الحمد لله عملت صيانة الألف من يومين لعربيتى الساجا

**Mohtofy** · 11-06-2010 12:55 PM

رحت يوم الثلاثاء عملت صيانة 1000 فى فرع العجوزة مركز كويس وناس محترمه كان عندى شوية مشاكل بسيطة زى الفتيس كان تقيل شوية فى النقلات (مانيوال ) وكان الكلاكس الشمال فى الدريكسيون تقيل أوى المهم المهندس اللى هناك أخد العربية وركبت معه عشان يجربها ويكتب ملاحظاته .

وبعدين قعدت فى الإستراحة قابلت هناك أستاذ أحمد هو زميل لنا فى المنتدى ومكناش نعرف بعض بس هو شخص محترم جدا" كلمنى وعرفنى بنفسه وسألنى عن العربية وعاملة أية وموضوع إستهلاك البنزين العالى مضيقة جدا" وكان بيعمل صيانة 1000 هو كمان وبعدين حان وقت رحيل أ/ أحمد قالوله أن فيه مشكلة عنده فى زيت الباور ولازم يروح المركز الرئيسى فى أبو رواش ومشى أ. أحمد وانا أستنيت شوية لحد ماخلصوا العربية وكانت النتيجة
- تم رجلاش بدال الدبرياج - فعلا" الفتيس بقى سلس شوية وأحسن من الأول
- تم عمل الصيانة (تغيير زيت وفلتر زيت )
- تم ضبط طارة الدريكسيون الجزء الخاص بالكلاكس - فعلا" الكلاكس بقى جميل جدا"
- السيارة تحتاج إلى زرار مفتاح زجاج أمامى شمال لأنه بيغلق وتقيل فى الحركة مع إنى ملاحظتش الموضوع ده بس هما أدرى ( وكان مش متوفر عندهم والمهندس قالى لما يجى هنتصل بيك عشان تغيره )
وكانت التكلفة الإجمالية للصيانة 177 جنية مصرى
ملحوظه:
كان عندى كفر المرايه اليمين عندى مكسور نتيجة خبطة كده الحمد لله عليها (الجزء المثلث الأسود اللى بيثبت المرايه فى باب العربية) المهندس اللى هناك قالى لازم تغير المرايه كلها مش هينفع تغير الكفر فقط وكمان مش عارف ثمنه المرايه ومش موجوده عندهم لازم أروح لأبورواش فمش عارف أعمل أيه هل ألصق الكفر فى مكانه فى الباب ومش هيبان إنه ملصوق ولا أغير المرايه ولو غيرت المرايه لازم أجيب الأثنين مع بعض (يمين وشمال ) ولا ممكن أشترى اليمين فقط. ياريت حد يفدنى فى الموضوع ده .
تحياتى للجميع

**dr_awaw** · 11-06-2010 02:04 PM

طب الحمد لله يافندم وربنا يباركلك فيها
الحقيقه معرفش اجابه لاسئلتك
وان شاء الله أسود بروتون هيدخلو يفيدوك

**Raul_7** · 11-06-2010 03:09 PM

ألف مبروك الصيانة وعقبال ال 100,000 إن شاء الله.

بالنسبة لسؤالك عالمراية, أكيد ممكن تغير واحدة بس أكيد مش هتبقى رخيصة.

أنا شايف إن لو الموضوع مش مستاهل يبقى تسيبها.

**mido_soliman** · 11-06-2010 05:09 PM

المشاركة الأصلية كتبت بواسطة raul_7

ألف مبروك الصيانة وعقبال ال 100,000 إن شاء الله.

بالنسبة لسؤالك عالمراية, أكيد ممكن تغير واحدة بس أكيد مش هتبقى رخيصة.

أنا شايف إن لو الموضوع مش مستاهل يبقى تسيبها.

+1111 مليون مبروك يباشا على الصيانة وعقبال صيانة ال مليووووووووووون

**mo7hamedemad** · 11-06-2010 08:37 PM

مبروك ياباشا ع الصيانة

**afr80** · 11-06-2010 08:52 PM

ألف مبروك الصيانة وعقبال ال 100,000 إن شاء الله

**Mohtofy** · 11-06-2010 09:37 PM

الله يبارك فيكم جميعا" وألف شكر

**powerofhelll** · 12-06-2010 05:07 AM

الف مبروك علي الصيانه و بالنسبه للمرايه مش شغاله خلاص ايه لزمته التغير الزقها و كبر دماغك

**Mohtofy** · 12-06-2010 12:57 PM

المشاركة الأصلية كتبت بواسطة powerofhelll

الف مبروك علي الصيانه و بالنسبه للمرايه مش شغاله خلاص ايه لزمته التغير الزقها و كبر دماغك

الله يبارك فيك ياباشا ... هى فعلا" شغاله وزى الفل بس حل اللصق ده هسيبه أخر الحلول عشان أنا خايف أن المادة اللاصقة متطلعش بعد كده والجزء بتاع المرايه يبوظ.

**asoliman123** · 13-06-2010 01:22 PM

ربنا يخليك يا جميل ده حضرتك اللي ذوق وانسان جميل والله

الموضوع: الحمد لله عملت صيانة الألف من يومين لعربيتى الساجا

LinkBack

أدوات الموضوع

عرض

الحمد لله عملت صيانة الألف من يومين لعربيتى الساجا - انشر الموضوع فى :

-

-

-

-

المواضيع المتشابهه

عملت صيانة الألف والحمد لله علي قد كده

هذا ما حدث فى صيانة الــ 5000 لعربيتى الساجا

عملت صيانة الألف للـ b15

عملت صيانة الألف

عملت صيانة الألف للسيفك

الكلمات الدلالية لهذا الموضوع

المفضلات

المفضلات

ضوابط المشاركة