معاً ضد سواقين الميكروباص

**analyzer** · 14-02-2008 10:38 PM

المشاركة الأصلية كتبت بواسطة seatlover

هو ممكن يكون فى حل ...
لو لاحظنا اغلب سواقين الاجرة هما شاغلين على العربيات دى و مش بتاعتهم و بالتالى دة بيكون سبب كافى لتهورهم و عدم اهتمامهم مهما ارص على العربية و جاب اخرها على حساب اللى حوالية ...

ممكن يتكتب رقم موبايل مالك السيارة على العربية لو فى حالة الشكوى من سير العربية الاجرة
(فى حالة وجود اى شكوى من قيادة السائق يرجى الاتصال برقم .............)

و بالتالى السواق هايخاف على اكل عيشة و هايمشى فى السليم عشان لو كترت الشكوى علية صاحب العربية هايخاف على عربيتة و هايغيرة

ودة معمول فعلاً فى ميكروبسات الشركات المحترمة ...فياريت يكون الزامى من المرور كمان

فكرة جميله ومنطقيه
بس لما يبقى كل السواقين كدا واصحاب العربيات يطردوهم مين هيسوق ؟

**SEATLOVER** · 14-02-2008 10:58 PM

المشاركة الأصلية كتبت بواسطة analyzer

فكرة جميله ومنطقيه
بس لما يبقى كل السواقين كدا واصحاب العربيات يطردوهم مين هيسوق ؟

يعنى مش عايزين نظلم اوى بردو يا analyzer اكيد فى سواقين اجرة كويسين و بيخافوا على اكل عيشهوم ووراهم بيوت مفتوحة ...بس احساسة ان مفيش مراقبة علية واللى عايزة بيعملة فى العربية اللى معاة عشان مش بتاعتة وحتى لو عربيتة حصلها حاجة بيجبها فى الملاكى او الغير و بيخلص الموضوع على مفيش .... ..و دة بيخليهوم يعملوا اللى عايزينة فى الناس سواء ركاب او عربيات حواليهم .

لو لاحظت اى عربية مكتوب عليها العبارة دى بتلاقية ماشى بما يرضى الله (شركات -سياحة -سوبر ماركت مترو - ...)

**m10_10** · 15-02-2008 02:38 PM

انا معاك يا Seatlover مليون في الميه...

اقتراح اكثر من رائع بس عايزين نشوف ياجماعه يتم تفعيله ازاي ؟؟؟

بحيث ان يبقي فيه الزام لدرجه سحب الرخص لو مش موجودة الكلمه دي علي العربية...
وتكون بخط واضح ...

**Xpert** · 15-02-2008 02:51 PM

الحل عندي ...و انا عن نفسي عامله .. و الدكر منهم يهوب بس نحيتي ..
العربيه : 735 موديل 1979 ...
السعه اللتريه : 3400 سيسي
الغيارات : مانوال
الاكصدامات : امريكاني (اللي بتبقي بارزه لبره دي)
الحاله العامه : 75% ...
----
اوبشن Ii :
العربيه : لادا نيفا موديل 1982
السعه اللتريه :1600 سيسي
الغيارات : مانوال
الاكصدامات : ههه .. كله عارف اكصدامات اللادا الالومونيا عامله ازاي
الحاله العامه : 20%
-----
الخلاصه : عربيه موتورها جامد و اكصدامات امريكاني من العريضه دي .. و حالتها نص عمر ... و اللي مش عاجبك زقه لحد ما تسلك سكه لنفسك ... بعد كده امسك عصايه الفتيس .. ماتسبش ايدك من عليها و الدكر يبقي يحصلني ههههه
ده الحل الوحيد .. و الحل الامثل ... طبعاً مع طمس النمر او وسايط .. و قول خلعوون ...
كل العربيات اللي اكصدامها فيبر و بلاستك و الكلام ده .. ماتنفعش معايا ... انا عاوز دعك .. انا بادخل حرب ....ههههههههه

**Xpert** · 15-02-2008 02:54 PM

المشاركة الأصلية كتبت بواسطة SEATLOVER

يعنى مش عايزين نظلم اوى بردو يا analyzer اكيد فى سواقين اجرة كويسين و بيخافوا على اكل عيشهوم ووراهم بيوت مفتوحة ...بس احساسة ان مفيش مراقبة علية واللى عايزة بيعملة فى العربية اللى معاة عشان مش بتاعتة وحتى لو عربيتة حصلها حاجة بيجبها فى الملاكى او الغير و بيخلص الموضوع على مفيش .... ..و دة بيخليهوم يعملوا اللى عايزينة فى الناس سواء ركاب او عربيات حواليهم .

لو لاحظت اى عربية مكتوب عليها العبارة دى بتلاقية ماشى بما يرضى الله (شركات -سياحة -سوبر ماركت مترو - ...)

ثقه .. السواق المحترم بتلاقيه ركن لوحده و لو حصل حاجه اتضرته انه يركن بغباء شويه بتلاقيه يقعد يتاسف للصبح ..المحترم محترم برضه يا باشا .. الرك علي البرشمجيه و بتوع البانجو ...دوول اللي عاوزين الدعك ..

**tmz9111** · 15-02-2008 05:07 PM

المشاركة الأصلية كتبت بواسطة badblood

دول بقى حلال فيهم ضرب الصرم

100+++++++++++++++++++

**Falcon.Crest** · 15-02-2008 08:18 PM

for sorry friends abou abdaalah is right 100% that is fact

**hero** · 15-02-2008 08:47 PM

في رأي ...
ادارات المرور هي المسؤلة عن تنظيم المرور وقادرة علي الزام الناس باي قانون..مرووي زي ما عملوا في حزام الامان....يعني الحل في تطبيق القوانين ايلي موجودة فعلا...

العالم كلة برة ...عايش كدة...ودة مش علشان هما محترمين قوي وولاد ناس اكتر من الشعب المصري....
لكن علشان عندهم قوانين رادعه...وكاميرات بتصور الطرق 24 ساعه و7 ايام في الاسبوع ....وما عندهمش حد فوق القانون...وكلة ملتزم بية....علشان كدة كلة ماشي علي العجين ما بيلخبطهوش...زي ما بيقولوا في المثل....

علي فكرة انجلترا لواحدها عندها ما يقترب من 2 مليون كاميرا مراقبة في الشوارع والمحلات والمولات التجارية....يعني الناس متراقبة 24 ساعه في اليوم وكلة بيتسجل علي شرايط.....وبيصرفوا علي الكاميرات دي من المخالفات ايلي بيلموها من الناس ايلي بتخالف.....بس مافيش رحمة....ايلي بيخالف هايتعاقب...مهما كان ومهما كان وضعه ومنصبة...!!!

**hero** · 15-02-2008 08:53 PM

حكاية الخناق مع السواقين دي مش هاتجيب اي نتيجة سوي انك هاتهزأ نفسك ومش بعيد يتعملك محضر مشاجرة...ولا تبيت ليلة في الحجز لم مالكش معارف...
وحتي لو ليك معارف ....هايبقي شكلها بايخ قوي...وانا باتصل لواحد معرفة علشان يخرجني من القسم بسبب خناقة مع سواق....منتهي احلامة انة يقعد علي غرزة يشرب حجرين ولا يلف سجارة بنجو.....

يعني انت هاتنزل نفسك لواحد ممكن يكون كل يوم بيضرب او بيتشتم....يعني مش هاتحسسة باي نوع من الاهانة لانة مهان اصلا...سوري يعني ...بس هي دي حالة اغلب السواقين.....

يعني انت الخسران.....لكن الحل الامثل ان القانون هو ايلي يعاقبة....مش الناس بتضرب بعضها في الشوارع .

**Noha.M** · 15-02-2008 09:00 PM

بجد موضوع ميئوس منه no way انكو حتي تفكرو تغيرو من اسلوبهم

هم ماشيين بمبدأ اللى خايف يوسع !! ة اكيد كلنا خايفين على عربيتنا يعني مش لاقينها في الشارع !!!

سلموها لله و خلاص p: