عرض للطباعة
سؤال بسيط نفسي اسأله من زمان..
و هو ليه مافيش عربيات استيشن كتيرة في الشارع المصري؟؟
انا عن نفسي بشوف واحدة كل اسبوع علي الاقل!!
و سؤالي للأعضاء المحترمين ...ايه تفسيركم للحالة دي؟
و سؤال تاني.. لو انت شاب و قدامك عربية ستيشن تشتريها ولا لأ.
و هل يختلف الامر اذا كان لديك عائلة؟
معلش طولت عليكوا باسألتي الطويلة السخيفة..:rolleyes:
و شكرا مقدما علي ردودكم.:)
_________________
http://i204.photobucket.com/albums/b...tyview/car.jpg
الستيشن كتيره و كل حاجه .. بس الموديلات فيها محدوده و معظمها موديلات قديمه .. و غير كده الموديلات الحديثه مابينزلش فيها استيشن من التوكيل ..
الموديلات المعروفه في الستيشن طبعاً البيجو 504 و 505 ... و دي عربيات حته حديده .. عندنا منها واحده 504 بتاعه عمي .. لو اقولك العربيه دي بنحمل فيها اكتر من اللي الربع نقل بتشيله هاتقوللي انت كداب .. العربيه دي مره حملناها فوق طاقتها بمراحل .. نظام الخدمه الشاقه عاملين شبكه عموله و حطينا عليها نصين فيات 131 .. و الموتور و العفشه و الكلام ده في الشنطه .. و غير كل ده شيلنا 15 كردان 504 و موتورين 504 في الشنطه .. و بلاوي سوداء .. العربيه كانت شايله شايله يعني .. و كانت بتجر في نفسها .... الميزه في ال504 الستيشن انها فيها 4 يايات ورا .. بلاوي و متقلات بقي يا حج ..
الموديلات المعروفه الاخري : المرسيدس و الفولفو و البي ام استيشن .. و دي عربيات كلاسيك و استخدام ناعم .. هسا هاتستحمل و كل حاجه بس مش بتاعه خدمه شاقه يعني .. و غير كده مش متوافره كتير ..
انا شاب 21 سنه .. و اه بادور علي ستيشن .. 504 او 505 .. بس للاستخدام العائلي طبعاً مش للشبابي .. الشبابي بي ام و بس يا حج ...
لا احبها
بحس ان فيها حاجة غلط
اولا شكرا علي الرد الجامد دهاقتباس:
المشاركة الأصلية كتبت بواسطة Xpert
ثانيا في موديلات بتنزل من التوكيل استيشن.
انا عن نفسي شوفت دايو نوبيرا استيشن في التوكيل و ايه ده انا شفت تويوتا كورولا استيشن كمان
بس للحق كانوا غاليين شوية.
البيجو 504 دي عربية جامده و انا عارف انها جامده جدا.
بس مش شايف اللي انتوا عملتوه فيها ده كتيير شوية؟:p
ثالثا في عربيات استيشن صغيرة و روشه و شكلها شبابي بل
و رياضي كمان يا معلم عندك الميرسيدس و البي ام وشكلهم مقبول اوي ._
_______
http://i204.photobucket.com/albums/b...tyview/car.jpg
ممكن تقولي ليه مش بتحبها؟اقتباس:
المشاركة الأصلية كتبت بواسطة ams
وايه الاسباب اللي مخلياك بتحس ان فيها حاجة غلط؟
________
http://i204.photobucket.com/albums/b...tyview/car.jpg
لاء ده هيا قبل التجديد كان شغلتها الاساسيه نقل قطع الغيار من بورسعيد لحد بني سويف ;)
البي ام طبعاً شبابي و روش طحن.. المرسيدس كلاسيك و برستيج .. التيوتا و الكلام الجديد ده ماببلعهوش و هوه سيدان عادي .. ما بالك بقي و هوه ستيشن هههه
انا نفسي جداً اجيب عربية ستيشن. دي عائلية جداً ومفيدة جداً في السفر.على العكس تماماً في مصر. احنا مش لاقيين ناكل لما نجيب كمان كلب. ثانياً احنا مش مولعين بالسفر زيهم. وعلى ما اعتقد برده ان الشكل له عامل في عدم انتشار العربيات الستيشن في مصر.
بس انا هقولك على حاجة مضحكة بس هي حقيقة
في الدول الأوروبية وامريكا بيحبو جداً العربيات الستيشن عارف ليه اولاً علشان الكلب يلاقي مكان يقعد فيه ومايوسخشي العربية ثانياً هما مجانين سفر وتنقلات
بالرغم من اني شاب عندي 18 سنه ومولع بالسواقه الا اني بحب الاستيشن وخصوصا ال505 لانها واسعه قوي كفايه انها بتاخد 8 ركاب وبيبقي في شنطه كمان والاعجب من ده كله انها نفس ابعاد العربيه الصالون
قال بتاخد 8 هههه .. احنا حطينا في ال 504 13 واحد يا باشا هههه ز كلهم كانو قاعدين علي الكراسي هههه
اقتباس:
المشاركة الأصلية كتبت بواسطة Xpert
هيا قبل التجديد كان شغلتها الاساسيه نقل قطع الغيار من بورسعيد لحد بني سويف:eek::eek:
مش حرام يا عم عليك اللي انت كنت بتعمله فيها ده :)
ودلوقتي بتعمل بيها ايه؟ :confused:
ايووه البي ام شبابي و كل حاجة بس تعرف؟
البي ام و المرسيدس و الكاديلاك و الرينو و الستروين منزلين موديلات كتيرة اوي استيشن
وشكلها حلو اوي وروشه كمان:rolleyes:
لو مش صدق بس علي السيتروين عاملة ازاي؟ و علي الرغم من كده مش منتشرة في مصر اوي
_____
http://i204.photobucket.com/albums/b...tyview/car.jpg
فعلا كلامك كله صح..بس مش توافقني الرأي ان في من اللي بيجي يشترياقتباس:
المشاركة الأصلية كتبت بواسطة abdelaziz-waleed
عربيات عندنا هنا بيبص علي الشكل الاول والمنظرة و الامكانيات و ناسي جوهر وقيمة العربية الحقيقية
المهم يشتري عربية شكلها حلو جدا و فخمة لحدا ما و يتناسي هل العربية دي عملية و لا لأ
ده اللي يضحك ان احنا هنا عندنا كميات عربيات مرسيدس و بي ام وجاجوار اكتر منهم هناك!!
ليه؟ لان هما بيشوفوا انهي عربية مناسبة لاحتياجاتهم و اذا كانت عملية ام لا ثم يأتي بعد كده الشكل و المنظرة في المقام الاخير بعد الكلب اللي بيحطوه في الشنطة:D
بس قولي لو انت راكب العربية الستيشن دي لوحدك و رايح شغلك مثلا..
مش ممكن تبقي مكسوف انك راكب عربية عائلية و انت شاب و عازب كمان!!!:D:D
ارجو الرد :D
_________
http://i204.photobucket.com/albums/b...tyview/car.jpg
فعلا...بس انت عارف في انواع تانيه من الاستيشن بتشيل 5 ركاب بس و مش كبيرة اوي زي البيجو ال504 و ال505 وتصدق بايه شكلهم احلي و موجودين في مصر كمان عند التوكيلاتاقتباس:
المشاركة الأصلية كتبت بواسطة islambana
بس اللي يحير ان العربيات دي ش بتتباع كتير هنا و ده هو السؤال:confused:
________
http://i204.photobucket.com/albums/b...tyview/car.jpg
اوعي تقولي ان كل ده مع نصين العربية ال131 و ال15 عمود كردان!!!:eek:اقتباس:
المشاركة الأصلية كتبت بواسطة Xpert
انت المفروض تكرم و تحترم بقي العربية دي و تخليها تنقل رمل بعد كده :D
ده انت بتعاملها علي انها لوري :D صح؟
_______
http://i204.photobucket.com/albums/b...tyview/car.jpg
دي شوية صور للعربيات الاستيشن الحديثة
عيشوا بقي:d
دلوقتي شغلتها نطلعها من الكان نوقفها قدام البيت و ندخلها الدكان تاني هههه يا باشا ال 504 دي حماله قاسيه .. هيا اي نعم قدمت قوي بس بضه هيا الخير و البركه ;)اقتباس:
المشاركة الأصلية كتبت بواسطة LUX
لاء مش مع النصين و البضاعه .. دي كانت رحله عائليه ههههه بنعاملها علي انها الدبابه بتاعتنا ;)اقتباس:
المشاركة الأصلية كتبت بواسطة LUX
هههه رحلة عائلية و مقعدين فيها 13 واحد!!!اقتباس:
المشاركة الأصلية كتبت بواسطة Xpert
اهي هي دي ميزة انك يكون عندك عربية كبيرة و جامدة كمان:D
____
http://i204.photobucket.com/albums/b...tyview/car.jpg
عايز اعرف ليه في مشاهدات فوق ال126 للموضوع
ومافيش غير ردود قليلة اوي ؟؟
يا جماعة كل واحد يقول رأيه هنا
الموضوع ده شبه استطلاع.
عايز اعرف من خلاله اجابات علي اسئلتي
فياريت تشاركوا بردروكوا بجد.
ثانيا ماحدش قال حاجة علي الصور؟؟
هل هما و حشين و لا حلوين؟؟
ارجو الرد
_____________
http://i204.photobucket.com/albums/b...tyview/car.jpg
فعلاً يا لوكس انت عندك حق العملية هاتكون محرجة اوي ان الواحد يروح شغله بعربية استيشن. دا زي ماكون بقول لزملائي تعالو اركبو بالنفرولكن برة عندهم العربيات ارخص من عندنا بكتير ومتوسط دخلهم اكتر مننا بكتير فممكن الواحد يكون عنده عربية يروح بيها الشغل وعربية تانية استيشن للسفر والخروجات العائلية وده هايكون صعب تحقيقه عندنا.
مبحبهاش بس لأني بمبقاش مقتنع إني راكب أتوبيس ،،
و لو راكب لوحدك هتحس بفراغ مالهوش لازمة
اولا دي ثقافة عامة
زي ما الامريكان بيحبوا قوي الاستيشن والتراكات(النقل بدوبل كابينة)
والاوربيين بيحبوا الهاتش باك
احنا في مصر مياليين للسيدان
انا عن نفسي كان نفسي اجيب تويوتا الهايلوكس دوبل كابينة المكيفة
موتور 2800 ديزل
والايسوزر برضه 2800 ديزل تيربو
بتشد مع اي عربية وتحفة وتنها في المعقول وتكييف واور وتشيل 5 افراد ده غير لو قفلت النص الوراني بالهاردتوب
وعملت جواة كنبتين زي الباجيرو
وجاز مش بنزين وعقشة وشكل تخلي الميكروباصات تبعد عنك
يعني ببساطة اكتر عربية تنفع مصر
بس تقدر تقوللي وانا نازل منها رايح شغلي ولابس فورمال وبكرافت وسايق نص نقل
الاقي اصحابي يقولوي الاسطي عبدة الشديد وصل صح
ها ها ها
ولا نازل معايا عميل رايح مشوار
حتى الاستيشن عشان اركبها لازم موتور محترم زي الفولفو القديم والبيجو القديم
حاجة 2000 سي سي
وطبعا الجمارك هاتخليها نار يا حبيبي نار