الموضوع: دراسة مشكلة التسارع المفاجئ لدواسة الوقود(تويوتا)

المشاركة الأصلية كتبت بواسطة Egypt200x

أولا شكرا على الخبر الحلو
العفو يا فندم
ثانيا أنا أحترم في الشركه دي قوي انها اعترفت بالمشكله وسحبت الموديلات واتحملت الخساير دي كلها (ولو انه فعلا ما كانش قدامها خيار تاني لأن حماية المستهلك في أمريكا مابتهزرش يعني كان ممكن تتمنع من البيع نهائيا في الأسواق الأمريكيه ده غير قضايا التعويضات اللي كانت الناس حترفعها عليها)
فعلا انا بردة لسة كنت بقول للعضو 2faster ان الناس _فى رأيى _ زادت عندها الثقة .بعد ما اتحملت خسائر كتير
ثالثا أنا سمعت كلام غريب قوي عن الموضوع ده يعني الناس بتقول دي مؤامره من شركة جنرال موتورز علشان السوق الأمريكي يتجه لها وتحاول تعوض حالة الركود وانهيار الاقتصاد الامريكي في 2009 مش عارف لو حد عنده معلومات بخصوص الكلام ده ياريت يفيدنا

انا قريت عن الموضوع دا وكان فى تحليلات الصحف عملاها بتشوف فيها من المستفيد من المشكلة دى بس استبعدوا انها تكون جنرال موتورز او فورد واعتقدوا ان ممكن تكون (هوندا )هى المستفادة
لانها بتنافس على قمة السوق بخمس انواع بتشكل 80% من حجم مبيعاتها
بس فى الاخر اعتقد ان اكيد المشكلة دى ساعدت باقى الشركات فى ان نسبة مبيعاتها تزيد