السلام عليكم اولا
ثانيا انا يوم الخميس وانا عند الحي السابع طقت في دماغي اني اروح اضبط زوايا عند عمرو بدوي اللي في السابع
دخلت عند الراجل هم بصراحة ناس فاهمه شغلها شوية لقيتو بيقولي هي العربية دي عاملة حادثة
ضحكت وبصيتلو قلتلو اه داخلة في قطر مرتين
المهم قلتلو ايه المشكلة قاللي العجل قافل وحلهالي علطول
الغريب ان هو ماخدش وقت خالص يعني خلال 10 دقائق كنت ضابط زوايا العربية ودفت 25 جنيه وبصراحة العربية بقت كويسة جدا لاني كنت بشتكي اني بحس ان العربية مفككة من بعضها وضبط زوايا ورا قاللي تمام
بس هو قاللي غير الكاوتش اللي قدام لاني مركب في عربيتي 3 انواع كاوتش ( من كل فيلم اغنية )
العربية نوعها بروتون ويرا 2000 مانوال عاملة 190000
المهم روحت بالعربية ماشاء الله تمام
انا قلت اقول تجربتي للافادة ودي طبعا نقطة في بحر جنب اللي استفدته من المنتدي ده عامة ومن القسم ده خاصة
تحياتي ( ابو عبد الله )