على خلفية حادثة قتل خالد بأيدي رجال الشرطة.. أرجو الإجابة على هذا السؤال

**OlaOsman** · 11-06-2010 12:35 PM

أولا عندي طلب من المشرفين، و هو إنه لو الموضوع ده مخالف رجاء قبل ما يتحذف يتبعت لي ع الخاص ينبهني لإنه مخالف قبل ما يتحذف.. و شكرا

السؤال هو: بعد اللي حصل لخالد الله يرحمه عشان اعترض على التفتيش.. ماذا لو حد منكم حد وقفه و بدأ يفتشه من غير إذن نيابة و لا يحزنون؟ هايكون رد فعلك ايه؟ هاتتفتش عادي او تسيب بيتك يتفتش عادي؟ و لا هاتعترض؟ و لا هاتطلب إذن نيابة؟ طيب و لو قاللك مافيش إذونات نيابة و ده قانون طوارئ يا حبيبي.. هاتعمل ايه؟

بجد هانعمل ايه لو حصل لحد فينا تفتيش على أساس قانون الطوارئ؟

**mmedali1978** · 11-06-2010 12:46 PM

انا عن نفسى هعترض حتى لو هموت لان الكرامه تمنها غالى وقله الكرامه تمنها رخيص وغير كده فى يوم حساب كل الناس ستقف امام الله عز وجل ولابد من التصدى لهؤلاء البلطجيه والكفره حتى لو على حساب حياتى لانى كما قلت هناك يوم حساب
وكما قال الله فى كتابه الكريم ( ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء) صدق الله العظيم

**darehawk** · 11-06-2010 12:49 PM

انا عن نفسى هعترض حتى لو هموت لان الكرامه تمنها غالى وقله الكرامه تمنها رخيص وغير كده فى يوم حساب كل الناس ستقف امام الله عز وجل ولابد من التصدى لهؤلاء البلطجيه والكفره حتى لو على حساب حياتى لانى كما قلت هناك يوم حساب
وكما قال الله فى كتابه الكريم ( ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء) صدق الله العظيم
correct

**tamertamer** · 11-06-2010 01:45 PM

بص ياباشا الاجراء السليم والسريع بسرعة اولا قانونا لا يحق لهم التفتيش او ابراز اى تحقيق شخصية الا فى وجود ممثل للسلطة التنفيزية قلى هو الظابط اولا هتطلب منهم ابراز تحقيق الشخصية المومثل فى الرتبة لان فى بعض الامنا القانون يعطى لهم الحق فى ذالك ويسما امين شرطة قائم باعمال ظباط ودول قليلين اوى وبياشر بيها الوزير بنفسة وليهم فلم تانى وعمتا بيكونو كبار فى السن امين قديم
الاجراء هتتصل بالنجدة هتقلهم فى 2 بيقولو انهم بوليس ورفضو يبرزو تحقيق الشخصية وانا مشتبهم فيهم ميكونوش بوليس هتجيلك عربية الدورية وفيها ظابط هتتكلم معاة بالحسنة وبكل احترام هيمشيك ويديهم على قفاهم وعلى فكرة موضوع الاشتباة دة اتلغاء بقالة سنة وزيادة وعلى فكرة هو ميقدرش يفتشك الا فى حالة وحدة وهى حالة التلبس فقط او انك موافق على التفتيش

**SeiffoZ** · 11-06-2010 02:13 PM

المشاركة الأصلية كتبت بواسطة tamertamer

بص ياباشا الاجراء السليم والسريع بسرعة اولا قانونا لا يحق لهم التفتيش او ابراز اى تحقيق شخصية الا فى وجود ممثل للسلطة التنفيزية قلى هو الظابط اولا هتطلب منهم ابراز تحقيق الشخصية المومثل فى الرتبة لان فى بعض الامنا القانون يعطى لهم الحق فى ذالك ويسما امين شرطة قائم باعمال ظباط ودول قليلين اوى وبياشر بيها الوزير بنفسة وليهم فلم تانى وعمتا بيكونو كبار فى السن امين قديم
الاجراء هتتصل بالنجدة هتقلهم فى 2 بيقولو انهم بوليس ورفضو يبرزو تحقيق الشخصية وانا مشتبهم فيهم ميكونوش بوليس هتجيلك عربية الدورية وفيها ظابط هتتكلم معاة بالحسنة وبكل احترام هيمشيك ويديهم على قفاهم وعلى فكرة موضوع الاشتباة دة اتلغاء بقالة سنة وزيادة وعلى فكرة هو ميقدرش يفتشك الا فى حالة وحدة وهى حالة التلبس فقط او انك موافق على التفتيش

متأكد؟؟؟ طب لو
ضابط شرطة برتبة ... ملازم مثلا ؟؟

**SeiffoZ** · 11-06-2010 02:14 PM

المشاركة الأصلية كتبت بواسطة olaosman

أولا عندي طلب من المشرفين، و هو إنه لو الموضوع ده مخالف رجاء قبل ما يتحذف يتبعت لي ع الخاص ينبهني لإنه مخالف قبل ما يتحذف.. و شكرا

السؤال هو: بعد اللي حصل لخالد الله يرحمه عشان اعترض على التفتيش.. ماذا لو حد منكم حد وقفه و بدأ يفتشه من غير إذن نيابة و لا يحزنون؟ هايكون رد فعلك ايه؟ هاتتفتش عادي او تسيب بيتك يتفتش عادي؟ و لا هاتعترض؟ و لا هاتطلب إذن نيابة؟ طيب و لو قاللك مافيش إذونات نيابة و ده قانون طوارئ يا حبيبي.. هاتعمل ايه؟

بجد هانعمل ايه لو حصل لحد فينا تفتيش على أساس قانون الطوارئ؟

مقدرش أقولك إيه إللى ممكن يحصل وقتها ...

معرفش الظروف وقتها هتخليى أتصرف إزاى ....

سؤال صعب الإجابة عليه لأن عمرى ما هعرف هتصرف إزاى إلا لو إتحطيت فى موقف زى ده فعلا

**factorialx** · 11-06-2010 02:19 PM

إنتوا لييه بتتكلموا كإن البلد فيها قانون الشرطه بكل فئاتهم فوق القانون

الحل الوحيد لو إتحطيت في موقف من دول هو إنك تتصل بعمو أو أونكل أو وات إيفير فوراااا

**Terrible_DaRsH** · 11-06-2010 02:35 PM

من يومين كنت راكب مع صاحبي و مشي عكس فى شارع ضيق لاقيت واحد بيقوله رخصك و لابس ترينج وواقف قدام العربية مش عايز يتجرك

نزلت له و قلت له هات كرنيهك قالى مش مصدق ؟؟ قلت له بشكلك ده مش مصدق بصراحة , راح مطلع لى كارنيه معفن جدا و قديم اووووى و ممسوح فيه كل الكلام و مرضاش يوريهولى من قريب يعنى يعتبر طلع لى ورقة بيضاء فى وقتها كان واحد برضه ماشي عكس بس شكله كان حكومة فطبعا الواد خاف يبص له حتى فقلت له هما يمشوا عكس عادى و احنا لا ؟؟ قالى اه هو كده . قلت لصاحبي ارجع بظهرك و امشي و ركبت مشينا .

لو كانت عربيتى كنت شيلته فى وقتها .

**maybe** · 11-06-2010 02:38 PM

المشاركة الأصلية كتبت بواسطة olaosman

ماذا لو حد منكم حد وقفه و بدأ يفتشه من غير إذن نيابة و لا يحزنون؟
هايكون رد فعلك ايه؟
هاتتفتش عادي او تسيب بيتك يتفتش عادي؟
و لا هاتعترض؟ و لا هاتطلب إذن نيابة؟
طيب و لو قاللك مافيش إذونات نيابة و ده قانون طوارئ يا حبيبي.. هاتعمل ايه؟

بجد هانعمل ايه لو حصل لحد فينا تفتيش على أساس قانون الطوارئ؟

أنتم فاكرين إن المشكلة في قانون الطوارئ . الموضوع في مصر مش محتاج قانون طوارئ
قلة الادب والتبجح والطغيان والظلم لم يعد له حدود
يعني لما ظابط مرور يصر إنه يعملك مخالفة كسر إشارة مع انه ما فيش اشارة اصلا علشان أكسرها ، وغيره من الامثلة التي يساء فيها استغلال السلطة.

للإجابة على سؤال حضرتك هيكون بسؤال آخر ومنه نفهم الاجابة : لو أن بلطجية ومسجلين خطر قد طلبوا منك في عز النهار نفس الطلب ؟ ماذا ستفعل ... أعتقد إن الاجابة معروفة ولا يوجد فرق بين الحالتين بل الحالة الاولي أسخم وأضل سبيل لأنها تحت ستار القانون.

أرحمنا يا رب برحمتك