-
تسارع اللانوس
كنت على الطريق الصحراوى ولاحظت الاتى كلما وقفت بجانب سيارة (اى سيارة) ثم بدانا المشى الاحظ تزايد المسافة لصالح السيارة الاخرى وعند سرعة 100 مثلا اذا شديت مع اى سيارة الاحظ تزايد المسافة لصالح اللانوس هل يعنى ذلك ان بدء التسارع فى الانوس بطئ ام هو عيب فى الديسك او شئ كهذا علما بان ذلك مجرد ملاحظة فانا لااحب السرعة مطلقا ولست متهورا على الطرق السريعة
-
انا لاحظت كدة بردو فى النوبيرا عندى و عرفت بعد كدة ان الدايو عموما سحبو وحش ولكن فى السرعات العالية جامد
-
الاول والتاني في اللانوس بشكل عام تجميعه بطئ نسبياً ومن بعد التالت الموتور بيفوووق جداااااااا
-
محدش يقدر يحكم لان فيه حاجات كتيرة مش معروفة... يعنى العربية اللى جريت معاها نوعها ايه و الطلعة كانت ازاى و كنت بتقل انت و هو عند كام RPM الخ الخ
MMamdouh
-
و الله انا ليا راى فى الموضوع دة انا رايى ان اللانوس تسارعها من بعد ال 100 سريع نسبيا مقارنا بالطلوع من الثبات و كمان معروف عن اللانوس ان العربية بعد 2.5 ار بى ام يتعلن عن نفسها اينعم مش بالشكل الكافى بس برضو بتعلن عن نفسها
يرجى مراعاه الدقة فى كتابة لفظ الجلالة
مشرف عام الكورى و الماليزى
-
الاول و التاني فعلاسئ في اللانوس
-
فعلا اللانوس في السرعات البطيئة سيئة جدا ولكن بتتحول بعد 100 كم /س بتبقي وحش
-
ومن وجة نظرى ان اى عربية فى التسارع من الصفر هيكون لصالحها مش للانوس بعد كدة العربية بتجمع وهتجرى بس حسب الماتور اللى بتشد معاه
يعنى ميكنش 2000cc
-
العربيتين كانوا لانسر موديل قديم واسبيرانزا وطبعا بقيت العربيات من اوكتافيا وطالع انا مش محتاج اسال فيها
-
العربيات اليابانى بشكل عام نقلاتها قصيرة و دة بيديها ميزة فى الطلعة و السرعات القليلة... طبعا الميزة دى بتتعكس بعد سرعة 100
MMamdouh
-
بعد السلام عليكم ورحمه الله وبركاته
الموضوع ده برضه بأحسه في العربية بتاعتي مع إنها جديدة ، بس في نقطه مش عارف مع كل الناس ولا إيه، ألا وهي إن العربية بتبدأ في الفوقان بعد عداد الأر بي إم بيعدي 3.5 لحد أربعة بحس إن العربية بدأت تسحب بشكل كويس وده طبعأً بعد الثاني ، أنا ما بحاولش أقرص علي الأول ولا الثاني إلا في مطلع جامد بأديها التاني لما ألاقيها كده مش مظبوطه .
إحترامات
-
ياجماعه الانوس ماتورهاe-techوالنوع ماوتير ديه بتاع السرعات العاليه فلو تاخد بالك لما rpmيعدى 4 السحب بيختلف للاقوى وشكرا
Content Relevant URLs by
vBSEO 3.6.0 PL2