ليية وخدنها بلطجة مع اننا عارفين اننا غلط ....

**E30power** · 11-06-2010 05:16 AM

لية احنا البلد الوحيدة الى مبتعرفش تمشى ولا تحترم قانون الا لو خدت على دمغها .......لية حتى لما نخالف القانون بنعملة بكل بجاحة واستهتار بارواح كل الناس ونقول يلا نفسى ....بجد حررررررررررررررررام من الا مبالاة الى بقيت اشوفها فى كل حتة ....

لما تكون ماشى فى امان الله تلاقى تريلا ايوة تريلالالالا واخدة يوتيرن عكسى وماسكة الشمال وكانت هتطير موتوسيكل دلفرى وبيحسبوة انو مش شايف ادامة وتلاقى بتاع الدلفرى بيتاسفلة وعايز يلحق يوصل الطلبية لانو حس بالعجز والضعف ادام البلطجية دول ....رغم انهم غلاطانين ....ومتحطش فى نفسك لانك هتتعب

لية اشوف الموت بعنيا واتشاهد وانا فى عربيتى بسب واحد يقطع عليا الطريق بالعرض من غير ما يبصلك وانا على سرعة 95 كيلو لمجرد انو معاة عربية قديمة حدييييد وبقت عندة عادة الاستهتار والمخالفة مع احتساب ان الكل يوسعلك ...لدرجة ان العربية تزحف اكتر من 15 متر وكانت هتتقلب بيا ووصلت انى اتشاااااهد وانا شايف المنظر واحضن الدركسيون .....ولما عدت يرفعلى ايدة انو اسف بكل استهتار ....وموقف بيعدى اكيد على غيرى ازقت و انيل من كدة بكتير ...

لية الى بيجى يركن صف تانى بيقفل على عربيتن مش عربية لمجرد فكرة انو هيركن ومخالف ...لا وكمان مش فى دماغة الى بيتازو بسببو !!!!!!!!

لية بقينا ا نطلب الرشوة وش لوش من غير كسوف وغير كدة بيكون عند معاهم وحلنى على ورقك يخلص والمصيبة ان الجهاااات المسؤلة والى مفروض تشكىيلها عارفة ويقولولك فى وشك سيبهم يكلو عيش .....طب افرض انى معيش الى يكفى الرشاوى او مستحرم اتحاسب علشان سياتة ,,,

لية مبقاش فى نظام وبقت كل حاجة بطوابيرر وارخص حاجة بقت حياة البنى ادام الى ملهوش ضهر او الى معهوش فلوس يعوض دة بية

لية لما مراكز القوة وكبار البلد يسرقوا وينهبوا عينى عينك محدش يقدر يفتح بؤة ...لية بيطبق القانون على الغلابة وبس !!

ازاى حامى البلد حراميها وكلنا عارفين دة وسكتين اا!!!!

وبلاوى وبلاوى دة حتى الاكل بيغشوا فية وبيسرقوا فية على حساب حياتنا ...

اعزرونى ان الكلام حرف معايا واول مرة اتكلم بالكابة دية بس الى شفتة الكام يوم الى فاتو قرفونى من حياتى بجد انا مش عااارف احنا ازاى وصلين لمرحلة االرضا على الضعف والاستهتاااااار بقيمة البنى ادم بالطريقة المبالغ فيها دية

حقيقى انا حاسس انى مخنوووووق جدا من كمية الكوسة الى بتحصل حوليا والمظاهر الكدابة والسلطات والانعرة وحاسس انى مليش اى حقوق فى بلدى والبلطجى بس الى بيعرف يسلك امورة بكام كارنية رتبة واصلة ويتنطط على الخلق ويجى الى اعلى منة يتنطط علية وهكذا تمر الايام ...تقريبا قربت اشك ان شعبنا بقى مريض نفسى من الدرجة الاولى ....

فعلا زهقت ونفسى اسيبك واهج يا ام الدنيا ..لانك باختصار لاتصلحى للحياة الادمية بعد الان

**esraatefa** · 11-06-2010 04:44 PM

اية كمية الكأبة دى بس يا عم احمد
البلد دى احسن من غيرها

**A7MED_PHARMA** · 11-06-2010 05:09 PM

المشاركة الأصلية كتبت بواسطة esraatefa

اية كمية الكأبة دى بس يا عم احمد
البلد دى احسن من غيرها

البلد دي مش أحسن من غيرها
زمان كنا بنقول كده...كنا بنقول ان مصر بلد الامن والامان
كنا بنقول انك ممكن تتمشى في شوارع مصر بالليل أوبالنهار من غير خوف..وإنك ماتقدرش تمشي في شوارع أمريكا(بلد الحريات)بعد الساعة 9 بالليل..أحسن تتقلب ويقتلوك بدون رحمة علشان 5 دولار حتى

كان زمان الكلام ده
دلوقتي البطلجة بشكل رسمي ..وقانوني
عندك قضايا رجال الشرطة ..وملف مصر المخجل في حقوق الانسان
عندك أخر أمل الناس كانت شايفاه...رجال السلك القضائي..وأديهم بيضربوا الناس بالأقلام على وشهم..ويحبسوهم كمان
أنا نفسي كان ممكن أموت إمبارح
في مصر بلد الأمن والأمان

**x_gomgom** · 11-06-2010 07:07 PM

انا كل اللي هقوله كل حته فيها و فيها وبلاش نجمع.............
نعيب زماننا و العيب فينا وما لزماننا عيب سوانا.....
اللهم عفوك و رضاك

**mrwho1982** · 11-06-2010 07:11 PM

طيب تخيل معايا كده

انت ماشي في شارع حارتين انا في اليمين وفي مدخل في اليمين ده بتاع عربيات نقل

انت ماشي في امان ربنا عاليمين تلاقي واحد تيت مديك نور عالي وكلاكس ............ وفي وشك يعني نقل وماشي عكسي

انا اللي عملتو لان العربية دي عربية خرسانة جاهزة وقفت بالعربية واديت انتظار وروحت جنب الطريق جبت طوبة كبيرة وبعلو صوتي انزل يابن ال ............. لاحسن اكسرلك الازاز وروحت جنب العربية والسواق نزل وقلتلو هات رخصك ..........قاللي طيب بس اهدي

طبعا كام شتيمة حلوين واخدت من علي العربية رقم العربية واسم السواق وقلتلو انت مش هاتسوق تاني خالص .........
الناس اتلمت معلش ومش معلش .........ز

والله هو صعب عليا لانو راجل كبير .........وقلتلو تعاي ياحاج اقوللك حاجة....... قالي نعم يابيه قلتلو انا مش بيه انا اسمي محمد

امشي براحة علشان دي ارواح ناس وعيب انت راجل كبير ممكن تقع في ايد واحد مفتري هايعمل فيك حاجات غلط كتير وممكن توصل للضرب الراجل بصلي باستغراب

قلتلو يالا اتوكل علي الله وربنا يهديك

قاللي شكرا يابني

انت كنت هاتعمل ايه في الموقف ده للاسف في ناس كتير نسبة ذكائها بتقل بنسبة 98% اول ماتقع قدام الدركسيون

ويجعلو عامر

**M.Zaher** · 11-06-2010 11:21 PM

ضاقت فلما استحكمت حلقاتها .... فرجت وكنت أظنها لاتفرج
ان شاء الله فيه نهاية لكل الظلم ده

**M.Mosaad** · 11-06-2010 11:54 PM

للأسف مبقتش بلد الامن و الامان
الامن و الامان انك تبقي ماشي اامن علي نفسك و بيتك و اهلك و عارف ان لو حصل حاجة في ناس وظيفتها انها تحميك

مشيت في ألمانيا في عز اليل و مستني المترو و حواليا خمس شباب كل واحد فيهم زي الباب و ماسكين ازايز خمرة في ايديهم قلت انا كدة مع السلامه و لا حد عبرني و لا بصلي اصلا و كل كام محطة في عربيه بوليس واقفه ناس واقفه مبتسمه و سعيدة تخليك تروح تتكلم معاهم و يجيبولك حقك علشان كدة مفيش قانون غابه

مشيت في هولندا في ال dam Square المنطقه اللي الشباب بيتجمع فيها و يشرب ماريجوانا و بيرة و خمرة و بيبقوا ضاييعين و محدش برضة بيضايق اي حد

يبقي الامن و الامان فين

الظابط او الشرطة مهمتهم انهم موظفين زينا مش احسن مننا لكن للاسف في مصر البلطجة موجودة من كل الطوائف طالما انت اقوي مني يبقي تبلطج عليا و انت في منتهي الاطمئنان ان محدش هيكلمك في كميه غل في قلوب الناس كبيرة اوي و كله بيطلع غله في اللي اقل منه و اللي مش لاقي اقل منه يروح يتجوز علشان يطلع غله في مراته سلسله من البلطجه من اكبر راس لاقل واحد كله بيدور علي حد يبلطج عليه

شوف وش امين الشرطه لما بترتكب مخالفه تحس انه اسعد انسان في الكون مش عارف ان وظيفه القانون انه يقفش المخالفين لا هو وظيفته الحفاظ علي الامن و تقويم المخطأ يعني بيحاول قدر استطاعته انه يمنعك من ارتكاب مخالفه و حتي لما بترتكبها فانت مواطن ليه حقوق و عليه واجبات
من مدة عربيه وقفت في نص الشارع و واحد واقف وراه عمال يكلكس البيه اللي قدام بص في مرايه العربيه الاول علشان يشوف يقدر يبلطج و لا لأ و كان الراجل اللي في العربيه اللي ورا شكله غلبان راح نازل و شدة من العربيه و هاتك يا ضرب و الراجل يعيط و يقوله انا مستعجل عندي عزاء و هكذاااااااا

للاسف مش لاقي حل اقوله كلنا بنقول مشاهدات و مفيش حلول لان واضح ان الحل ميقدرشي عليه غير ربنا