طريقه نقل الغيار من غير دبرياج؟

**am79** · 12-06-2010 04:16 AM

المشاركة الأصلية كتبت بواسطة loshabih

انه ممكن تنقل من غير متدوس دبرياج والدليل انك لو مبطل العربيه وجيت تجيب اي نقله هتنقل عادي جدا ب متكنش غي مطلع او منزل يعني من الاخر لو مش شادد الهند تلاقي العربيه وقفه في مكنها وممكن لو انت جايب نقله وماشي بلعربيه عادي تمورها من غير دبرياج
اما بالنسبه للطريقه فهي مبتنفعش فلاول لازم من النقله التانيه وانت طالع او نازل لاكن من الموور للاول مينفعش
والطريقه انك لو ماشي علي التاني وعايز تجيب التالت تنقل عادي جدا من غير دبرياج هتلاقي التالت مش عايز يجي معاك افضل كارك بنزين لحد مفلحظه معينه هتلاقي التالت جه عادي جدا والطريقه دي مفهاش اي غلط طالما الفتيس مبيعضش في بعضه

+111111111111111111111

**mohamed_mohsen** · 12-06-2010 08:57 PM

عادي إيه المشكله

[youtube]http://www.youtube.com/watch?v=PV_nxkPxLGk[/youtube]

**ahmednashaat** · 12-06-2010 10:44 PM

بص يا باشا اسلم حل لو الدبرياج قطع منك بالتالى عشق على الغيار التانى ودور العربية هتنط منك علق ايدك على المارش هتبقى كأن فى حد بيزق العربية ارميلها بنزين هتمشى معاك تمام على التانى ومتحولش انك تنقل على التالت امشى واحدة واحدة لحد اقرب ميكانيكى مش لازم حد بعيد عشان التالت والرابع دة كدة حل مؤقت واشترى كابل الدبرياج وركبة وزى الفل ولا محتاج تالت ولا رابع تقبل مرورى .

**m_mekkawy** · 13-06-2010 12:09 PM

انت بتفضى الجير على اى سرعة انت عيزها لكن انت ممكن تنقل من اللأول لتانى ومن التانى لتالت بنفس الطريقة اللى قال عليها لوشهابين بس هتسمع صوت ترسين بيحكو فى بعض كأنك سايق جرار زراعى وهتاخد الغياره (كنت بعملها فى 28 لما سلك الدبرياج بيقطع).

**ahmed_mido1889** · 13-06-2010 03:06 PM

المشاركة الأصلية كتبت بواسطة حماده المصري

بص كانك بالضبط سايق عادي جدا وفي اللحظه الي بترفع رجلك من البنزين عشان تدي الدبرياج انقل من غير الدبرياج

صح خدتها من علي طرف لساني

**caysersosaih** · 13-06-2010 06:06 PM

يا جماعه النقل بدون دبرياج لو اتعمل صح ماياثرش علي حاجة ازاي عند وصول الغيار لأقصي عزم يحدث فصل لحظي لمجموعه الدبرياج وساعتها ممكن تنقل هتلاقي قيديو علي يوتيوب بيوضح ده كويس

**caysersosaih** · 13-06-2010 06:07 PM

[youtube]http://www.youtube.com/watch?v=0AJXsVj-PMg[/youtube]

**ASSASSIN** · 13-06-2010 08:50 PM

[youtube]http://www.youtube.com/watch?v=jLw0hAtOik4&feature=fvst[/youtube]

**tarek3211** · 13-06-2010 10:02 PM

انا ساعات كتير بغير من غير ما ادوس دبرياج بس بكون على التانى واضغط بنزين واشيل رجلى من البنزين بسرعه وانقل للتالت ونفس الحكايه من التالت للرابع

**m_zizo620** · 14-06-2010 12:11 PM

بصوا انا كانت بتحصلي مع 128 لما كان بيتقطع سلك الدبرياج كنت بديها تاني و اطلع و بعدها بنقل عادي بس المهم انك تنقل في لحظة معينة و صح و تكون عارف امتي بالظبط تجيب مثلا من التاني للتالت و في نفس الوقت تكون عارف حركة الفتيس بالظبط و تنقل بشويش هتلاقي النقلة تخش حارتها و تمشي معاك زي الفل و فعلا شوفت سواق تاكسي بيعملها قبل كدة بس بصراحة مش عارف اذا كانت مضرة على العربية و لا لا