معاً ضد سواقين الميكروباص

**m10_10** · 13-02-2008 05:29 PM

ياجماعه بجد لازم نعمل حاجه ضد غباء السواقين في مصر وخصوصا سواقين الميكروباصات...

انا واحد ساكن في ٦ اكتوبر وبمشي عالمحور يوميا وبعاني من استهبال وغباء سواقين الميكروباصات...

اكيد مش عالمحور بس واكيد كل واحد فينا بيعاني من كمية الجهل اللي وصلت للسواقه في مصر...

انا مرة العربيه عطلت وروحت الشغل بالميكروباص.. ولا تتخيلو حرقه الاعصاب والرعب اللي كنت فيه ... مش عايز احكي عشان الموضوع دة مش عامله عشان احكي انا عامله عشان نشوف حل بجد...

ماهو اصل الواحد لو قعد يحكي هانبقي عاملين زي البرامج اللي في التلفزيون وعماله ترغي والواحد مابينبهوش غير حرقة الدم...

ايه مقترحاتكو ياجماعه عشان نلاقي حل نوقف العالم دول عند حدهم...

طبعا مش سواقين الميكروباصات - وان كانو هم الاكثرية - بس اي سواق واضح انه كفته...

**أبو عبدالله** · 13-02-2008 05:37 PM

للأسف ملهومش حل لأن دي ثقافة ناس وطول النهار قاعدين في الشارع وبيتعاملو مع طوب الأرض

عاوز تغير ثقافاتهم بيبقى حسن مستوى المعيشة للناس وثقافاتهم علشان دي مشكلتنا مع بعض

**m10_10** · 13-02-2008 05:39 PM

ليه اول رد يبقي كدة يابو عبدالله...

مفيش امل ولا ايه ؟؟

**وائل السويفي** · 13-02-2008 05:47 PM

مظبوط كلامك يا أبو عبد الله
ومع الاسف بالنسبة للميكروباصات بالذات ، بقت وسيلة أساسية في المواصلات اهم من الاتوبيس والتاكسي وفي بعض الاحيان المترو والكلام دا طبعا للفئة العظمى من الشعب

وفي نفس الوقت في اماكن كتير جدا لا تصلها ايدي المرور وهنا بقت اكبر مشكلة : السواق صغير والعربية ناقصة عربية والناس مضطرة تركب ...!!!!

واللي زود الطين بلة ان أمناء الشرطة نفسهم مشغلين ميكروباصات لحسابهم

يعني هاتقول لمين؟؟؟؟؟؟؟
لنا الله

**badblood** · 14-02-2008 02:41 AM

دول بقى حلال فيهم ضرب الصرم

**badblood** · 14-02-2008 02:44 AM

لا اخلاق ولا احترام وكلهم برشمجيه وصيع
العيب على يايبهم يرطعوا كده
ده كان من الاول لو اتاكل قلم كان مشي عدل
بس نقول لمين (بعد ما شاب ودوا الكتاب)
.............................................
وبعدين احنا العرب كله رغي في رغي ولا بنتقدم خطوة واحدة قدام
الناس طلعت القمر واحنا مش عارفين نركب اشاره مرور

**MoToRiZeR** · 14-02-2008 02:50 AM

و سواقين التاكسي في اي حتة جوة القاهرة .. سواقتهم ما يعلم بيها الا ربنا

و اكيد فيه حل يا جماعة انا بشوف كمية كسرات و غرز و ووقوف في نص الشارع بيبقي هاين عليا انزل اموتهم

**major_memo** · 14-02-2008 09:35 AM

مين قال مفيش حل يا جماعة لا في تكون حاطت شومة حلوة كدة في شنطة عربيتك والي يستهبل حضن علية وخلية يركن وانزلة بالشومة شوية شوية هتلاقيهم بيقلوا في مصر

**Ghamrawy** · 14-02-2008 12:07 PM

مين قال مفيش حل يا جماعة لا في تكون حاطت شومة حلوة كدة في شنطة عربيتك والي يستهبل حضن علية وخلية يركن وانزلة بالشومة شوية شوية هتلاقيهم بيقلوا في مصر...........زى الدبان و مضرب الدبان :))

**SEATLOVER** · 14-02-2008 10:14 PM

هو ممكن يكون فى حل ...
لو لاحظنا اغلب سواقين الاجرة هما شاغلين على العربيات دى و مش بتاعتهم و بالتالى دة بيكون سبب كافى لتهورهم و عدم اهتمامهم مهما ارص على العربية و جاب اخرها على حساب اللى حوالية ...

ممكن يتكتب رقم موبايل مالك السيارة على العربية لو فى حالة الشكوى من سير العربية الاجرة
(فى حالة وجود اى شكوى من قيادة السائق يرجى الاتصال برقم .............)

و بالتالى السواق هايخاف على اكل عيشة و هايمشى فى السليم عشان لو كترت الشكوى علية صاحب العربية هايخاف على عربيتة و هايغيرة

ودة معمول فعلاً فى ميكروبسات الشركات المحترمة ...فياريت يكون الزامى من المرور كمان

الموضوع: معاً ضد سواقين الميكروباص

LinkBack

أدوات الموضوع

عرض

-

-

-

-

-

-

المواضيع المتشابهه

سواقين مش عارفين قيمة العربيات إلى معاهم (سواقين الميكروباص فى الفلاحين)

شعراء المطريه ( سواقين الميكروباص والتوك توك)

مشاكل سواقين الميكروباص لا تنتهى

ربنا ياخد سواقين الميكروباص

سواقين الميكروباص

الكلمات الدلالية لهذا الموضوع

المفضلات

المفضلات

ضوابط المشاركة