لغز اسمة الواجا

**hanycapoo** · 12-06-2010 11:45 AM

السلام عليكم بفكر اجيب الواجا عربية شيك وناعمة وشكلها فخم المهم بسال ناس اصحابى قالولى لا والف لا قطع غيارها غالية ومش بتتصلح الا فى التوكيل وناس تانية تقولى عربية حلوة مبقتش عارف اقرر قولت اجى هنا للمنتدى واسال راى الخبراء المعلمين

**mrwho1982** · 12-06-2010 11:48 AM

نصيحة لوجه الله اشتري الويرا احسنلك وقطع غيار ها موجودة ورخيصة

عيب الواجا غلو قطع غيارها وعلبة الدركسيون بتزيق وده عيب عام

فنصيحة هات الويرا ولو حاجة اعلي هات الجين 2 وخليك جيناويييييييي

**K3A** · 12-06-2010 11:58 AM

سييبك من كل الكلام ده .... اسأل حد من مالكي الواجا شخصيا وشوف رأيه والعربية عامله معاه كام كيلو وكان عنده قبلها ايه

**mrwho1982** · 12-06-2010 12:06 PM

السلام عليكم اولا

لصاحب الموضوع
خش عاللنك ده
http://www.nilemotors.net/Nile/51833-a.html

يارب اكون افدتك

**hanycapoo** · 12-06-2010 12:24 PM

باشا الف شكر

**eng.m7md.ali** · 12-06-2010 01:37 PM

بص يابشا انا معاية الواجا بقالي حوالي سنة والحمد لله العربية مفهاش حاجة غير بعض المشاكل اللي متفق عليها من ملاك بروتون
علبة دريكسيون
تقفيل احسن من الجين2
العفشة النشفة
غير كدة عربية مفهاش حاجة وبالنسبة لقطع الغيار مش غالية زي الالماني ومش رخيصة زي الكوري وبعدين العفشة هيا عفشة اللانسر

صلي واتكل على الله وان شاء الله خير ومتسمعش كلام حد لو العربية عجباك وممكن تستنى باقي اراء الاعضاء

**eng.m7md.ali** · 12-06-2010 01:44 PM

نسيت اقول ان في كام صوت كدة بس خلاص تعايشت معاهم ومش كل الواجا فيها الاصوات دي

**ahmadelsaeed** · 12-06-2010 02:08 PM

السلام عليكم,

أنا من أحد ملاك الواجا و الحمد لله العربية كويسة جدا ... أنا لسه مدخلتش فى سكة قطع الغيار دى عشان لسه مكملتش بيها 10000 بس هى الحقيقة عربية مريحة و حلوة ... أنا مازلت مصر على موقفى إنها أحسن من الجين تو فى التقفيل و التابلوه من جوه , بس طبعا الجين تو و البيرسونا أحلى من بره ... على العموم محدش يقدر يقولك جيب و متجيبش , أنت لو فى دماغك عربية معينة , صلى إستخارة و توكل على الله , لو فيها خير هتكمل لو مافيهاش هتقف .... و ربنا يوفق

بالنسبة للرأى الأخير فى موضوع قطع الغيار ده, إستنى مهاب أو أى حد من ملاك الواجا القدام و هو يفيدك أكتر.

**abo3bdolrahman** · 12-06-2010 03:54 PM

الواجا عربية كويسة مش واو بس حلوة أنا معايا بقالها 4 سنوات موديل 2006 جميع الكماليات أتوماتيك المحرك القديم الميتسوبيشى مالك أول.
العربية عامل بيها 60 ألف كم و بالنسبة لقطع الغيار لحد الآن الحمد لله ما احتاجتش لقطعة غيار و ملقتهاش برة التوكيل بسهولة و أصلا مش هاتحتاج حاجة و من بعد ما خرجت العربية من الضمان و ما بقتش أروح الصيانة عند الوكيل ما بقاش فى العربية أى مشكلة و بصراحة دى عربة كل ما تقدم بتحلو أرجو إنى أكون أفدتك و بالتوفيق إن شاء الله
ملحوظات :
1- العفشة ناشفة شوية !
2- الزجاج بيعمل صوت هواء فى السرعات العالية.
3- الشكل قديم شوية.
4- التقفيل 9 من 10
5- بس مش لاقى حاجة تانية أقولها
سيارتى السابقة كانت فرنا كورى 2004 جميع الكماليات أتوماتيك أعلى فئة و بصراحة لاوجه للمقارنة بينها و بين الواجا الواجا تكسب طبعا

**TAG_Turbo0** · 12-06-2010 04:41 PM

انا مش من ملاك الواجا بس عندي ويرا
لما كنا بنشتري جربت الاتنين وكنت هموت على الواجا
بس في 2004 كان سعر الواجا 135000 والويرا 74000
فطبعا كان استحاله اني اشتريها
بس فى واحد صاحبي معاه الشكل القديم كان جايبها مستعمله ومسمعتوش بيشتكي من حاجه غير ان اللوجي الى أدام اتسرق ومش لائيه !

الموضوع: لغز اسمة الواجا

LinkBack

أدوات الموضوع

عرض

-

-

-

-

-

-

المواضيع المتشابهه

لغز اسمة fsv

لغز اسمة الماهيندرا

لغز اسمة الواجا

لغز اسمة الاوبترااااااااااااااا

لغز اسمة الافيو

الكلمات الدلالية لهذا الموضوع

المفضلات

المفضلات

ضوابط المشاركة