يا جماعه حد يدلنى على ميكانيكى اوبل شاطر فى دمنهور او اسكندريه
عرض للطباعة
يا جماعه حد يدلنى على ميكانيكى اوبل شاطر فى دمنهور او اسكندريه
فيه حسين البمبي في الحرفيين شاطر اوي بس عيبه الزحمه علشان لو انت نازل من دمنهور تنزل بدري
فيه بردوا واحد تاني الناس هنا بتشكر فيه اوي اسموا ابو الحمد عند المطار
ما اظنش تلاقي ميكانيكي أوبل شاطر فى اسكندرية لو قدرت تنزل بيها القاهرة يبقى أحسن بكتير.
عماد ميكانيكى اوبل كويس قوى على شارع جمال عبد الناصر بعد محل قطع غيار الصعيدى بعد تقاطع محمد نجيت بشارعين و انت رايح على فيكتوريا
مجمد ابوالحمد فى المطار قبل محطة موبيل بشارعين شغال فى توكيل اوبل بمقار الصبح وبعد العصر فى محله بالمطار
ايه ده حد هنا من دمنهور و انا معرفش
ممكن اعرف جاتلك الفكرة دى منيين .. اول حاجة معظم ميكانيكية القاهرة من الاقاليم .. تانى حاجة مش مشكلة مكان الميكانيكى المهم انه يكون بيفهم و متجرب .. تالت حاجة انه يكون قريب علشان لو بعد ما مشيت ظهر حاجة فى العربية تعرف ترجع له .. رابعا و ده الاهم لو ماصادفكش صنايعى كويس فى اسكندرية فده سوء حظ او سوء اختيار و المرة الجاية تعالى لينا و احنا نوصفلك صح .. لنى لو العربية باظت و انا خارج اسكندرية اكيد حاشوف حد من الاعضاء اللى تليفونهم فى بروفيلهم و اتصل بيه علشان يوجهنى صح
لو لقيت الميكانيكى الكويس ما تسيبوش
لو فى اسكندرية روح مقار
و العربية حسب اللى فيها محتاجة عبقرى و لا طور
السلام عليكم ورحمة الله
عنك أبو الحمد اللى فى طريق المطار
وعندك ورشة الأمل اللى فى الإبراهيمية ورا النقطة
وعندك يسرى الباشا فى صلاح الدين قدام مطعم الجمهورية ودة كمان عندو قطع غيار إستعمال ونضيف
وفى كمان مقار اللى فى الشلالات
وفى البمبى اللى فى الحرفيين
وكلمنى لو عاوز أنا فى الخدمة
أخوك فى الله هانى
انا عن نفسى بارشح مقار لو بنفس كفاءة فرع القاهره
يسرى الباشا كويس بس غالى 200 شوية
السلام عليكم ورحمة الله
يسرى ممكن يكون غالى شوية بس من الأخر وكل اللى راحله رجع مبسوط
وبعدين لو عايز منه حاجة كلمنى وأنا أخليه يهاود معاك فى السعر غصب عنه
لما تكون عنده قله بس أنا من طرف هانى بتاع العجمى ولو معملش الواجب
خليه يكلمنى وأنا أظبطلك الكلام زى ماأنت عاوز
كان سحلب اللى معاه كورسا هنا عندو مشاكل فى العربية وجالى من دمياط وظبط العربية عند يسرى
ومشى مبسوط على الأخر
وبعدين الميزة فى يسرى إنه فاهم كويس مش بس عايز يبيع ويغيير
أخوك فى الله هانى