سؤال و إستفسار بسيط..؟

**LUX** · 15-02-2008 06:03 AM

المشاركة الأصلية كتبت بواسطة abdelaziz-waleed

انا نفسي جداً اجيب عربية ستيشن. دي عائلية جداً ومفيدة جداً في السفر.
بس انا هقولك على حاجة مضحكة بس هي حقيقة
في الدول الأوروبية وامريكا بيحبو جداً العربيات الستيشن عارف ليه اولاً علشان الكلب يلاقي مكان يقعد فيه ومايوسخشي العربية ثانياً هما مجانين سفر وتنقلات

على العكس تماماً في مصر. احنا مش لاقيين ناكل لما نجيب كمان كلب. ثانياً احنا مش مولعين بالسفر زيهم. وعلى ما اعتقد برده ان الشكل له عامل في عدم انتشار العربيات الستيشن في مصر.

فعلا كلامك كله صح..بس مش توافقني الرأي ان في من اللي بيجي يشتري
عربيات عندنا هنا بيبص علي الشكل الاول والمنظرة و الامكانيات و ناسي جوهر وقيمة العربية الحقيقية
المهم يشتري عربية شكلها حلو جدا و فخمة لحدا ما و يتناسي هل العربية دي عملية و لا لأ
ده اللي يضحك ان احنا هنا عندنا كميات عربيات مرسيدس و بي ام وجاجوار اكتر منهم هناك!!
ليه؟ لان هما بيشوفوا انهي عربية مناسبة لاحتياجاتهم و اذا كانت عملية ام لا ثم يأتي بعد كده الشكل و المنظرة في المقام الاخير بعد الكلب اللي بيحطوه في الشنطة:D

بس قولي لو انت راكب العربية الستيشن دي لوحدك و رايح شغلك مثلا..
مش ممكن تبقي مكسوف انك راكب عربية عائلية و انت شاب و عازب كمان!!!:D:D
ارجو الرد :D
_________

**LUX** · 15-02-2008 06:07 AM

المشاركة الأصلية كتبت بواسطة islambana

بالرغم من اني شاب عندي 18 سنه ومولع بالسواقه الا اني بحب الاستيشن وخصوصا ال505 لانها واسعه قوي كفايه انها بتاخد 8 ركاب وبيبقي في شنطه كمان والاعجب من ده كله انها نفس ابعاد العربيه الصالون

فعلا...بس انت عارف في انواع تانيه من الاستيشن بتشيل 5 ركاب بس و مش كبيرة اوي زي البيجو ال504 و ال505 وتصدق بايه شكلهم احلي و موجودين في مصر كمان عند التوكيلات
بس اللي يحير ان العربيات دي ش بتتباع كتير هنا و ده هو السؤال

________

**LUX** · 15-02-2008 06:12 AM

المشاركة الأصلية كتبت بواسطة Xpert

قال بتاخد 8 هههه .. احنا حطينا في ال 504 13 واحد يا باشا هههه ز كلهم كانو قاعدين علي الكراسي هههه

اوعي تقولي ان كل ده مع نصين العربية ال131 و ال15 عمود كردان!!!

انت المفروض تكرم و تحترم بقي العربية دي و تخليها تنقل رمل بعد كده :D

ده انت بتعاملها علي انها لوري :D صح؟
_______

**LUX** · 15-02-2008 06:29 AM

دي شوية صور للعربيات الاستيشن الحديثة
عيشوا بقي:d

**Xpert** · 15-02-2008 10:42 AM

المشاركة الأصلية كتبت بواسطة LUX

هيا قبل التجديد كان شغلتها الاساسيه نقل قطع الغيار من بورسعيد لحد بني سويف

مش حرام يا عم عليك اللي انت كنت بتعمله فيها ده :)
ودلوقتي بتعمل بيها ايه؟

دلوقتي شغلتها نطلعها من الكان نوقفها قدام البيت و ندخلها الدكان تاني هههه يا باشا ال 504 دي حماله قاسيه .. هيا اي نعم قدمت قوي بس بضه هيا الخير و البركه ;)

**Xpert** · 15-02-2008 10:45 AM

المشاركة الأصلية كتبت بواسطة LUX

اوعي تقولي ان كل ده مع نصين العربية ال131 و ال15 عمود كردان!!!

انت المفروض تكرم و تحترم بقي العربية دي و تخليها تنقل رمل بعد كده :D

ده انت بتعاملها علي انها لوري :D صح؟

لاء مش مع النصين و البضاعه .. دي كانت رحله عائليه ههههه بنعاملها علي انها الدبابه بتاعتنا ;)

**LUX** · 16-02-2008 06:31 AM

المشاركة الأصلية كتبت بواسطة Xpert

لاء مش مع النصين و البضاعه .. دي كانت رحله عائليه ههههه بنعاملها علي انها الدبابه بتاعتنا ;)

هههه رحلة عائلية و مقعدين فيها 13 واحد!!!

اهي هي دي ميزة انك يكون عندك عربية كبيرة و جامدة كمان:D
____

**LUX** · 16-02-2008 06:36 AM

عايز اعرف ليه في مشاهدات فوق ال126 للموضوع

ومافيش غير ردود قليلة اوي ؟؟

يا جماعة كل واحد يقول رأيه هنا

الموضوع ده شبه استطلاع.
عايز اعرف من خلاله اجابات علي اسئلتي

فياريت تشاركوا بردروكوا بجد.

ثانيا ماحدش قال حاجة علي الصور؟؟
هل هما و حشين و لا حلوين؟؟
ارجو الرد
_____________

**abdelaziz-waleed** · 16-02-2008 07:05 AM

فعلاً يا لوكس انت عندك حق العملية هاتكون محرجة اوي ان الواحد يروح شغله بعربية استيشن. دا زي ماكون بقول لزملائي تعالو اركبو بالنفر

ولكن برة عندهم العربيات ارخص من عندنا بكتير ومتوسط دخلهم اكتر مننا بكتير فممكن الواحد يكون عنده عربية يروح بيها الشغل وعربية تانية استيشن للسفر والخروجات العائلية وده هايكون صعب تحقيقه عندنا.