معاً ضد سواقين الميكروباص

**cpt_shawky** · 15-02-2008 10:06 PM

شاهد قيادة سائق ميكروباص وركز على ما سيفعله عند الدقيقة 4:27

http://www.youtube.com/watch?v=l0WDKH7uU7Q

**marsguy** · 15-02-2008 10:15 PM

عقلية الوفره
abundance mentality

لما تتوافر عندنا عقلية الوفره، ممكن ساعتها نسوق كويس.

وده من وجهة نظري المتواضعه والمتشائمه أيضا، أمر بعيد المنال.

**SEATLOVER** · 15-02-2008 11:35 PM

المشاركة الأصلية كتبت بواسطة m10_10

انا معاك يا Seatlover مليون في الميه...

اقتراح اكثر من رائع بس عايزين نشوف ياجماعه يتم تفعيله ازاي ؟؟؟

بحيث ان يبقي فيه الزام لدرجه سحب الرخص لو مش موجودة الكلمه دي علي العربية...
وتكون بخط واضح ...

فى قانون مرور جديد بيتعمل دلوقتى ممكن تبقى العبارة اجبارية ذى النمرة بتاعة الاجرة اللى بتتكتب على الاربع جهات بتاعة العربية ..تتكتب فى مؤخرة السيارة الاجرة سواء كانت مكيروباص او تاكسى .

**Xpert** · 16-02-2008 12:16 AM

المشاركة الأصلية كتبت بواسطة onna

بجد موضوع ميئوس منه no way انكو حتي تفكرو تغيرو من اسلوبهم

هم ماشيين بمبدأ اللى خايف يوسع !! ة اكيد كلنا خايفين على عربيتنا يعني مش لاقينها في الشارع !!!

سلموها لله و خلاص p:

ماهه ده حضرتك المبداء بتاعي ... اللي خايف يوسع و يانا يا انت هههه

**thatha** · 16-02-2008 12:18 AM

الله يخليكوا ماتفكرونيش ليسة سواق ميكروباص جاي عكس في طريق ضلمة خبطلي الاكصدام القداماني وقالي لا مواخذة وجري!!!

**عزيز محمد** · 16-02-2008 12:34 AM

الفيديو ده عاوز موضوع لوحده، أعتقد ده خط حلوان-موقف العاشر

ربنا يسلم الناس من شرور وغباء مثل هذا السائق

تقريبا ماسبش حاجة غلط ما عملهاش

متهيألى اللى بيعملوا عمليات انتحارية ميجيش لهم قلب يسوقوا كده

حسبى الله ونعم الوكيل

**mahamedaraby** · 16-02-2008 01:36 AM

ٍياجماعه سواق الميكروباص ده زمانه دلوقتى فى عداد الاموات ولو لسه بيسوق فى بالطريقه دى

ياخبر ابيض انا لو كنت راكب جنبه كنت قولته على اى جنب ياسطه ومكنتش كملت معاه ابدا هو الواحد هيعش كام مره

لا بس بجد ياجماعه الحل انك تبدا بقاع الهرم انك تعمل قوانين صح وعادله وتتطبق على الكل وتكون ناس عندها ضمير بتطبقها

**mahamedaraby** · 16-02-2008 01:46 AM

ياجماعه ده افضل حل لاحترام اشاره المرور فى مصر

http://www.youtube.com/watch?v=IoTyU...eature=related

**Eng_aly** · 16-02-2008 03:02 AM

طيب انا مش هاقول حلول علشان مفيش من وجهة نظرى اى حل غير اعادة تغير حاجات كتير عن هذا الشعب البائس"لله الامر من قبل ومن بعد"...انا شغال فى 6 اكتوبر وساكن فى اخر جسر السويس وطبعا الدائرى هو الحل الوحيد... والكلام كلة على الدائرى ...عربيات نقل ثقيل والخايف يواسع بجد والا انتو عرفين بقى وميكروبصات وبرضو الخايف يوسع وهههههها تخيلوا توك توك على الدائرى واللى عايز يتحبس يقرب ومتوسكلات فى الشمال وفى النص وفوق وتحت وناس بتعدى وهى مش باصة واللى بباصص يشوارلك ويقولك على مهلك ...وكدة يعنى... علشان كدة كل يوم من 6 ايام فى حادثة على الاقل فى 3أيام منهم ناس متوافية والله يرحم الجميع ...وبالمناسبة لى زميل توافى من حوالى شهرين وبدون تفاصيل وحكاوى نازل من نزلة على الدائرى لقة مقطورة طالعة والله يرحمنا جميعا