مبروك يا زاواوي عربيتك خلصت

سلام عليكم
طبعا فاكرين يوم زيارتنا لمركز تكنو وان واللي يومها اتخبطت عربية زواوي خبطة
بصراحة هيا مش خبطة
هيا حادثة
هو كلمني عشان كان زعلان من المبلغ اللي كان مهندس احمد الشحات عايز يدفعهوله حوالي 9 الالاف جنية
وقولتلة كتير طيب اروح اشوف العربية
خلصت شغلي امس وروحت على تكنو وان
الخبطة ان محمد دخل في رصيف بسرعتة على سرعة 80 تقريبا
العفشة من تحت الجزء اليمين اتدمر
فردة الشاسية مش اتعوجت
دي وصلت لغاية جنزير الكاتينة
كوبلن راح في داهية
المقص اتعصر
علبة الدركسيون باظت
الاكصدام اتكسر
علبة الراداتير اتكسرت
والفانوس اليمين اتكسر
ومن عنف الخبطة الاتنين ايرباج اتفتحوا
بجد ماكنتش متخيل الا لما شوفت
والشغل في عربية 2010 اكيد يشتغل فيها صنايعي بياخد قد كدة في اليوم
اكيد الصنايعي اللي بياخد 10 قروش مش اللي بياخد قرشين
المهم العربية اتلمت باقل التكاليف
ومهندس احمد وفر على احمد 3 حاجات مهمة كانوا ممكن يغرموة كتير قوي
علبة دركسيون ب 5 الالاف جنية صلحهالة ب 300 جنية تقريبا
كوبلن ظبطهولة وصحهولة ب 100 جنية بدل مايغير ب 2000 جنية
وعلبة الرداتير كان هايدبس في رداتير استيراد خد علبة من حادثة تانية توتال لوس
العربية زي الفل ما شاء الله
فاضل انت بس يا محمود تستلمها النهاردة
وتشوف حل في موضوع الاير باج اللي مبوظ شكل التابلوة
وكلمتلك مهندس احمد شالك ضريبة المبيعات عشان تقل التكلفة وخليتوه يقفلهالك الف كاملة من الحساب
وطبعا معاك 3 شهور ضمان على الاصلاح
وابقي خد بالك بقي

يانهار ابيض :120146b دا الموضوع كبير اوى انا مكنتش متخيل كدا خالص .. الحمد لله على سلامتك يا زواوى وان شاء الله العربية تكون رجعت زى الاول واحسن كمان وشكرا يا استاذ كريم على الاهتمام الجامد دا بالاعضاء وربنا يخليك لينا

مبروك يازواوى والحمد لله على كل شئ

فداك يامعلم

الف سلامة عليك يا زاواوي ... قدر الله وماشاء فعل
المهم انك بألف خير .. فداك 1000 عربية
شكرا للاستاذ كريم على الاهتمام

معلش يا زواوى الحمد لله على كل شىء
مبروك على التصليح وإن شاءالله ترجع زى الاول
الحمد لله على سلامتك أولا و أخيراً

انا عرفت اللى حصل منه وهو حتى بيحكيلى مكنتش متخيل كل الخساير ديه على رصيف
لكن قدر الله وما شاء فعل الحمد لله على كل حال

اقتباس:

---

المشاركة الأصلية كتبت بواسطة mshawky

انا عرفت اللى حصل منه وهو حتى بيحكيلى مكنتش متخيل كل الخساير ديه على رصيف
لكن قدر الله وما شاء فعل الحمد لله على كل حال

---

متستقلش يا باشا بالرصيف دا ياما دمر عربيات .. دا انا من اسبوعين كدا كنت هتقلب انا وصاحبى بعربيته الصنى بسبب الرصيف والعربية اتخرشمت خالص بس الايرباج مفتحش .. الحمد لله على كل شئ وربنا يبعدنا عن الرصيف دا

اقتباس:

---

المشاركة الأصلية كتبت بواسطة yasserelsayad

متستقلش يا باشا بالرصيف دا ياما دمر عربيات .. دا انا من اسبوعين كدا كنت هتقلب انا وصاحبى بعربيته الصنى بسبب الرصيف والعربية اتخرشمت خالص بس الايرباج مفتحش .. الحمد لله على كل شئ وربنا يبعدنا عن الرصيف دا

---

دا على فكره حوادث الرصيف دى ألعن ميه مرة من الحوادث العاديه
حتى فى التكلفه العفشه كلها بتدمر وأجزائها غاليه جدا بالمقارنه بالسمكره والدوكو والاستعدال فى الحوادث العاديه
يعنى العربيه سرعتها بتنزل من سرعه عاليه جدا للسكون فى لحظات
الطاقه المهوله دى عايزلها حاجه تمتصها ومفيش غير نظام العفشه كامل الى يشيل الصدمه دى فى حاله حوادث الرصيف دى
ربنا ميورى حدا أبدا :ask:

أه فعلا حادثة الرصيف مش قليلة خالص

عالعموم الحمد لله على سلامتك يا بيه

و ماتزعلش المهم كل حاجة اتزبطت

تحياتي ..

حمدالله على سلامتك يا زاواوى والحمدالله جت على كدة
وبخصوص الايرباج ما تشلش همههم خاااالص دول ب 200 300 جنية بيتقفلو و بيبقوا زى الفل بس مش بيشتغلوا تانى
اهم حاجة بس ما تحطهاش فى الشمس عشان مكان الايرباج فى التبلوة ما يوسعش ولو وسع مع التقفيل بعد كدة هيبان ولو عايز تعملوا انا ممكن اظبطك فى الموضوع دة

قدر الله وماشاء فعل ,,,والحمدلله انه محصلوش حاجه,,,
والف مبروك يا استاذ زواوى على التصليح ...

الف سلامة ليك و للعربية ..........والحمد لله علي كل شئ :fun_36_3_4[1]:

حمدا لله على السلامه عليك يا زواوى باشا ...
ان شاء الله العربيه تبقى تمام ..

ألف مبرووووك التصليح يا زواوي

وفداك يا معلم أي حاجة

الف مبروك يا صاحبى انا كان نفسى اكون معاك وانتا بتستلم بس انا فى بورسعيد بس الحمد لله على ما ابتلاك بيه سواء خير او شر
يا جماعة انا شاهد من اهلها انا كنت مع حودة بعد الحادث مباشرة وكنت هستلمها معاه بس كنت لازم اسافر و ربنا يحرصهالك يا زواوى وخدها نصيحة من اخوك الكبير فى التأنى السلامة وفى العجلة الندامة

قدر الله ماشاء فعل
فداك 100000 عربية المهم انت سليم

ياباشا فى داهية الحديد كلة المهم سلامتك انت:satelite:

وقدر اللة وماشاء فعل

زواوى باشا قلبى معاك وربنا يعوضك خير وللى يجى فى الريش بقشيش واهم حاجة انت بخير وفداك اى شىء:satelite:وشكر للاستاذ /كريم وربنا يجعلة فى ميزان حسناتةوربنايقدر ة على مساعدة الاخوة اعضاء نايل موتورز

الف سلامه و ربنا يقويك
انا عارف وجع القلب بتاع الحوادث المهم انت سليم و بخير و فداك 100000000000000000000000 عربيه ,و متزعلش نفسك المهم تاخد بالك بعد كده.
و بشكر المنتدى و استاذ كريم على الوقفه الرجوله اللى وقفهه معاك و يا بخت المنتدى بيه.
و عاوز اقولك ان فى واحد صحبى دفع 7000 جنيه لتصليح عربيته حادثه بردو بس هبله اوى (غير الاكصدام و الصدر و فانوسين الشبوره فقط فى التوكيل ؟؟؟؟؟ انا هنصحه بتكنو ون طبعا ده لوعرف اللى حصل معاك مش هيفكر يصلح فى التوكيل تانى صيانه فقط)

و السلام ختام

يا نهار أبيض !
إنت لم حكتلي يا زواوي أنا مكنتش متخيل إن الموضوع أوي كدا ! الحمدلله إن إنت كويس
والحمدلله التصليح خلص و إن شاء الله تكون أحسن من الأول.. و أنا من رأيي السعر دة ما شاء الله كويس أوي، و كان ممكن يبقى حوالي تلات أضعاف فالتوكيل ..


حمدلله على سلامتك

استاذ \كريم منير
مش عارف اقولك ايه
بصراحه الشكر والتقدير والعرفان بي الجميل لا يوفيك حقك
الحمد لله انك موجود في حياتنا والحمد لله علي نايل موتورز

اكتر منتدى لقيت فيه ناس محترمه

ربنا يجازيكم خير عن كل المسلمين والناس اللى وقفتو جنبهم وسعيتوا لحوائجهم

مبروك يا زواوى باشا ،قدر ولطف والحمد لله على سلامتك
وتحية تقدير واحترام للمنسق العام أ/ كريم منير على ما يبذله من جهد وتفان فى خدمة الأعضاء.

الف مبروك يازواوى التصليح وفداك اى حاجة المهم انك بخير يامعلم :)

وكل الشكر للأستاذ كريم على مساعدته ووقفته جنبنا :))

هو زواوي مردش على الموضوع ده واختفى في ظروف غامضة ...
تلاقيه عمال بيكتب تقرير وافي شافي كافي او زعلان ان كريم حرقلو الموضوع . حمدلله على سلامتك يا زواوي

ألف سلامه عليك يا زواوي

وفداك مليون عربيه

والي يجي في الحديد مش مهم

الشكر لله واحنا كلنا بنحاول نفيد بعض
زواوي بعد ما استلم العربية امبارح وكان بيعمل بيها شوية مشاوير تقريبا حصل تسريب في دورة الباور ستيرنج والزيت اتسرب منه في الارض
والمفروض هايودي العربية تاني للمركز
طبعا وارد جدا جدا بعد اي حادثة انه يحصل اجات زي دي
وكانت نصيحتي ليه انه مايعملش بيها مشاوير طويلة ولا سفر لان اي حادثة وخاصة في العفشة بيكون في حاجات اتخبطت وماظهرتش(وتبدء تسمع بعد كدة) مع المشيوواضح ان كان في خرطوم بتاع الزيت عمل تسريب
انا قولتلة يركن العربية للصبح ويحط فيها زيت بارو تاني ويوديها للمركز تاني لان الحاجات دي واردة جدا بعد اي حادثة
ومهندس احمد الشحات مديلة ضمان 3 شهور على التصليح بالكامل
بحاول اكلم محمود بس شكله مشغول بالامتحانت ومش فاضي للعربية

اقتباس:

---

المشاركة الأصلية كتبت بواسطة karim_monir

الشكر لله واحنا كلنا بنحاول نفيد بعض
زواوي بعد ما استلم العربية امبارح وكان بيعمل بيها شوية مشاوير تقريبا حصل تسريب في دورة الباور ستيرنج والزيت اتسرب منه في الارض
والمفروض هايودي العربية تاني للمركز
طبعا وارد جدا جدا بعد اي حادثة انه يحصل اجات زي دي
وكانت نصيحتي ليه انه مايعملش بيها مشاوير طويلة ولا سفر لان اي حادثة وخاصة في العفشة بيكون في حاجات اتخبطت وماظهرتش(وتبدء تسمع بعد كدة) مع المشيوواضح ان كان في خرطوم بتاع الزيت عمل تسريب
انا قولتلة يركن العربية للصبح ويحط فيها زيت بارو تاني ويوديها للمركز تاني لان الحاجات دي واردة جدا بعد اي حادثة
ومهندس احمد الشحات مديلة ضمان 3 شهور على التصليح بالكامل
بحاول اكلم محمود بس شكله مشغول بالامتحانت ومش فاضي للعربية

---

معلش طبيعى يحصل حاجات زى كده فعلا
وكويس أن فى ضمان 3 شهور
ربنا يكون فى عونه الحقيقه لأن فعلا التوقيت دا وحش أوى

مبروك يا زواوي, المهم سلامتك انت.

كلمني زواوي ومهندس احمد الشحات راح لة امبارح واخد العربية على ونش ورجع بيها على المركز
والمشكلة كانت بسيطة جدا تسريب في خرطوم زيت الباور واتعملت خلاص
والعربية هاتفضل مع مهندس احمد لغاية يوم الاتنين تحت التجربة الشخصية منه وبعد كدة محمود يقدر يستلمها

اقتباس:

---

المشاركة الأصلية كتبت بواسطة mshawky

اكتر منتدى لقيت فيه ناس محترمه

ربنا يجازيكم خير عن كل المسلمين والناس اللى وقفتو جنبهم وسعيتوا لحوائجهم

---

أود ان أوأكد علي هذا الكلام وأشكر الموقع الجميل وكذا أعضاء (كيداههههههم) و أن شاء الله سوف اطلق عليهم مجموعة (عجباههههههم) لان السيارة فعلا تعجب الباشا .
نرجع بقي للمهم و هو كيف ان اعجابي زاد بهؤلاء الرجال مع اختلاف الاعمار سواء شباب او رجال من كام يوم دخلت الي موقعكم المميز لاشرح حالتي وحيرتي عن سيارتين (جيب_تريوس) ومع ان السادة اعضاء (عجباههههههم) ليسو من ملاك لا هذه ولا تلك الا انهم وبسرعة اشتركو معي في النصح والارشاد بكل اخوة و ما تحملة الكلمة من معاني ولهم مني في ذلك كل تقدير و اليوم زاد تقديري و اعجابي بهؤلاء الرجال الجدعان اوي اوي فلقد اشترك معنا في الدردشة الاخ ابو ليلي يومها في حين انة كان يعاني من مشكلة سيارتة المعروفة لنا جميعا و لم تمنعة همومه في ان يرشد و ينصح صديق الموقع الجديد كذالك الأن اكتشفت ان الاخ زواوي كان هو الاخر رغم مشاركتة لي في الحوار الا انة من الواضح انة كان في هم هو الاخر
مما سبق دل ذلك علي معدن اصيل لكل اعضاء الموقع فهنيئا لنا جمعيا والف شكر لقائد المسيرة الاستاذ كريم
اما عن موضوعي في الاختيار فلقد فاجئني الاستاذ (احمد سامي) بمقترح يحتاج التفكير لذا لزم تسليم الفكرة لصاحب الامر لله رب العالمين فصليت امس استخارة وأجلت اي قرار عسي ان يوفقني الله في اختيار الاصلح
لكم مني جميعا كل تحية و يارب دائما في تماسك وتواد ورحمة
لن اقول صديقكم الجديد بل سأقول بكل فخر أخوكم الاصغر
(حاتم السباعي)

ألف مبرووووك التصليح يا زواوى

وفداك أى حاجه يا معلم المهم أنك سليم وبخير.

حمد الله على سلامتك يا زواوي
فداك يابشا المهم انك بخيير

اقتباس:

---

المشاركة الأصلية كتبت بواسطة hagan

مما سبق دل ذلك علي معدن اصيل لكل اعضاء الموقع فهنيئا لنا جمعيا والف شكر لقائد المسيرة الاستاذ كريم

لكم مني جميعا كل تحية و يارب دائما في تماسك وتواد ورحمة
لن اقول صديقكم الجديد بل سأقول بكل فخر أخوكم الاصغر
(حاتم السباعي)

---

اهلا وسهلا اتاذ حاتم ومنور المنتدى

اقتباس:

---

المشاركة الأصلية كتبت بواسطة karim_monir

كلمني زواوي ومهندس احمد الشحات راح لة امبارح واخد العربية على ونش ورجع بيها على المركز
والمشكلة كانت بسيطة جدا تسريب في خرطوم زيت الباور واتعملت خلاص
والعربية هاتفضل مع مهندس احمد لغاية يوم الاتنين تحت التجربة الشخصية منه وبعد كدة محمود يقدر يستلمها

---

ربنا يخليك للمنتدى يا باشمهندس كريم ،

ونا سعيد بوجودي في وسط ناس محترمة زيك و ذي بقية أعضاء المنتدى الفاضلين

فداك يا زواوى ... قدر الله وماشاء فعل - الحمد لله انك بخير

وان شاء الله العربية ترجع زى الاول ....

شكرا يا كيموعلى تعبك

حمدالله على سلامتك قبل اى حاجة
ومبروك انتهاء صينة العربية
ان شاء الله ترجع زى الاول

حمدا لله على سلامتك وربنا يجعله في ميزان حسناتك باذن الله

استاذ كريم بصراحة انت عامل واجب جامد وربنا يجعلة فى ميزان حسناتك ومش عارفين من غيرك كنا عملنا اية
استاذ زواوى مبروك الاول على سلامتك ومبروك على تصليح العربية