الموضوع: اسعار سيارات جين 2 خارج مصر

طيب كويس اننا لقينا حاجه في مصر ارخص من مثيلتها بره

فعلا الموضوع محير جدا
بس سياسه عز التسويقيه ممكن تكون السبب لو فرضنا ان هيعمل اعلانات بي 20 مليون في السنه و هو بيبيع 2000 عربيه هيزود ثمن السياره 10 الاف جنيه
فكره ممتازه

المشاركة الأصلية كتبت بواسطة r2tarek

انا متابع سعر السياره خارج مصر خصوصا فى بعض الدول العربيه وبلد الصنع

فى السعوديه يترواح ثمنها بين 38000 الى 44000 ريال سعودى بالمصرى حوالى 65 ألف جنيه

فى عمان يترواح تمنها بين 4700 الى 5100 ريال عمانى بالمصرى حوالى حوالى 70 ألف جنيه

فى ماليزيا يتروح ثمنها بين 53000 الى 56000 رينجت ماليزى بالمصرى حوالى 90 ألف جنيه


والسياره نفس الفئه بنفس الموصفات والمحرك campro iafm لم ادخل فى مقارنات cps


الغريبه انا ثمن السياره فى مصر حوالى 95000 الف جميع الموصفات كامله اسبور وبعض خصم الجمارك والضرائب والأرباح والشحن تقريبا 70 % من ثمن السياره فى المصنع يصبح 50 ألف جنيه


ولم اجد اى تفسير لأنخفاض سعرها فى مصر

السؤال هل عز العرب بيقوم بدعم السياره وده مستحيل طبعا ام فرق فى جوده الخامات ؟


الأسعار الموجود من الوكلاء فى الدول

وشكرا

و أضيف إن فى ماليزيا نفسها تمنها تقريبا ما يوازى 70000 جنيه مصرى
و هى مدعمة فعلا بس من الحكومة الماليزية للحكومة المصرية مش من عز العرب و الكلام ده سواء عن سعرها فى ماليزيا أو موضوع الدعم جايبه من دبلوماسى مصرى شغال فى ماليزيا و مشترى العربية هناك

مع احترامى الشديد للموضوع .. لو حضرتكم قريتو ملحق الجمعة للسيارات هتعرفو سعر العربية بكام بالضبط سواء قبل الجمارك أو بعد الجمارك وهاتتفجئو ان ثمنها أقل من 55 الف جم بعد اضافة الجمارك ... بما يعنى ان عز بيكسب أكتر من 30 الف جم فى العربية الواحدة .. كل أول شهر هاتلاقو الموضوع ده فى ملحق اهرام الجمعة أو اخبار السبت ..
بس للامانة مش عز بس هو اللى بيكسب المكاسب الكبيرة دى ... كل الماركات أسعراها وهمية بالنسبة لسعر بيعها ودى حاجة غريبة .. عشان زمان كانو بيضحكو علينا ويقولوا ان الجمارك هي اللى بترفع من ثمن العربيات لكن للاسف طلع التجار والتوكيلات هى اللى مغلية ثمن العربيات

معلوماتى ان خط الانتاج المصرى نفس الخليجى
يعنى بروتون فى مصر مواصفات خليجى لاتوجد اختلافات خامات او كماليات او او او........

وفعلا كلام استاذ هيثم صحيح فيه دعم من الحكومه الماليزيه لاقتحام السوق المصرى وعمل اسم فى مصر لبروتون وده مش موجود فى بعض دول الخليج

المشاركة الأصلية كتبت بواسطة khaledmontero

مع احترامى الشديد للموضوع .. لو حضرتكم قريتو ملحق الجمعة للسيارات هتعرفو سعر العربية بكام بالضبط سواء قبل الجمارك أو بعد الجمارك وهاتتفجئو ان ثمنها أقل من 55 الف جم بعد اضافة الجمارك ... بما يعنى ان عز بيكسب أكتر من 30 الف جم فى العربية الواحدة .. كل أول شهر هاتلاقو الموضوع ده فى ملحق اهرام الجمعة أو اخبار السبت ..
بس للامانة مش عز بس هو اللى بيكسب المكاسب الكبيرة دى ... كل الماركات أسعراها وهمية بالنسبة لسعر بيعها ودى حاجة غريبة .. عشان زمان كانو بيضحكو علينا ويقولوا ان الجمارك هي اللى بترفع من ثمن العربيات لكن للاسف طلع التجار والتوكيلات هى اللى مغلية ثمن العربيات

وبردو الكلام ده صح وقريته واستغربت جدا
والامر عام على جميع التوكيلات فى مصر

# ما الفرق الأهم بين مصر وأمريكا؟

- الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.