الموضوع: جمهورية نايل موتوزر العربية

طيب وأنا الوزارة بتاعتي فين ياجماعة نسيتوها خلاص
وزارة الخارجية ..... ودي اهم وزارة علشان علاقتنا بباقي المنتديات التانية قصدي الدول التانية
وطبعا أنا بحب الوزارة دي لان فيها لف كتيير وسيارات وطيران كتيير ومن ناحية اللغات
يادكتور احمد متقلقش خالص هوفر عليكم أجرة المترجم .. انجليزي موجود . ايطالي موجود
روسي موجود .. ياباني موجود يعني مش هتتكلف حاجة ولا الشعب الغلبان هيدفع من جيبه حاجة
كل اللي أنا عايزة لما اطلع من الوزارة إديني بتاع 100 ألف فدان كدا جنب ترعة السلام في سينا
وانت تشوف الكيف .... قصدي الاكل بالهبل وبكدا نحرم المستوردين انهم يبهدلوا السوق ببضاعتهم


مليش دعوة عايز الوزارة دي

المشاركة الأصلية كتبت بواسطة Tifana2010

لا لا ازاى بعد اذنك يا سعادة الريس اطال الله عمرك و سيادة وزير الداخلية ادام الله فضلك
انا صحيح دم جديد هنا فى المنتدى بس اسمحولى ارشح كريم باشا منير لرئاسة الوزراء
وانا بقى يا غلبانة بخبرتى التعبانة فى المنتدى النيلاوى
سيبولى وزارة القوى العاملة والنبى والنبى والنبى........
واوعدك اجهز لكل مهاجر غير شرعى لايف جاكت
و الافكار عندى كتير بس انتو كلفونى الاول و حتشوفوا العجب

طيب اقدملوكوا بعض البرامج الخاصة بوزارتى اثباتا لحسن النيات
ونظرا لان فى اعضاء كتير مش لاقين شغل و بيقولوا ان البلد قال اية مفيهاش شغل
الاعلان رقم 1 لسنة 1 من قيام جمهورية نايل موتورز
مطلوب : لمنتدى سيارات الحكومة (اللى هو نايل موترز)
عدد 2 سايس للسيارات
عدد 2 ميكانيكى للسيارات
ويشترط فى المتقدم
ان يكون حاصل على بكالوريوس هندزة قسم ميكانيكا سيارات
عدد 1 مدير ابن ناس
مؤهل مناسب (من اول محو امية وانت طالع)
المهم انه ابن ناس

المشاركة الأصلية كتبت بواسطة tifana2010

طيب اقدملوكوا بعض البرامج الخاصة بوزارتى اثباتا لحسن النيات
ونظرا لان فى اعضاء كتير مش لاقين شغل و بيقولوا ان البلد قال اية مفيهاش شغل
الاعلان رقم 1 لسنة 1 من قيام جمهورية نايل موتورز
مطلوب : لمنتدى سيارات الحكومة (اللى هو نايل موترز)
عدد 2 سايس للسيارات
عدد 2 ميكانيكى للسيارات
ويشترط فى المتقدم
ان يكون حاصل على بكالوريوس هندزة قسم ميكانيكا سيارات
عدد 1 مدير ابن ناس
مؤهل مناسب (من اول محو امية وانت طالع)
المهم انه ابن ناس

ده مفروض تريقة على خريجى هندسة و لا ايه؟؟؟؟؟؟؟؟؟؟؟؟؟؟؟؟؟

انا بس داخل اقول مش تعملو حسابي في الانقلاب ده والله انا خايف يجي سلومه الاقرع يسلم عليكو واحد واحد وانا افتح مصنع حلاوه نيههههههههههههههههه

المشاركة الأصلية كتبت بواسطة aezzat

ده مفروض تريقة على خريجى هندسة و لا ايه؟؟؟؟؟؟؟؟؟؟؟؟؟؟؟؟؟

لا باشا انا نفسى مهندسة ما تزعلش
دى جمهورية افتراضية ووظائف افتراضية
ممكن كوميديا سوداء بس ما تزعلش
شوف انت عايز ايه ندورلك عليه

المشاركة الأصلية كتبت بواسطة hamedo0

انا بس داخل اقول مش تعملو حسابي في الانقلاب ده والله انا خايف يجي سلومه الاقرع يسلم عليكو واحد واحد وانا افتح مصنع حلاوه نيههههههههههههههههه

طيب ما شنوى باشا بتاعنا هو اللى مشغل سلومه
ولا ايييييييييييييييييييييييه
انت كده حتخوفنى