حيبوظ المفتاح حركبة فى الشقة الزقة على المروحة عادى :)
هوة جلاد فية كحول ؟ انصحنى اركبة ولا اخلينى فى الشجرة والحجات اللى بتتعلق على المراية وخلاص ؟
تحياتى وان شاءالله الاخوة يفيدوك فى تغيير المفتاح (ممكن تحط علية استيكر لو كان اتمسح بس )

**Tarek Gen 2** · 11-06-2010 05:54 AM

المشاركة الأصلية كتبت بواسطة mido_soliman

انا لسة جايب النهاردة ال glade دة اللى بيتحط على التكييف بس مركبتوش لسة اية رايك مخليهوش ولا اية ؟؟؟؟؟ حزعل اوى على الفلوس بس لو حيبوظ المفتاح حركبة فى الشقة الزقة على المروحة عادى :)
هوة جلاد فية كحول ؟ انصحنى اركبة ولا اخلينى فى الشجرة والحجات اللى بتتعلق على المراية وخلاص ؟
تحياتى وان شاءالله الاخوة يفيدوك فى تغيير المفتاح (ممكن تحط علية استيكر لو كان اتمسح بس )

اولا الف مبروك انا عرفت انك مستجد ولسة جايب جينتك

انا ازرق زيك و اللون ده جميل بس للاسف دهان العربية ضعيف اوى و بيتبهدل خرابيش بسرغة جدا

بس العربية تحفةةةةةةةةةةةةةةةةةةةةةة ةةةةةةةةةةةةةة بكل حاجة
و اللى انتا جايبه ده بيركب عادى مفيش منه ضرر
و ربنا يوفقك يا جميل و اهلا بيك

**mido_soliman** · 11-06-2010 06:01 AM

المشاركة الأصلية كتبت بواسطة Tarek Gen 2

اولا الف مبروك انا عرفت انك مستجد ولسة جايب جينتك

انا ازرق زيك و اللون ده جميل بس للاسف دهان العربية ضعيف اوى و بيتبهدل خرابيش بسرغة جدا

بس العربية تحفةةةةةةةةةةةةةةةةةةةةةة ةةةةةةةةةةةةةة بكل حاجة
و اللى انتا جايبه ده بيركب عادى مفيش منه ضرر
و ربنا يوفقك يا جميل و اهلا بيك

ربنا يخليك يا طارق باشا طمنتنى :) وربنا يحفظنا من الخرابيش ويبعد عننا العيال الصغيرة ولاد التيييييت والمسامير يااااااارب

**r2tarek** · 12-06-2010 01:03 AM

يعنى 25 عضو شافوا الموضوع ومفيش ردود محتاج مساعده الخبراء لان شكله سى جدا والموضوع مضايقنى جدا

هل المفتاح متوفر بالتوكيل او اى مكان اخر وسعره فى حدود كام ؟

فى انتظار ردودكم

وشكرا

**MohabSaeed** · 12-06-2010 01:11 AM

اعتقد بنسبه كبيره ان لوحه المفاتيح بتتغير بالكامل ... ماينفعش مفتاح لوحده .

**BlackBerry** · 12-06-2010 01:12 AM

المشاركة الأصلية كتبت بواسطة r2tarek

يعنى 25 عضو شافوا الموضوع ومفيش ردود محتاج مساعده الخبراء لان شكله سى جدا والموضوع مضايقنى جدا

هل المفتاح متوفر بالتوكيل او اى مكان اخر وسعره فى حدود كام ؟

فى انتظار ردودكم

وشكرا

السلام عليكم

ممكن يا عزيزي تتصل او تزور التوكيل وتسال عن اسعار ازرار التابلوه..في نفس الوقت ممكن تاخد لك لفه في شارع دمشق فيه محلات قطع غيار كتير ممكن يكون متوفر عندهم, وايضا التوفيقيه او عندك ابو رواش ممكن تجيب زرار من طابلوه عربيه مستورده او اي حاجه بسعر رخيص, فيه ايضا موضوع مثبت في القسم عن محلات قطع غيار بروتون جرب تكلمهم وتسالهم ممكن يكون متوفر عندهم طلبك :

http://www.nilemotors.net/Nile/103347-a.html

بالتوفيق ان شاء الله

تحياتي

**BlackBerry** · 12-06-2010 01:15 AM

المشاركة الأصلية كتبت بواسطة mido_soliman

انا لسة جايب النهاردة ال glade دة اللى بيتحط على التكييف بس مركبتوش لسة اية رايك مخليهوش ولا اية ؟؟؟؟؟ حزعل اوى على الفلوس بس لو حيبوظ المفتاح حركبة فى الشقة الزقة على المروحة عادى :)
هوة جلاد فية كحول ؟ انصحنى اركبة ولا اخلينى فى الشجرة والحجات اللى بتتعلق على المراية وخلاص ؟
تحياتى وان شاءالله الاخوة يفيدوك فى تغيير المفتاح (ممكن تحط علية استيكر لو كان اتمسح بس )

والله يا ميدو انا رايي تخليك في الفواحات الجافه احسن...لان حتى لو ملهاش ضرر مع الحر والركنه هاتلاقيها مغلوشه الزجاج من الداخل كل شويه. اشتري فواحه جافه x شكلها شيك وحلوه ورائحتها حلوه وب 5 جنيه بس.

تحياتي