تخليص الجمرك أنا هاخلصها بس المبلغ اللي هايدفع هانتفاهم فيه مع المشتري
عرض للطباعة
تخليص الجمرك أنا هاخلصها بس المبلغ اللي هايدفع هانتفاهم فيه مع المشتري
العربية اللى فى الصورة ديه من موديل 2000 فيما اعلى لان الe39 من 95 الى 98 شكل و 99 شكل و 2000 فيما اعلى شكل و الاختلاف الخارجى بيكون فى الفوانيس الامامية و الخلفية على سبيل المثال و ليس الحصر
ال e39 دي الفئة الخامسة
الe38 هي القئة السابعة
فعلا بيعها فى البلد اللى انت فيها .
و لازم تسال هنا فى الجمارك قيمتها اد ايه ؟؟ العربية دى هنا فى مصر بتتباع ب 110 الى 150 الف جنيه .
حضرتك لو جبتها مصر وجمركتها بهدف البيع يبقى بترمى فلوسك فالارض
لانك لما تيجى تبعها مش هاتجيب اكتر من 150 - 160 وده كحد اقصى
طب عرفوني سعرها لأن كده انتوا قلتوا أسعار متضاربة مرة 110 ومرة 160 ومرة 170 ومرة 250 وأنا مش عارف وضع سعرها إيه ، وبالنسبة للجمرك والتخليص أنا مسؤول عنه وهاتفاهم فيه مع المشتري بس المهم أعرف السعر كام علشان أكون في السيف سايد.
وأنا معاك إن العربية اللي في الصورة دي موديل 99 فما فوق لأن الاختلاف كله في الفوانيس الأمامية وشكل الرفرف اللي جنبها وشبكة العربية الأمامية فيها نسبة ميل بسيطة علشان شكل الفوانيس ، وبعض التغييرات البسيطة في توصيلات الكهرباء.
لا في مكنة ولا فتيس ولا مواصفات داخلية أو خارجية تانية وهو ده الاختلاف الوحيد ، لأني قارنتها مع موديل 2000 ولقيت نفس المواصفات هي هي وهي دي الاختلافات اللي فيها. لكن من ناحية الشكل والجنوط والبودي والحاجات التانية هي هي ، وبعدين بعد 98 ما نزلش الموديل ده لأنه اقتصادي وكان عليه طلب فوقفوا تصنيعها ونزل الموديلات الأعلى كساسية شركة علشان بيع قطع الغيار ، واستهلاك الزيت و..و..و.. وانتوا سيد العارفين شركات العربيات بتعمل إيه في الغلابة اللي زي حالتنا كده.
عموما شكرا ليكم جميعا على الردود وزيارة الموضوع وأتمنى لكم جميعا التوفيق مع عربياتكم أيا كانت
بس راي أخير من واحد مجرب الياباني والكوري والصيني والأمريكي والألماني
لا يعلى على الألماني في أي حال من الأحوال من جميع النواحي سواء قوة او رفاهية أو اقتصاد أو كل حاجة
وفي الألماني لا يعلى على البي إم برضة من كل النواحي لأني جربت الفولكس والمرسيدس والبي إم وهي اقواهم واكثرهم رفاهية وأكثرهم أمان للركاب والسائق.
وفي الياباني لا يعلى على اللكزس أيا كان موديلها من ناحية القوة والرفاهية مقارنة بأنواع الياباني الأخرى
وفي الأمريكي طبعا شركة جنرال موتورز مش مخلية حد ينافسها لا فورد ولا غيره وأقوى موديلاتها الغزال وإس إس
وفي الصيني من رأيي محدش يركبه أحسن لأنه ببساطة (صيني)
وفي الكوري جربت الهيونداي والكيا وكان معايا كيا سبورتج 4×4 2006 4 سلندر وبصراحة عربية حلوة ومريحة بس مش اقتصادية لأن 4 سلندر على البودي الكبير بتاعها بيخليها تصرف بنزين كتير زي الستة سلندر ويمكن أكتر كمان.
عموما ده رأيي وأحترم جميع الآراء الأخرى ايا كانت وهذا عن تجربة.
شاكرا لكل من ساهم في إثراء الموضوع
إضافة بسيطة
العربيات اللي كانت معايا قبل كده أو سقتها وجربتها لفترة
هوندا سيفيك 1993
هيونداي سوناتا 1992
كيا سبورتج 2006 4×4
فولكس باسات 2000
بي إم دبليو 325 1994 كوبيه سقف ثابت
كورولا 2007
كامري 1998
نيسان باثفايندر 4×4 عدة موديلات
هوندا أكوورد 2005
الصيني جربته مرة واحدة ومش فاكر اسم العربية وهي كانت 4×4
تويوتا لاند كروزر عدة موديلات 4×4
لكزس صالون و 4×4 عدة موديلات
مرسيدس عدة موديلات (الخنزيرة والشبح وفرخ الشبح و 4×4) بس مش فاكر أرقام الموديلات بالضبط
نيسان صني عدة موديلات
شيفرولية كامارو 1996
وأحلى عربية ركبتها وإن شاء الله هانزلها عندي في مصر بي إم دبليو 745 (الحوت) موديل 2006 رقم 1
ودي عربية خرافة وأتمنى الكل يجربها لأنها ببساطة تستاهل الواحد يركبها
ونفس أجرب المايباخ بس دي صعبة شوية كتير قوي