السلام عليكم
فيه مركز صيانه معتمد من اوماترا اسمه الاقصي في المعادي ياتري حد جربه؟
علشان عاوز اعمل صيانه 20000 لعربيتي البونتو كلاسيك هناك علشان زهقت من مركز جسر السويس
وشكرا
عرض للطباعة
السلام عليكم
فيه مركز صيانه معتمد من اوماترا اسمه الاقصي في المعادي ياتري حد جربه؟
علشان عاوز اعمل صيانه 20000 لعربيتي البونتو كلاسيك هناك علشان زهقت من مركز جسر السويس
وشكرا
انا بفضل جسر السويس بصراحة!!!
بص انا بصراحة متعملتش معاهم بس انا اعرف ان اكبر شركة ضمانات للعربيات الخليجى فى مصر ماضيه معاهم عقد ولو مش مصدق الشركة امها (امان الشرق) اتصل بيهم على فكرة دى شركة شغال فيه شوية ناس very very gentl menلو سألتهم هيقولولك بجد
هو اللى انا فاكرة انهم جامدين فى الاسكودا والفيات على حد علمى
بص انا لسه شايفهم اعلااان على قناة اوتو موتو ومصورين المركز وكده ومدير المركز بيكلم وكده ... هما شاغلين في فيات اسكودا هيونداي ... بس جسر السويس افضل طبعا
ليه بتقول ان جسر السويس احسن انت جربت الأقصي اساسا علشان تقول كده
المركز كويس جدا بس اتأكد من بنود و اسعار الصيانة عندهم زى جسر السويس قبل ما تروح عندهم
في صيانة العشرين ألف
كانوا هيغيروا بوجيهات (المفروض في ال ٣٠)
تغير زيت الفرامل بالكامل (المفروض في ال ٦٠ ألف أو كل سنتين)
تغير ماء الرادرياتير -مش تزويد- (المفروض كل سنه)
تغير فلتر تربو -بيقولوا غير فلتر الهواء وفلتر الزيت- (مفيش حاجة إسمها كده في العربيه أصلا!!!)
السلام عليكم
لو تسمحوا لي اقولكم حكايتي مع مركز الصيانه جسر السويس
انا معايا بونتو كلاسيك 2009 طبعا اشتريتها زيرو وبعد حوالي 400 كيلو سمعت صوت من تيل الفرامل روحت المركز في جسر السويس وتركت لهم العربيه من 11 صباحا واستلمتها 5 مساء وراح الصوت ولكن رجع تاني
بعد كام يوم وتكررت العمليه دي ولما زهقت نسيت الموضوع ولكن عند 13000 زاد الصوت اوي روحت لهم وتركت السياره واخر اليوم قالوا انهم غيروا التيل والطنابير وفعلا راح الصوت -- ولما روحت اعمل صيانه 20000 قالولي التكلفه حوالي 700 جنيه لكن المفاجاه انهم قالا لازم اغير التيل تاني( يعني بعد ما مشيت بيه 7000 كيلو بس )
والمصيبه انهم خرطوا الطنابير كمان وطلبوا مبلغ 1275 جنيه طبعا ده معناه انهم ضحكوا عليا يا في المره الاولي او في المره التانيه وبعدين معقوله صيانه بونتو كلاسيك 20000 تكلف 1275 جنيه؟
عموما انا خلاص موش رايح لهم تاني وموش عاوز ضمان لانهم اصلا مافيش ضمان كل حاجه يقولوا دي خارج الضماوعلي فكره لقيت مركز متخصص في الفيات الناس بتشكر فيه جدا واسعاره معقوله اللي عاوز عنوانه يبعتلي رساله
وشكرا واسف اذا كنت طولت عليكم