مساعدة في شراء رينو ميجان مستعملة

**moatazbunny** · 12-06-2010 04:52 PM

إن شاء الله نويت أشتري عربية جديدة وال الحمد لله قررت إني أشتري الميجان السيدان
بس طبعا الناس كلها خوفتني منها عشان قطع غيرها غالية وكده
وكمان ناس قالتلي إنها تقيلة في بيعها وبصراحة قلت أخُش هنا اخد رايكم أنتم عشان أنتم خبرة عني

الموضوع عبارة عن مجموعة عربيات نازلة تبع بنك NSGB وهي أصلا ملكه مش هيشتريها مخصوص ليه ... هو منزل كذا عربية 2006 و 2007 وفي منها بانوراما

2006 في رينج الخمسينات كاش و 2007 في رينج ال ستينات كاش

فـإيه رايكوا فيها وقطع غيرها عاملة إيه والتوكيل اخباروه اييه وإيه أهم حاجة ابص عليها في العربية دي
وياريت لو تقولولي انواعها إيه عشان سامع إن في ميجان واحد وميجان إتنين بس بصراحة معرفش الفرق بينهم
وإزاي أعرف دي كاملة ولا مش كاملة ..
ياريت ماتبخلوش عليه بأي معلومة
اخوكم معتز

Uploaded with ImageShack.us

**TAMER2020** · 12-06-2010 06:18 PM

متابع باهتمام

**M.Radwan** · 12-06-2010 06:36 PM

العربيات دي مستعملة تبع البنك او موظفين فيه؟
ياريت حضرتك تقولنا المعلومات كلها
ولو في رقم تليفون أو حاجة نستفسر منه،

**dahy** · 12-06-2010 06:53 PM

متابع وأريد الحصول علي سارة موديل 2007 أعمل اية اتصل بالبنك أسأل ولا أعمل اية من لدية معلومات كاملة يكتب لنا

**moatazbunny** · 13-06-2010 02:14 PM

آسف يا جماعة على التأخير في الرد ... بس والله كتبت الموضوع ونزلت على طول ولسة شايف الردود النهاردة

الموضوع إن دي عربيات شركة اسمها ALD ودي بتشتري العربيات وتاجرها ل شركات تانية
وبعد كام سنة تبعها مستعملة
ald احدى شركة البنك وواخدة نفس اللوجو بتاعه
العربيات كلهها حالتها كويسة وممتازة بصراحة بس ده من المنظر العام
عشان أنا مش خبير
العربييات ارخص من السوق كلها وأنا عايز اخد واحدة ميجان ليَّ
وفي قسط وكاش وماحدش يسألني إيه ظروف القسط عشان كل واحد هناك على حسب ظروفه بيتحددله الفايدة والمقدم
على العموم ده رقم الشخص المسئول عن التقسيط
أستاذ أحمد حسن 0128607006
ده موظف في البنك على فكرة

الكاش والمعاينه في بنك NSGB فرع 6 أكتوبر - منطقة البنوك - خلف البنك

أنا بقى محتاج منكم خدمة
أنا مبفهمش في رينو خالص وعايز أروح تاني مع حد من هنا
أنا أجازة بكرة وبعده بس - فـلو في حد رايح يقولي عشان أروح معاه - بس يكون بيفهم في الميجان طبعا
ده رقم موبيلي
0116664771
يارب الموضوع يعجبكم
على فكرة
في هناك
passat
BMW
4*4
NISSAN
New Accent
Verna
Matrix
Pegooo 307
HONA CIVIC
... kefaya keda

**moatazbunny** · 13-06-2010 02:22 PM

المشاركة الأصلية كتبت بواسطة dahy

متابع وأريد الحصول علي سارة موديل 2007 أعمل اية اتصل بالبنك أسأل ولا أعمل اية من لدية معلومات كاملة يكتب لنا

روح اتفرج وياريت تاخدني معاك عشان أنا مش بفهم فيهم
وعلى فكرة العربيات بتتخطف هناك من التجار بس مش أي عربيات - تقريبا بياخدوا اللي سعره قليل زي el-new-accent
لو هتكاييش روح اتفرج واطلع الإدارة خلص فيها
ومتنساش تنزل الجراش عشان وديت صاحبي الأول وبعدين رحت أنا - وبعدين بكلمه على الرينو قال لي ماشفتهاش - قلتله إنت منزلتش الجراش - قال لي لأ .
مستنيك تكلمني نروح سوا

**Ahmed Selim** · 13-06-2010 02:32 PM

عربيات أيجارهتكون متهانة بنسبة 90% و ماشية كتير كمان

و الله أعلم

**moatazbunny** · 13-06-2010 03:09 PM

يا جماعة أنا كنت فاكر زيكم بس لما رحت لقيت مفيش عربية معدية الميت ألف وكل عربية فيها كارت الصيانة بتاعها ... فـقلت أكيد دي شركة محترمة إنها تعمل صيانة فالتوكيل
ولاحظت إنها كلها عربيات بزنس كلاس يعني مش افراح وكده
بجانب إن المعاينة خير دليل

**أبو_يوسف** · 13-06-2010 03:53 PM

أولا لك جزيل الشكر على الموضوع المفيد دا..
ثانيا تفتكر ممكن يكون فيه عربيات فابريكة !
لأن نادرا لما يكون فيه عربية تأجير ومش عاملة حوادث..
زي مانت قلت المعاينة والكشف في التوكيل هايفيد اوي في الموضوع دا..
حاجة اخيرة بشوف ناس على كونتاكت عارضين ميجان 2007 على 70 (أو اقل احيانا) لحد 80 وبالفصال ممكن السعر ينزل شوية كويسين ... يعني حاسس ان فرق السعر اللي في العربيات دي مش مغري اوي.. ولا انا بيتهيألي؟

الموضوع: مساعدة في شراء رينو ميجان مستعملة

LinkBack

أدوات الموضوع

عرض

مساعدة في شراء رينو ميجان مستعملة - انشر الموضوع فى :

-

-

-

-

-

-

المواضيع المتشابهه

مساعدة في شراء صني مستعملة من صقور نيسان

مساعدة اريد شراء ميجان مستعملة و مش عارف مكان مضمون ولدى بعض الاستفسارت

عاوز اشتري رينو ميجان اومازدا3اواوبل فيكترا مستعملة مو2009

مساعدة عاجلة جدا في شراء سيارة مستعملة

رأيكم فى شراء ميجان مستعملة موديل 2005

الكلمات الدلالية لهذا الموضوع

المفضلات

المفضلات

ضوابط المشاركة