[gdwl]يا جماعه عمرنا فكرنا قبل كده في إن المنتدى إلي بيلمنا عشان يفضل موجود و يجمعنا دائما محتاج موارد ماديه لدعمه و فاكرين لما كان عندنا هدف زمان إن إحنا ننزل مجلة نايل موتورز و كانت الإداره حجزت دومين عشان نصدر المجله عليه إلي هوه كان نايل موتورز دوت كوم بدل دوت نيت بعد أن تم تحويل المنتدى إلى دوت نيت لكن الموارد الماديه حالت دون أن نصدر المجله
دلوقتي أنا لاقيت حل بالصدفه البحته أثناء تصفحي على النت :
دلوقتي في مسابقه عملاها شركة نيسان مع MSN
الخلاصه بتاعتها إنك ممكن تبعت دعوه لأصحابك على النت عشان يركبوا معاك في عربيه نيسان تيدا وهميه و أكتر واحد هيجمع عدد معاه في العربيه هيكسبها .
أنا فكرت و لاقيت إن إحنا كتير جدا و يمكن نكون أكبر منتدى في مصر نشيط و حتى بعض وسائل الإعلام و إن تكن بسيطه بدئت تعتبرنا مصادر للأخبار و ممكن لو إتجمعنا و عملنا accept كتير جدا لل invitations نكسب العربيه و هي نيسان تيدا و نبيعها هتوفر حوالي 90,000 جنيه على الأقل سيتم تقسيمها كالأتي :
1- 50,000 جنيه من أجل دعم المنتدى تسلم للأستاذ كريم منير مؤسس المنتدى و الأب الروحي له .
2- 40,000 جنيه صدقه جاريه على روح أخونا الكريم محمد جمعه (tompina) و روح أخ لي كان معي في الكليه توفي من ثلاثة أشهر و لم يسعني أن أفعل له شيئا من قبل و روح والدي و لي على أن نقوم بشراء جهاز لمستشفى السرطان .

كل ما أطلبه من إخوتي الكرام أن يترك كل منكم عنوان البريد الإلكتروني كي أقوم بإرسال الدعوه إليه ثم تقوموا بالموافقه على الدعوه و بالتالي نجمع أكبر عدد من الأصوات و نحقق هدفنا إن شاء الله [/gdwl]
برجاء تثبيت الموضوع من الإداره أو أن يوضع كرساله في بداية الدخول للمنتدى حتى تعم الفائده

-------------
-------------




[warning]بعد تشاور مجلس ادارة المنتدى فيما بينهم بخصوص موضوع المسابقة
تم الانتهاء الى وجود شبهة حرمه بالموضوع ككل
وادارة المنتدى لا تقبل اي شبهة حرام
ولا يجوز التبرع بصدقة من مال به شبهة حرام
عن أبي هريرة قال قال رسول الله صلى الله عليه وسلم: ( إن الله تعالى طيب لا يقبل إلا طيبا)
لذا تقرر غلق الموضوع تمهيدا لحذفه اتقاء للشبهات
إدارة المنتدى[/warning]