انا لاحظت انه فى اجماع على ان استهلاك عالبنزين فى السيراتو و الكارينز عالى جدا و الكلام ده سمعته من كذا واحد اعرفه عندهم كارينز و سيراتو اوتوماتيك وان الاستهلاك من 160- 175 كم فى ال20 لتر و التكييف مش شغال كك الوقت او اقل
ايه تفسير الكلام ده و سببه لان لو ده الطبيعى يبقى معدل وحش جدا لسياره حديثه و موتورها متطور و لسه بخيره!!
انا معايا سيراتو 2010 اوتوماتيك
إستهلاك البنزين من غير تكييف ... 20 لتر يعملوا 200 كيلو مع قيادة متوسطة ( مش هادية اوى و مش عنيفة) و ده ثابت من ساعة ما إشتريت العربية
انا لسه محسبتش بالظبط الإستهلام مع التكييف لكن أعتقد ان 20 لتر ممكن يعملوا 195 كيلو .. بس هبقى أتأكد
uppppppppppppppp
المانيوال من غير تكييف 7 لتر لكل 100 كم بشرط القياده الصحيحه والظروف الصحيجه من كاوتش وحموله وخلافه
بالنسبة للسيراتو أظن الموضوع ده ممكن يفيد
http://www.nilemotors.net/Nile/148711-a.html
اقتباس:
المشاركة الأصلية كتبت بواسطة m_s_h_a
+111111111111111
صح الصح
قياده هادئه 90 او 100كم\ساعه و ال rpm2500 و معدل الاستهلاك اللحظى بيبقى من 5 لتر الى 7 لتر فى ال 100 كم
و خلى بالكوا التفويله لحد اول تكه فقط للمحافظه على العربيه.
يعنى 20 لتر تعمل 250 بالتكيف طريق سفر طوالى
300 الى 330 من غير تكيف طريق سفر طوالى و الاتنين قياده هاده تماما.
20 لتر تعمل220 كم مع القرص الجامد داخل المدينه
20 لتر تعمل 180 الى 220 بالكتير اوى او اقل كمان لما السرعه من 150 الى 200 و قرص غبى افترى اخر حاجه بالستب ترونيك طريق سفر .
خلى بالكوا اللى يكتب و يشارك لازم يكتب مقاس الجنط و عامله معاه كام كم و بيعمل الصيانه الدوريه و الا لا و يكون عامل نفس التجربه و القياسات فى نفس الظروف و ممون من نفس البنزينه و تكون نظيف و مشيك على ضغط الكاوتش ,و حالة العربيه كويسه .و نوع البنزين و من اى بنزينه.
17\45\215 8000كم خليجى ن صيانه دوريه ال 1000 كم و 5000كم بمون من بنزينه شل 97% من الوقت علشان نظيفه و بمون على طول بنزين 92.(مره جربت ال 95 كان فى الشد ملوش حل انا حسيت انه فارق عن ال 92 ,بس بصراحه ميستهلش الفرق فى الفلوس كتير حرام).ال 92 كفايه اوى مخلى العربيه تمام التمام.
بصراحه يا جماعه لو عايز توفر بنزين امشى هادى
و لو عايز تشد و تجرى العربيه مش هتقول لا بس هتاكل بنزين جامد زى اى عربيه تانيه
و خلى بالكوا اى عربيه جديده فى اول 5000 كم بيكون استهلاك البنزين عالى ,و بعد كده بيقل
و عموما استهلاك البنزين على حسب رجلك على الدواسه و مؤشر الاستهلاك اللحظى.
و ربنا يوفق الجميع, و ارجو انى اكون افدت الاعضاء الكرام اللى ياما استفدت منهم
و السلام ختام
الكلام دة مش مضبوط انا معايا كارينز وكيل اتوماتيك قبل التليين كانت بتعمل معايا 9 كيلو فى اللتر بدون تكييف بس بعد التليين والسفر وفتح الماتور بقت تعمل معايا حوالى 11 كيلو بالتكييف وبتزيد فى السفر