السلام عليكم و رحمه الله يا شباب
عندي مشكلة في دورة التبريد مش عارف لها حل ...
الميه اللي في القربة دايما بلاقيها ناقصة ونازلة عن المنسوب بتاعها مع اني مفيش اي تسريب شايفه خالص لا من المواسير ولا الخراطيم ولا حتى الطباب اللي على الموتور ...
رحت للميكانيكي قالي ممكن يكون غطاء القربة مشيع .. واداني غطاء من عنده وقالي جربه وقولي النتيجة , النهاردة الصبح لقيت برضه منسوب المياه نازل عن الحد المفترض بتاعه .
نسيت اقول حاجة ... الغطاء القديم بتاعي كان لما ابطل العربية بسمع صوت تنفيس طالع منه وبعدها التنفيس بيسكت وبلاقي الميه بتتسرب من الغطاء ... لكن الغطاء اللي ادهولي الميكانيكي بسمع صوت تنفيس منه ولما بيسكت مفيش ميه بتتسرب منه ولا حاجة .
ايه رأيكوا اجرب غطاء جديد اصلي ولا المشكلة حاجة تانية ؟
وشكراً